திராவிடமன்றி இதை யார் செய்தது?

From Madhes on Cloudnine Facebook wall 

இன்னும் பத்து ஆண்டுகளில் வட நாட்டினரின் ஆக்கிரமிப்பு பெங்களூருவில் 75%ஐ கடந்துவிடும் என ஒரு புள்ளிவிபரம் தெரிவிக்கிறது.. இதே நிலை நம் சென்னைக்கு வர இன்னும் குறைந்தது 50 வருடங்களாவது தேவைப்படும்.. காரணம், அவர்களுக்கு (வடக்கத்தவர்களுக்கு) நம் மாநிலத்தில் மொழிப்பிரச்சினை சற்று அதிகம்.. அதனால் இங்கு இடம்பெயர சற்று தயங்குவர்.. இந்த நிலை பெங்களூருவில் இல்லை.. அங்கு பரவலாக இந்தி அதிகம் பேசப்படுவது அவர்களுக்கு ஒரு சௌகரியம்.. அஸ்ஸாமின் நிலை தெற்கத்திய மெட்ரோக்களுக்கு வரும் காலம் வெகு தொலைவிலில்லை.. நம் முன்னோர்கள் தெரிந்தோ, தெரியாமலோ செய்து வைத்த இந்தி எதிர்ப்புகளால் நம் தலைமுறை தப்பிவிட்டது... இது அரைகுறை அலசலாக தோன்றினாலும், ஆராய்ந்து பார்க்கும்போது உண்மை புலப்படும்!!

ஈழத்தைப்போல இங்கேயும்...

ஈழத்தில் இப்போது தமிழர்கள் போராடிக்கொண்டிருப்பதைப் போல நாளை வருங்காலத்தில் இங்கே நம் சந்ததியினர் இந்திக்காரர்களையும் இன்னபிற இனத்தார்களையும் எதிர்த்து உயிர் துறக்கவேண்டிய சூழ்நிலையை நாம் உருவாக்கிக்கொண்டிருக்கிறோம் அல்லது வேடிக்கை பார்த்துக் கொண்டிருக்கிறோம். கூடங்குளம் போராட்டம் தோற்கும் எனில் இது உறுதி...

கூடங்குள போராட்டக்காரர்களை அச்சுறுத்திய விமானப்படை...

உங்கள் கிராமத்தில் நடக்கும் காது குத்து, கல்யாணம், மஞ்சள் நீராட்டு, புதுக்குடித்தனம், கருமாதி... இத்யாதிகளுக்கு இங்கு மலிவான கட்டணத்தில் விமான சர்க்கஸ் செய்து காட்டப்படும். உடனே அணுகவும்....

கடலோர காவற்படை,
தமிழ்நாடு,
இந்தியா. 000 000.

( குறிப்பு : கொழும்பைத் தவிர எங்களுக்கு வேறு எங்கும் கிளைகள் இல்லை. போலிகளை நம்பி ஏமாறவேண்டாம் )

ரூ.10ல் சிறுநீரகக்கல்லுக்கு தீர்வு..!

from தேடல் (In Search of ) facebook

ரூ.10ல் சிறுநீரகக்கல்லுக்கு தீர்வு..!

நான் மருத்துவம் படித்த மருத்துவர் அல்ல. எனது அனுபவத்தில் நான் மேற்கொண்ட, பலனைத்தந்த வீட்டுச் சிகிச்சையை எழுதியிருக்கிறேன்.

இன்றைய உணவுப்பழக்கத்தினால், சிறுநீரக கல் பிரச்சினை என்பது பெரும்பாலானவர்களுக்கு சாதாரணமாகிவிட்டது.

இதனால் உண்டாகும் வலியானது, எனது அனுபவத்தில் வேறு எந்த வலியோடும் ஒப்பிடமுடியாதது.

