தமிழர்கள் தொடர்ந்து தாக்கப்பட காரணம் என்ன?

கர்நாடகாவை எதிர்த்து தொடர் போராட்டங்களை நடத்துவதைக் காட்டிலும், எல்லோரும் கூடி சட்டரீதியாக போராட முனையலாம். 

சட்டரீதியான கட்டமைப்பு இல்லாமையாலே எல்லா இடங்களிலும் தமிழர்கள் தொடர்ந்து தாக்கப்படுகின்றனர்.

அதாவது, தமிழர்களுக்கு ஏற்பட்ட ஒட்டுமொத்த இழப்புகளுக்கும் கர்நாடக அரசே பொறுப்பு என்று உச்ச நீதிமன்றத்தில் வழக்கு தொடுத்து பாதிக்கப்பட்ட அனைவருக்கும் நிவாரணம் பெற்றுத்தர போராடலாம். ஒருமுறை இழப்பீடு பெற்று வழக்கில் வெற்றி பெற்றால் இனி கலவரம் செய்யக் கன்னடர்களே தயங்குவார்கள். அரசும் வேடிக்கை பார்க்க முயற்சிக்காமல் எச்சரிக்கையாக இருக்க முன் கூட்டி நடவடிக்கை எடுக்கும். 

கேரள, ஆந்திர, கர்நாடக சிறைகளில் என்ன வழக்கென்றே தெரியாமல் ஏராளம்பேர் இன்னமும் சிறையில்தான் இருக்கின்றனர். இவர்களுக்காகப் போராடவும்; தமிழ் உணர்வுப் போராட்டங்களுக்காக வழக்கில் சிக்குபவர்களை காப்பாற்றவும் ஒரு வலுவான சட்ட ரீதியிலான வலுவான கட்டமைப்பு தேவை. 

இவ்வாறான கட்டமைப்பு உருவாகாத வரையில் தமிழர்கள் தொடர்ந்து தாக்கப்படுவதை யாராலும் தடுக்க இயலாது. 

உடனடியான தேவை என்னவெனில், ஜாதி அரசியல்; உணர்ச்சி அரசியலில் ஈடுபடாத ஒரு "அறிவார்ந்த செயற்திறனுடைய" தமிழர் தலைமைத்துவம்.

எப்போது நடக்கும்..?