திடீர் பொருளாதார நிபுணர்கள்...

😍😍....

"2020 க்கு முன்னாடியே இந்தியா வல்லரசாவதை எந்தக் கொம்பனாலும் தடுக்க முடியாது" என்ற வேகத்தில் பலரும் எழுதுவதைக் கவனித்தால்.., தன் ஆதரவாளர்கள் அனைவரையும் ஒரே வாரத்தில் "திடீர்" பொருளாதார நிபுணர்களாக மாற்றிவிட்டிருக்கிறார் மோடி. போகிற போக்கைப் பார்த்தால் அநேகமாக "மோடியை எதிர்ப்பவர்கள் எல்லாரும் தேச விரோதிகள்" என்ற பிரச்சரத்திற்கு வந்துவிடுவார்கள் போலத் தெரிகிறது. 

01. வரி ஏய்ப்பு & வரி மோசடி என்பது இந்தியாவில் கிரிமினல் குற்றமாக்கப்படவில்லை.

02. பணத்தை பணமாகவே பதுக்கி வைத்திருப்பதும் இந்தியாவில் கிரிமினல் குற்றமாக்கப்படவில்லை. 

03. வெளிநாட்டு வங்கிகளில் பணம் பதுக்குவதும் இந்தியாவில் கிரிமினல் குற்றமாக்கப்படவில்லை.

(எல்லாமே "CIVIL" குற்றம்தான். அதாவது அபராதம் மட்டும் உண்டு) 

04. கறுப்புப் பணத்தை ஒழிக்க 1947-லிருந்து 60-க்கும் மேலான ஆணையங்கள் அமைக்கப்பட்டுள்ளது.  பெரும்புள்ளிகள் யாரும் இதுவரையில் தண்டிக்கப்பட்டதில்லை. அப்போதுமட்டுமல்ல, இப்போதும்கூட.

05. இந்திய உளவுத்துறையே சுவிஸ் வங்கியில் ரகசிய கணக்கு வைத்துள்ளது. உலகெங்கும் நடக்கும் வெளிநாட்டு ஒற்று வேலைக்கான பணம் இதன் மூலமாகவே இயக்கப்படுகிறது.

06. மோடியின் இந்த நடவடிக்கையின் மூலம் கள்ள நோட்டுகள் முற்றிலும் ஒழிக்கப்படலாம். அதுகூட மீண்டும் வரும். மீண்டும் வராமல் தடுக்க வலுவான தடுப்புச் செயல்முறை வேண்டும். (100 ரூ கள்ள நோட்டுகள் தற்சமயத்தில் எளிமையாக மாற்றும் சூழல்)

07. பதுக்கி வைக்கப்பட்டிருக்கும் பணத்தை சுழற்சிக்கு கொண்டுவரலாம். ஆனால் வங்கிகளில் குவியும் இந்தப் பணம் மீண்டும் மல்லையா, அம்பானி, அதானி போன்ற ஏழைகளுக்கு கடனாகக் கொடுக்கப்பட்டால் எந்தப் பயனுமில்லை.

08. தவறு செய்தால் எவனாயிருந்தாலும் தப்பிக்க முடியாது, தண்டனை உறுதி என்ற பய உனர்வு "MP, MLA, IAS, IPS, சாமியார்கள், நீதிபதிகள், அரசியல்வாதிகள்" என்று அனைவருக்கும் ஏற்படுத்தாத வரையில் கறுப்புப் பணத்தின் வாலை அசைக்கவே முடியாது.

09. "நாட்டுக்காக இதைக்கூட சகிக்க முடியாதா?" என பல சிரிப்பு தரும் மொக்கை உதாரணங்களையெல்லாம் சொல்லி மோடி செயலை ஆதரிப்பவர்கள் முதலில் பதவியேற்றதும் கறுப்புப் பணத்தை ஒழிக்க மோடி அரசு அமைத்த ஆணையம் உச்சநீதி மன்றத்தில் என்ன கோரிக்கை வைத்தது என்பதை அறிந்துகொள்ளவும். 

10. லஞ்சமும் ஊழலும்தான் கறுப்புப் பணத்தின் வேர். தேர்தல்தான் கறுப்புப் பணத் திருவிழா. இதில் கடும் தண்டனை முறைகள் செயற்படுத்தப்பட வேண்டும்.

ஒரு அரசின் செயற்பாடுகளை விமர்சிப்பது, அந்த அரசின் கடந்த கால செயல்பாடுகளைக் கொண்டுதான் என்ற பார்வையிலேயே இந்தப் பதிவு.

"சோத்த ஆக்கிட்டு அப்புறம் எலையைப் போடனும், எலையப் போட்டுட்டு இப்பதான் ஒலைய வெக்கிறோம், நேரமாவும்னு" சொல்றது நல்ல நிர்வாகமா நியாயமாரே?...