இந்த வாரம் பார்த்த படங்கள்

குற்றம் கடிதல்
மசாலா படம்
கத்துக்குட்டி
சென்னை உங்களை அன்புடன் வரவேற்கிறது
The Walk (3D)

இப்படங்களைப் பார்த்தேன்.

சற்று நீட்டி சொல்லியிருந்தாலும் "குற்றம் கடிதல்" திரைப்படத்தின் திரை மொழி பிடித்திருந்தது. நல்லதொரு படம்.

மசாலா படத்தில் வசன கர்த்தா விஜி அவர்களின் வசனம் அருமை. படத்தின் ஆரம்பம் எதிர்பார்ப்பைத் தூண்டுகிறது. ஆனால் பின்பாதியில் அதை பூர்த்தி செய்ய தடுமாறுகிறது. இறுதிக்காட்சியில் சொல்வது சரியான செய்திதான்.

கத்துக்குட்டியில் விவசாயத்தைப் பற்றிய செய்தியை நம்பியதைவிடவும் சூரியின் காமெடியை அதிகம் நம்பியிருப்பதாகத் தோன்றுகிறது. சிரிப்பு காட்டுவதைக் குறைத்து இன்னும் விவசாயப் பிரச்சினைகளையும் முதன்மைப்படுத்தியிருக்கலாம். கண்டிப்பாகப் பார்ப்பார்கள்.

சென்னையின் அறைவாசிகளைப் பற்றியும் அறை இல்லாமல் தவிக்கும் இளைஞர்களின்; திரைப்பட உதவி இயக்குநர்களின் கஷ்டங்களைப் பற்றி நேர்த்தியாக சொல்லியிருக்கிறார்கள். பல இடங்களில் படம் யதார்த்தமாக கவித்துவமாக இருக்கிறது. ஆனால் இந்தப் பிரச்சினையே தெரியாத மக்களின் மனதை படம் எப்படி தொடும் என்று தெரியவில்லை.

The Walk, இப்படத்தைப் பார்த்த அக்கணம்வரை என்னை நான் ஒரு நியூயார்க்வாசியாகவே உணர்ந்தேன். எந்தவொரு கலைஞனுக்கும் பிற எதையும்விட தன் பிரியமான கனவுகளும் லட்சியமுமே உலகில் எல்லா சந்தோஷங்களையும்விட மேலானது. அப்படி கயிற்றில் நடக்கும் ஒரு சாகசக்காரனின் பால்யமும் அவனது கனவு நிறைவேற்றமும்தான் படம். படத்தின் இறுதிக்காட்சி மெய்சிலிர்க்க வைக்கிறது. நாம் எவ்வளவுதான் பழம்பெருமை என்று நம்மைப்பற்றி நாமே சிலாகித்துக்கொண்டாலும் சிலவற்றில் மட்டுமல்ல பலவற்றிலும் மேலை நாட்டுக்குப் பின்னாடிதான் இருந்துகொண்டிருக்கிறோம். ஒரு மக்களாட்சி என்பதைக்கூட நம்மால் சரிவர நடத்த இயலவில்லை. நாம் இன்னும் நெடுங்காலம் பயணித்தாக வேண்டும். இப்படம் ஒரு நிறைவான அனுபவம்.