எனக்கு நான்கு வருடங்களுக்கு முன், இடுப்பில் வலி ஏற்பட்ட போது முதலில் வாயு பிரச்சினையாக இருக்கும் என்று நினைத்தேன், ஆனால் வலியின் அளவு கூடிக்கொண்டே போய் தாங்க முடியாத அளவுக்கு அதிகரித்தது. மருத்துவரிடம் சென்றால் ஸ்கேன் எடுக்க பரிந்துரைத்தார்.

ஸ்கேன் ரிப்போர்ட்டில் எனக்கு, 5mm மற்றும் 9mm-ல் இரண்டு கற்கள் சிறுநீரகத்தில் இருப்பதாகவும், இதை அறுவை சிகிச்சை மூலம்தான் அகற்றமுடியும் என்றும் மருத்துவர் சொன்னார்.

மருத்துவச் செலவாக `30,000/- ஆகுமென்றும் சொன்னார். சரி இந்த அறுவை சிகிச்சை செய்துவிட்டால், இனிமேல் இந்த பிரச்சினை வராதா என்று கேட்டால், அதற்கு உத்திரவாதம் இல்லை, உங்களின் உணவு முறை மற்றும் நீங்கள் தினமும் அருந்தும் தண்ணீரின் அளவைப் பொறுத்தது என்றார்.

சரி நாளை வருகிறேன் என்று வீடு வந்தேன். இத்தனைக்கும், என் நண்பன் ஒருவனுக்கு இதே பிரச்சினை வந்ததிலிருந்து வாழைத்தண்டு சாரும், வாழைத்தண்டு பொறியலும் அடிக்கடி சாப்பிட்டு வந்தேன், இருந்தாலும் எனக்கு தண்ணீர் அருந்தும் பழக்கம் குறைவானதால் வந்துவிட்டது போலும்.

எனவே கூகுளிடம் சரண்டர், ஒரு மணி நேரத்தேடலுக்குப் பிறகு, சிகிச்சை பெற்ற ஒரு புண்ணியவான் அந்த காய்கறி பெயர்+ திரவத்தின் பெயரை வெளியிட்டிருந்தார்

அந்த காய்கறியின் பெயர் ஃபிரஞ்சு பீன்ஸ்(French beans) , திரவத்தின் பெயர் தண்ணீர் (அட வீட்ல நாம தினமும் குடிப்பது தான்).

( ¼ ) கால் கிலோ ஃபிரஞ்சு பீன்ஸ் ( எல்லா கடைகளிலும் கிடைக்கிறது ) `ரூ10-க்கு வாங்கி, விதை நீக்கி, தண்ணீரில் கொதிக்க வைத்து (குறைந்தது 2 மணிநேரம்), மிக்ஸியில் நன்றாக அரைத்து குடித்து விட்டு, 10 நிமிடம் கழித்து, 2 லிட்டர் நீரை ( ஒரே முறையில் குடிக்க முடியவில்லையென்றால் சிறிது நேரம் விட்டு விட்டு) குடிக்க வேண்டும், இன்னும் அதிகமாக குடிக்க முடிந்தால் நலம்.

நான் இதை குடித்தவுடன் (மாலை 5 மனிக்கு) , விடியற்காலை 3 ½ மணிக்கு (அதுவரை அடிக்கடி நீர் அருந்திகொண்டிருந்தேன், வலியில் எங்கே தூங்குவது...) 5 சிறு கற்களாக சிறுநீர் போகும்போது வெளிவந்தது.

கல்லானது சிறுநீரகத்திலிருந்து சிறு பைப் வழியாக சிறுநீர்பைக்கு சென்றடைகிறவரையிலும் வலி கொடுமையானதாக இருக்கும், அதன் பின் சிறுநீர் பையிலிருந்து வெளி வருகிறவரை, சிறுநீர் பாதையை அடைத்துக் கொண்டு, சிறுநீர் வரும்.. ஆனால் வராது... என்ற கதையாகிவிடும்,

பயந்துவிடாமல், நாம் பருகும் நீரின் அளவை அதிகரிக்க வேண்டும், சிறுநீர்பை நிறைந்து சிறுநீர் கழிப்பது கட்டுபடுத்தாத நிலைவரும்,

அப்போது, நாம் அதிக அழுத்ததுடன் சிறுநீர்கழித்தால் , வெளியே வந்துவிடும். கற்கள் ஒரு ஸேப் (SHAPE) இல்லாமல் இருப்பதால், உள்பாதையில் கிழித்து ரத்தமும் வரலாம், ஒரு நாளில் சரியாகிவிடும்.

