சந்தர்ப்பவாதிகள் யார்?

😇😇...

ராணுவத்தை சுய லாபத்திற்கு பயன்படுத்தும் சந்தர்ப்பவாதிகள் யார்?

சில நாட்களுக்கு முன்பு ஸ்ரீஸ்ரீ ரவிசங்கர் ஒரு ஆன்மீக மாநாடு நடத்தினார். அதில் இந்திய இராணுவ வீரர்கள் கலந்துகொண்டு பாலம் அமைத்தல், பந்தல் அமைத்தல் போன்ற வேலைகளை செய்தார்கள்.  தனிநபர்களுக்கு  இந்திய இராணுவத்தை பயன்படுத்தலாமா? என்று கேட்டபோது, இந்திய இராணுவம் ஒன்றும் சும்மா வேலை செய்யவில்லை. சம்பளம் வாங்கிக்கொண்டுதான் வேலை செய்கிறார்கள், அதிலொன்றும் தவறில்லையே என்றார்கள் பிஜேபி பக்தர்கள். அப்போது யாரும் இதுகுறித்து கண்டிக்கவே இல்லை. ஆனால் இப்போது...

"ராணுவ வீரர்களுக்கும் பாகிஸ்தானுக்கும் என்ன தனிப்பட்ட பகையா? அதுபோல் நாட்டுக்காக பணக் கஷ்டத்தை சகித்துக்கொள்ள முடியாதா?" என்கிறார்கள்.

தமிழ் மீனவர்களை சுடும்போது இலங்கைக்கு எதிராகவும்; அருணாச்சல மாநிலத்தில் ஆக்கிரமிப்பு செய்த சீனத்துக்கு எதிராகவும் அமைதி காத்துவிட்டு பாகிஸ்தான் எல்லையில் மட்டும் ராணுவத்தை தியாகம் செய்யவைத்து தேசபக்தியை பரப்புகிறார்களே ஏன்?

உறுப்பு இழந்த, காயமடைந்த ராணுவ வீரர்களுக்கான ஓய்வூதியத்தை வெட்டியது யார்? ஏன்?

இவர்களின் செயற்திறனற்ற திட்டங்களுக்கு ராணுவத்தை இழுப்பது ஏன்? 

மீண்டும் எந்தவொரு கார்ப்பரேட் சாமியார்களின் மார்க்கெட்டிங்கிற்கும் ராணுவம் பயன்படுத்தப்பட மாட்டாது என்ற உறுதி உண்டா?

உலகிலேயே ஒரு நாட்டின் ராணுவத்தை தனியாருக்கு சேவகம் செய்ய வைத்தவர்கள் இன்று தங்களை நிறுத்திக்கொள்ள "ராணுவ வீரர்களை" இழுப்பது கீழ்த்தரமான அரசியல் விளம்பரம் அல்லவா?

43 ஆண்டுகாலமாக நீளும் ராணுவ வீரர்களின் நீண்டநாள் கோரிக்கையான "ஒரே பதவி ஒரே ஓய்வூதியம்" திட்டத்தை ஏன் இன்னும் அமல்படுத்தவில்லை? சமீபத்தில்கூட இதற்காக போராடி டெல்லியில் ஓய்வுபெற்ற ராணுவ வீரர் ஒருவர் உயிர் துறந்தார். கார்ப்பரேட் முதலாளிகளின் தள்ளுபடி கடன்களைவிடவும் இதற்கான தொகை குறைவுதான். 

ராணுவத்தை, சாமியார்களுக்கு சேவகம் பார்க்க வைத்ததைக் கண்டிக்காத பிஜேபி ஆட்களுக்கு இப்போது மட்டும் ராணுவத்தின் மீது ஏனிந்த திடீர் அக்கறையோ?