ஈழமும் அணுகுமுறையும்

ஈழப் பிரச்சினையை இனி இந்திய அளவில் பரவலாக நகர்த்திச் சென்று பேசுவதே கொஞ்சமேனும் பயனுள்ளதாக இருக்கும். வெளி மாநில தலைமைகளுடன் தொடர்பு ஏற்படுத்த ஒரு குழுவொன்றை அமைக்க வேண்டும். அனைத்து மொழி மக்களுக்கும் இது மனித உரிமை & விடுதலை போராட்டம் என்ற பார்வையில் மாற்றப்பட வேண்டும்.

எல்லா மாநிலத் தலைநகரிலும் இருக்கும் தமிழ் அமைப்புகளை தொடர்ச்சியாக சந்தித்து பிரச்சாரத்தை தொடங்க வேண்டும். எல்லா இனங்களையும் நேசிக்கும் இனமாக நம் தமிழ் இனத்தைக் காட்ட வேண்டும். படிப்படியாக அனைத்து மாநில முற்போக்கு & ஜனநாயக அமைப்புகளுடன் தோழமையை ஏற்படுத்தி ஈழத்தை அவர்கள் ஏற்கும்படி தகுந்த உண்மையைச் சொல்லி பரப்புரை செய்ய வேண்டும். அந்தந்த மாநில மக்களின் பார்வையில் பிரிவினை சக்திகளாக தோன்றும் அமைப்புகளுடன் கடைசியாகத்தான் நட்பு ஏற்படுத்த வேண்டும்.

சுருக்கமாக ஈழத்தின் மீதான சராசரி மக்களின் பொதுப்புத்தியை மாற்றி அமைக்க முதலில் முறபட வேண்டும். புலிகளின் உயிர்த்தியாகம் எல்லா இனத்தாராலும் புரிந்துகொள்ளப்பட மென்மையாக காய் நகர்த்தப்பட வேண்டும். இதுவே உயிர் நீத்த புலிகளுக்கு நாம் செய்யும் மரியாதை.

அந்தந்த மொழிகளில் பிரச்சாரம் தொடர்ந்து நடைபெற வேண்டும். எல்லா மாநிலங்களிலும் இருக்கும் தமிழ்ச்சங்கங்களை தொடர்பு கொண்டு தெளிவான நெறியாள்கை செய்தால் இது சாத்தியமே.