புண்ணியம்

மாடுகளை வெட்டக்கூடாது. மாட்டுக்கறி தின்னக்கூடாது. ஆனால் மாட்டுக்கறியை வெளிநாடுகளுக்கு மட்டும் ஏற்றுமதி செய்யலாம். தடையில்லை. 

உள்நாட்டில் மாடு மேய்ப்பவனுக்கு வருமானம் இருந்தால் என்ன? இல்லாமல் போனால்தான் என்ன? அவன் கோமாதாவை காப்பாற்றியாக வேண்டும். கோமாதா அவனை காப்பாற்றுகிறதா என்றெல்லாம் தேசவிரோதமாக கேள்வி எழுப்பக்கூடாது. 

மாட்டை வளர்ப்பதற்கே பிறந்து வாழ்ந்து மறைய ஒரு கூட்டம் ஏற்பாடு செய்யப்பட்டுள்ளது; நேர்ந்துவிடப்பட்டு உள்ளது. அவன் விருப்பத்திற்கு வருமானம் ஈட்ட அவனுக்கு உரிமை இல்லை, தடுக்கப்படுகிறது. 

கோமாதாவுக்காக குரல் கொடுக்கிற இந்த "விசேஷ பிறப்பு ஜீவகாருண்யவாதிகள்" யாரும் ஆளுக்கு ஒன்றோ அல்லது வீட்டுக்கு ஒன்றோ வளர்ப்பதில்லை.

ஒரு கட்டு புல்லோ கீரையோ வாழப்பழமோ வாங்கி ஒரு தடவை கொடுத்துவிட்டாலே "புண்ணியம்" சுலபமாக கிடைத்துவிடுகிறது.

காலம் முழுதும் மாடு மேய்க்கிறவர்களுக்கு மட்டும் "அது" ஏனோ தலைமுறை தலைமுறையாக கிடைக்காமல் போகிறது...!!!