கவர்னர்...

செய்தி : மேகாலயா கவர்னர் ஷண்முகநாதன் மீது பாலியல் குற்றச்சாட்டு / பதவி விலகல்

# கவர்னருக்கு என்று ஏதேனும் முக்கியமாக வேலை இருந்திருந்தால் அவர் அதை பார்த்திருப்பார். செய்வதற்கான வேலைகள்தான் என்னென்ன? 

அப்பல்லோவில் 75 நாட்களாய் கிடந்த ஒரு மாநில முதல்வரின் நிலையை அறிய ஒரு 1 மணி நேரம் மட்டுமாவது செலவிடக்கூட இயலாதபடி ஓய்வே இல்லாமல் கவர்னர்களுக்கு அப்படி என்னதான் வேலை? அதுவும் மேகாலயாவை கண்காணிக்க தமிழ்நாட்டுக்காரர் எதற்கு? அவர்களின் கலாச்சாரம் உரிமைகளுக்கு இன்னொரு மொழிக்காரரின் அனுமதியும் மறுப்பும் எதற்கு? இப்படித்தான் தமிழ்நாட்டுக்கு வேற்றுமொழி கவர்னர்கள் நியமிக்கப்படுவதும். திமுக தலைவர் கருணாநிதி அவர்கள் மட்டும்தான் இம்முறையை எதிர்த்து இந்தியாவில் குரல் கொடுத்தார். மக்களால் தேர்ந்தெடுக்கப்பட்ட முதல்வர் இருக்க, புதுச்சேரியின் மகாராணி போல கிரண்பேடி நடந்துகொள்வதை கவனியுங்கள். 

அறவழி போராட்டங்களுக்கே மண்டைகளையும் எலும்பையும் உடைக்கும் போலிசு இருக்கும் நாட்டில் இப்படி அவர்மீதும் பலரும் கூறியுள்ள பாலியல் குற்றச்சாட்டுகளால் அவர் நிலை என்னாகுமோ என்று நினைத்தால் நெஞ்சம் பதறுகிறது.