முடிந்தால் மன்னித்துக்கொள் கடவுளே

மடாதிபதிகளுக்கும்
மதவாதிகளுக்கும்
அக்கிரமக்காரர்களுக்கும்
பெரும் செல்வத்தை வாரிவழங்கும்
உங்கள் கருணைக் கடவுளை

நேருக்குநேர் சந்திக்கும் வரையிலும்
அல்லது
உங்கள் நம்பிக்கை வற்றும் வரையிலும்

கிழிந்துபோன உங்கள் செருப்புகளை
தூக்கி எறிந்துவிடாதீர்கள்
சேமித்து வையுங்கள் உதவும்

நாளை ஒருவேளை
கிழிந்த செருப்புகளுக்கும்
யுத்தம் மூளலாம்