மறுநாள் எடுதத ஸ்கேனில் கற்கள் இல்லையென்று ரிப்போர்ட் வந்தது.

அதிலிருந்து வாரம் ஒருமுறை இதை சாப்பிடுகிறேன், எனக்கு கல் பிரச்சினை போயே போயிந்தி.. இட்ஸ் கான்...

இனிமேல் கல் உருவாகாமல் பார்த்துக்கொள்ளலாம். தினமும் 3 லிட்டர் வரையிலும் தண்ணீர் குடித்து விடுங்கள்.

சிறுநீரக்கல் வலி வந்த பிறகு அது தொடர்பாக நான் இணையதலத்தில் படித்ததில் சில :

துளசி இலை(basil) : இந்த இலையின் சாருடன் , தேன் கலந்து ஆறு நாட்கள் உண்டால், கல் உடந்து விடுமாம்.( கல்வலி வந்த பிறகு ஆறு நட்கள் என்பது மிக அதிகமான காலம், அதனால், இதை நாம் கல்உருவாவதை தடுக்கும் முன்னெச்சரிக்கைக்காக அருந்தலாம்)

ஆப்பிள்(Apple) : அடிக்கடி சாப்பிட்டாலும் கல் உருவாகாதாம்.

திராட்சை ( Grapes) : இதில் உள்ள, நீரும், பொடாசியம் உப்பும், கல் உருவாகுவதை தடுக்குமாம். மேலும் இந்த பழத்தில் உள்ள ஆல்புமின் மற்றும் சோடியம் குளோரைடு கல் பிரச்சினக்கு நல்ல தீர்வாக இருக்குமாம்.

மாதுளம் பழம்(pomegranate ): இந்த பழத்தின் விதையைப் பிழிந்து, ஒரு டேபில் ஸ்பூன் அளவு எடுத்து, அதனுடன் 2 ஸ்பூன் கொள்ளு சாருடன்(
குதிரைக்கு பிடித்தது..!!) சேர்த்து சாப்பிட்டால் , கல் பிரச்சினை தீருமாம்.

அத்திப்பழம்(Figs) : இந்த பழத்தை, நீரில் கொதிக்க வைத்து வடிகட்டி, ஒரு மாதம் தொடர்ந்து, காலையில் காலி வயிற்றில், பருகினால் பலன் தருமாம்.

தண்ணீர்பழம்(water melon ): நீரின் அளவு அதிகம் உள்ள பழம், பொட்டாசியம் உப்பின் அளவும் அதிகமாம், அதிகம் உண்பதால் கல் பிரச்சினை தீருமாம்.

இளநீர் : இளநீர் அதிக அளவு சேர்த்துக் கொல்வதாலும் கல் உருவாவதை தடுக்கலாமாம்.

வாழைத்தண்டு ஜூஸ் : வாழைத்தண்டு ஜூசுக்கு கல் உருவாவதை + கல் உருவானதை உடைக்கும்(diffuse) திரன் உள்ளதாம்.

மேற்சொன்னதை எவ்வளவு உட்கொண்டாலும், குடிக்கும் தண்ணீரின் அளவு (தினமும் 2 லிட்டரிலிருந்து 3 லிட்டர் வரை) குறைந்தால் கல் உருவாவது நிச்சயம் என்கிறார்கள்.

பின் குறிப்பு 1 : கல் ஏற்பட்ட பின் வலியை பொருக்கமுடியாதவர்கள் மருத்துவரிடம் சென்றுவிடுவதே நல்லது.

