தோழர்...
எல்லா பின்னூட்டங்களுக்கும் பதில் அளிக்காதீர்கள். விமர்சனத்தை அறவே பொருட்படுத்தாதீர்கள். பதிவுகளை மட்டும் பதிந்துவிட்டு நகர்ந்துவிடுங்கள். தேவைப்பட்டாலொழிய கமெண்ட்களுக்கு வராதீர்கள்.
உலகமும் மக்களும் பிரச்சினைகளும் மிகப்பெரிது. இன்னொருவருக்காக நீங்கள் போராடினால் வாழ்நாளில் எத்தனைப் பேருக்காக போராட இயலும். அவரவர் பிரச்சினைகளை அவரவர்களே எதிர்கொள்ள மட்டும் துணை நில்லுங்கள். அதற்கான வலுவான கட்டமைப்பை மட்டும் நிறுவ முயலுங்கள். எல்லோருக்காகவும் நாமே போராடிக்கொண்டிருந்தால் எதிரி நம்மை சுலபத்தில் வீழ்த்தி விடுவான். மீண்டும் அதே சூழல்தான் தொடரும். தனிநபர்களை வீழ்த்துவதும் விரக்திக்கு ஆளாக்குவதும் எதிரிக்கு சுலபம். எல்லா விமர்சனத்திற்கும் எதிர்வினை ஆற்றுவதுதான் போராளிகளின் பலவீனம். சிரித்தபடி செல்லுங்கள்.
நீங்கள் இல்லையாயினும் போராட்டம் தொடர்ந்து நடைபெறவும் நீர்த்துப் போகாமல் இருக்கவும் கட்டமைப்பு ஏற்படுத்துங்கள்.
நேரடியாக களத்தில் இறங்கிப் போராடுவதைக் குறைத்துகொண்டு பாதிக்கப்படுபவர்களுக்கு போராட்ட அறிவையும் சட்டரீதியான வழிகாட்டலும் தைரியமும் கொடுங்கள். நிரந்தரமாக அதை எதிர்த்தும் போராடும் களப்போராளிகளை உருவாக்க மட்டும் குறி வையுங்கள்.
வாழ்நாளில் 100 பேருக்காக போராடுவதைக் காட்டிலும் 1000 போராளிகளை உருவாக்கி விடுவதே மிக அவசியமானது.
யார் வேண்டுமானாலும் போராடலாம், எல்லோரையும் போராடச் சொல்லி வீதிக்கு அழைப்பது சிலரால் மட்டுமே முடியும்.
பாதிக்கப்பட்டவர்கள் ஆலோசனை தேடி உங்களைச் சந்திக்க வரும் பொறிமுறைதான் நிரந்தரத் தீர்வு.
இதுதான் சரியென்று நான் இறுதியாக சொல்லவில்லை. எனது சிறிய அனுபவத்திலிருந்து சொல்கிறேன்.
