"காஸி"

17-02-2017 இன்று நண்பர் / எழுத்தாளர் சந்தோஷ் அவர்களுடன் palazzo-வில் இப்படம் பார்த்தேன்.

1971-ம் ஆண்டு இந்தியாவுக்கும் பாகிஸ்தானுக்கும் நடந்த போரின்போது விசாகப்பட்டினம் அருகே இருநாட்டு நீர்மூழ்கி கப்பல்களுக்கிடையே நடைபெற்ற மோதல் சம்பவம்தான் படத்தின் கதை. இதன்போது "காஸி" என்ற பாகிஸ்தானிய நீர்மூழ்கிக் கப்பலை இந்திய வீரர்கள் எவ்வாறு அழித்தனர் என்பதை மிக சுவாரசியமாக சொல்லியுள்ளனர்.

படம் சிறிதும் தொய்வில்லாமல் நகர்கிறது. புதியதொரு கதைக்களம் என்பதால் படம் முடியும்வரையில் ஆர்வத்துடனே பார்த்தேன். குடும்பத்துடன் பார்க்க ஒரு நேர்த்தியான படம். அனைவருக்கும் நிச்சயம் பிடிக்கும். தவறவிடாமல் கண்டுகளியுங்கள்.

முக்கியமாக ஒளிப்பதிவாளர் மதி அவர்களின் ஒளிப்பதிவு மிக மிக அருமை. மதி அவர்களின் ஒளிப்பதிவில் ஏதோ வசியம் ஒன்று இருப்பதை தொடர்ச்சியாக எல்லா படங்களிலும் உணர்கிறேன்.

படம் பார்த்து முடித்ததும் படத்தின் ஒளிப்பதிவாளர் அவர்களை சந்திக்கும் சந்தர்ப்பம் அமைந்தது. படம் பற்றிய எங்களது / அவரது கருத்துக்களை; அனுபவங்களை சுமார் 1.5 மணி நேரம் பகிர்ந்தது மிக மகிழ்ச்சி.

ஹிந்தி, தெலுகு, தமிழ் ஆகிய மூன்று மொழிகளில் இப்படம் வெளியாகியுள்ளது.

.