பின் குறிப்பு 2 : இந்த முறையில் பக்க விளைவுகளுக்கு சாத்தியமே இல்லையென்பதால், தைரியமாக பின்பற்றலாம். இதுவரை கல் பிரச்சினை வராதவர்களும் பின்பற்றலாம்.

(இந்த தகவலை பகிர்ந்த அந்த நல்லுள்ளதிர்க்கு "தேடலின்" மனமார்ந்த நன்றிகள் ...!) — with Mani Maran.

ஒருவன் பெரியாரை கிண்டல்படுத்தி எழுதியிருந்தான் அவனுக்கு என் பதில்...

ஒருவன் பெரியாரை கிண்டல்படுத்தி எழுதியிருந்தான் அவனுக்கு என் பதில்...

"கடவுளை கற்பித்தவன் முட்டாள், கடவுளை பரப்புகிறவன் அயோக்கியன், கடவுளை வணங்குகிறவன் காட்டுமிராண்டி" என்று அவர் எல்லா மதத்தையுமேதான் சாடினார். பொதுவாக ஒரு மதத்தை எதிர்ப்பவர்கள் இன்னொரு மதத்தை ஆதரிக்கிறவர்களாக இருப்பார்கள். ஆனால் பெரியார் எல்லா முட்டாள்தனங்களையுமே எதிர்த்தார். தெருவுக்குத்தெரு சிலை வைத்துவிட்டு திருவிழா நாளில் மண்டை உடைத்துக்கொள்வதும், சாதிக்கொரு சாமியும், அறிவுக்குப் பொருந்தாத கதைகளும், கடவுளின் பேரால் மதத்தின் பேரால் சாதியின் பேரால் மனிதனை மனிதன் இழிவாக நடத்துவதும் உலகில் எந்த மதத்தில் மண்டிக்கிடக்கிறது என்று யோசித்துப்பாருங்கள். எனக்குத் தெரிந்து பெரியாரை படிக்காதவர்களே அவரை விமர்சனம் செய்கிறார்கள். இஸ்லாமியர்களிலும் பெரியாரியவாதிகள் இருக்கிறார்கள். அவர் ஏதோவொரு இஸ்லாமிய நாட்டிலோ அல்லது கிறிஸ்தவ நாட்டிலோ பிறந்திருந்தாலும்கூட இப்படித்தான் இருந்திருப்பார். அவர் ஒரு மதத்திற்கு மட்டும் எதிரியல்ல, எல்லா முட்டாள்தனத்துக்கும் மூடப்பழக்கத்திற்குமேதான் எதிரி. காந்தியைக் கொன்ற பார்ப்பனர்கள் தன்னை ஏன் கொள்ளவில்லை என்பதற்கு அவர் சொன்னதைப் படித்துப் பாருங்கள். சில பெரியரியவாதிகளின் செய்கைகள் முட்டாள்தனமாக இருக்கலாம், அதற்கு காரணம் அவர்கள் முழுமையாக பெரியாரை படிக்காதவராகவோ, அல்லது பிழைப்புக்காக பெரியார் பெயரால் தன சுயநலத்தை மறைத்துக் கொள்பவர்களாகவோ இருக்கலாம். ஆனால் பெரியார் மகத்தான மனிதர். அறிவை விரும்புகிறவன் அறியவேண்டிய மனிதர். எத்தனைதான் தற்குறிகள் தோன்றினாலும் எக்காலத்திலும் அவர் புகழ் மங்கப்போவதில்லை.

எங்கும் எதிலும்...

"படைக்கிறவன் படைக்கிறவற்றுக்கு உண்மையாக இருத்தல் வேண்டும் - மாவோ."

# தற்காலத்தில் எழுத்தாளர்களும் கலைஞர்களும் விளம்பரத்திற்காக இயங்கிக் கொண்டிருப்பதாகவே தெரிகிறது. இவர்களால் மக்களுக்கு எந்தவிதத்திலும் லாபமில்லை. இவர்களைவிட சாதாரனவற்றுக்கும் எதிர்வினையாற்றும் சாமானியன் எவ்வளவோ மேலானவன்.

அமெரிக்கத் தூதரகம் முற்றுகை...!

அமெரிக்கத் தூதரகம் முற்றுகை...!

பர்மாவில் படுகொலை செய்யப்பட்ட முஸ்லிம்களுக்காகவோ, சிறையில் அடைந்துகிடக்கும் அப்பாவி முஸ்லிம்களை விடுவிக்கவோ இவ்வளவு கூட்டம் கூடவில்லை. அமெரிக்காவை இங்கே எதிர்ப்பது சுலபம். இங்குள்ள ஆளுங்கட்சியை எதிர்க்க இவ்வளவு பேர் கூடுவார்களா? மக்களுக்காக முன்னுரிமை கொடுக்காமல் மதத்திற்காக கூடுவதெல்லாம் யாருக்கு பயனோ? இதே ஆவேசம் எல்லா அநியாயங்களுக்கு எதிராகவுமிருந்தால் மிக நல்லது.

இஸ்லாம் பற்றி பெரியார்...

இஸ்லாம் பற்றி பெரியார்...

முகம்மது, கடவுளுக்கு (கடவுளால் அனுப்பப்பட்ட) தூதராம். கடவுளுக்குத் தூதர் எதற்கு? குரான், கடவுளால் தூதரருக்கு (நபிக்கு)ச் சொல்லப்பட்ட செய்தியாம். கடவுள் மக்களுக்குச் செய்தி சொல்லவேண்டுமானால் ஒரு மனிதர் (தூதர்) வாயினால் தான் சொல்லச் செய்யவேண்டுமா? கடவுளால் எல்லா மனிதருக்கும் ஏககாலத்தில் தெரியும்படிச் செய்ய முடியாதா? உலகில் மனிதன் தோன்றி எத்தனையோ இலட்சம் ஆண்டுகளுக்குப் பிறகு ஒரு ஊரிலே, யாரோ ஒரு சிலருக்கு மாத்திரம் சொல்லும் ஏன் சொல்லுகிறார்? மற்றவர்களுக்கு ஏன் தெரிவிக்கவில்லை? முகமது நபி என்பதை ஏற்றுக் கொண்டு, அவரை நம்பினவர்களுக்குத்தானே குரான்? மற்றவர்கள் அதை ஏற்பதில்லையே! மற்றவர்களுக்குப் பயன்படுவதில்லையே! ஏன்?

- பெரியார், [14.06.1971- "உண்மை" இதழில்]

கடவுள் நம்பிக்கை என்பது உண்மையா?

கடவுள் நம்பிக்கை என்பது உண்மையா?

"கடவுள் நம்பிக்கை உங்களுக்கு இல்லையென்றால் மற்றவர்கள் நம்பிக்கையை ஏன் குலைக்கிறீர்கள்" என்று சில நண்பர்கள் கேட்கிறார்கள். மேலோட்டமாகப் பார்த்தால் இது நியாயமாகத் தெரியலாம். இதற்கு என் தாழ்மையான பதில் என்னவென்றால், "கடவுள் இருப்பதாக பலர் அறியாமல் சொல்வது எமது நம்பிக்கையை, அறிவை சீர்குலைப்பதாக இருக்கிறது", இதற்கு என்ன செய்வது?

ஆனால் நன்றாக யோசித்துப் பாருங்கள், உடல்நிலை சரியில்லை என்றால் நாம் கோயிலுக்குப் போகிறோமா? இல்லை மருத்துவமனைக்குப் போகிறோமா? நாம் எல்லோருமே பலவகைகளில் நாத்திகர்கள்தான். இதை யார் மறுத்தாலும் இதுதான் உண்மை.

மனசு வைக்குமா மழை ?!...

மனசு வைக்குமா மழை ?!...
( இதைப்பதிந்த நேரம் செப்டம்பர் 20, இரவு 2 மணி )

இந்த நேரம் சென்னையில நல்ல மழை பெஞ்சிட்டு இருக்கு. எனக்கு தூக்கம் வரல. ஏன்னா...,

எங்கப்பா 2000 வருசத்துலயும், அம்மா 2009 வருசத்துலயும் செத்துப் போய்ட்டாங்க. எங்களுக்கு கிராமத்துல ஒரு ஆறு ஏக்கர் பூமி இருக்கு. தண்ணியில்லாத வானம் பார்த்த பூமி. எங்க தாத்தா வெட்டிவெச்ச கிணறு பாறையாப் போச்சி. மழைகாலத்துல அதுல தேங்குற தண்ணியில வருசம் ஒரு போகம் கேழ்வரகு, கம்பு, சோளம் பயிரிடுவாங்க. எங்கப்பா அம்மா உசுரோட இருக்கும்போது கடைசியா 1998 ம் வருசம் அதுல பாதி நிலத்துல நெல் பயிர் நட்டாங்க. அதுக்குப் பிறகு எங்க யாருக்கும் விவசாயம் தெரியாததால இத்தனை வருசமா எங்க நிலம் தரிசாவே கெடந்துச்சி. முள் செடிங்க அடர்த்தியா வளர்ந்து கிடக்கும். அப்பப்ப ஆளை வெச்சி வெட்டுவோம். ஊர்ல இருக்குற ஆடு, மாடுகளுக்கு இதுதான் மேய்ச்சல் இடமா இருந்துச்சி. இந்த சமயத்துல எங்க பக்கத்து நிலத்துக்காரங்க எல்லாரும் நல்ல விலை வருதுன்னு அவங்கவங்க எடத்த வித்துட்டாங்க. அத வாங்குன வாலாசாப்பேட்டை பாயி ஒருத்தரு எல்லாத்தையும் வீட்டு மனையாக்கிட்டாரு. எங்க தாத்தா, பாட்டி, அப்பா, அம்மா சம்பாதிச்ச எடத்த விக்க எங்களுக்கு விருப்பமில்ல. அத என்ன பண்றதுன்னும் தெரியாம அப்படியே விட்டுட்டோம். கடந்த சனவரி மாசம் ராணுவத்துல பொறியாளரா 25 வருஷம் வேலை பார்த்த அண்ணன், வேலைக்காலம் முடிஞ்சி ஓய்வுல வந்துட்டாரு. ரொம்ப சின்ன வயசுலேயே குடும்பத்த பிரிஞ்சி வேலைக்குப் போனவரு. அவரு ஒருத்தரு மட்டும் இல்லேன்னா 7 பேர் இருந்த எங்க குடும்பம் ரொம்ப தள்ளாடியிருக்கும். என்னை டிப்ளமோ மின்னணுவியலும், என் தம்பிய Msc, Mtech-ம் அவருதான் படிக்க வெச்சாரு. அடுத்தும் அரசாங்க வேலைக்கே போக நெனச்சவரு, தரிசா கெடக்குற நிலத்தை ஏதாவது பண்ணலாம்னு முடிவுபண்ணி, தண்ணி கெடைக்குமான்னு அஞ்சுதடவைக்கும் மேல சோதனை செஞ்சி பார்த்து, ஆழ்துளை கிணறு போட்டாரு. 3 எடத்துல போட்டதுல, ஒண்ணுத்துல மட்டும் 400 அடியில 1 அங்குல அளவுக்கு தண்ணி கிடைச்சிருக்கு. மழைக்காலம்தானேன்னு அந்த தண்ணிய நம்பி நிலம் முழுக்க உழுது குழி தோண்டி, மா, மாதுளம், கொய்யா, சப்போட்டா செடிகள் ஏறக்குறைய 1000 செடிகள் வெச்சிருக்கராம். எங்க நிலத்துல தண்ணி கிடைக்கனும்கிறது செத்துப்போன எங்க முன்னோருங்க எல்லாருக்கும் கனவாவே இருந்துச்சி. ஆனா வசதி இல்லாததால அவங்களால எதுவும் பண்ணமுடியாமப் போச்சி. இப்ப கிடைச்ச தண்ணியில தினமும் 200 செடிகளுக்குதான் தண்ணி பாய வெக்க முடியுதாம். எல்லா செடிகளுக்கும் ஒரு தண்ணி பாயவே ஒருவாரம் ஆகுதாம். இப்ப ஊர்ல மழையே பெய்யலையாம். ஒரு 200 செடிகள் காய்ஞ்சிட்டதுன்னும், மழை பெய்ஞ்சதும் மிச்சத்த வெக்கணும்னு சொன்னாரு. எங்க ஊருல பெய்யாத மழை இங்க இப்ப பெய்ஞ்சிகிட்டு இருக்கு. இந்த மழை எங்க ஊருலயும் பெய்யணும். எங்க அண்ணன் வெச்ச செடிங்க எல்லாம் நல்லா வளரணும். எங்க முன்னோர் காலத்துல ஒரு போகம் மட்டும் பசுமையா கிடந்த எங்க பூமி இனி எப்பவுமே பசுமையா இருக்கணும்.

மனசு வைக்குமா மழை ?!...

பிள்ளையார் எனும் தொல்லையார்...

ஐம்பது வீடுகள் இருக்கும் தெருவிலும்
ஐந்தாறு கோஷ்டிகளை உருவாக்கி
முந்தாநாளில் பிறந்த பிள்ளையார்
நாலுநாளில் மரித்துப்போனார்

ராத்தூக்கமின்றி பாதுகாத்தவர்கள்
சோமபானத்தின் சொக்கலில் மிதக்க
கடற்கரையெங்கும் அனாதையாய்
பிள்ளையாரின் சடலங்கள்

அடுத்த கடவுளின்
அவதார நாளைக் கொண்டாட 

பொருளீட்டவேண்டிய நெருக்கடியில்
கைவிடப்பட்ட பிள்ளையார்
இனி
கடலுக்கும்கூட தொல்லையார்

கடவுளுக்கே நாலுநாள்தான் மரியாதையென்றால்
விருந்தாளிகளுக்கு?

(இந்த எனது கவிதை திராவிடர் கழக "உண்மை" இதழில் வெளிவந்துள்ளது)

முகநூல் கலாச்சாரம்...!

முகநூல் கலாச்சாரம்...!

ஒரு கருத்தையோ கவிதையையோ கட்டுரையையோ விவாததத்தையோ நமது பக்கங்கில் பதியும்போது அவர் ஆனா பெண்ணா என்பது முதலில் பார்க்கப்படுகிறது. அது மொக்கைத்தனமாக இருந்தாலும் அவர் யார்? அவரது பின்னணி என்ன? என்ற ஆராய்ச்சிக்குப் பின்னரே like மற்றும் comment செய்கிறார்கள். அதிலும் பெண்கள் பெயரில் உள்ள பதிவுகளுக்கு யோசனையில்லாமல் like விழுவதாகவே தெரிகிறது. அப்பப்பா... இந்த படித்த மேதாவி வர்க்கமே இப்படி இருக்கும்போது நம் பாமர மக்கள் கருணாநிதியா? ஜெயலலிதாவா? வைகோவா? என்று சிந்தித்தா வாக்களிப்பார்கள். அவர்களை குறை சொல்வது நியாயமா என்று தெரியவில்லை.

அதிலும் சில பெண்கள் விதவிதமாக தங்கள் படங்களை பதிவேற்றுகிறார்கள். அதன் நோக்கம் என்னவென்று தெரியவில்லை. அதற்கு பேசாமல் அவரது தொடர்பு என்னையும் போடலாம்தான்.

முகநூலில் like என்பது லஞ்சப்பணம் தரும் உற்சாகம் மாதிரி ஆகிவிட்டது. மொக்கைப்பதிவுகளை விட பல நல்ல பதிவுகளின் பக்கம் ஈயடிக்கிறது. பலர் like-ஐ எதிர்பார்த்தே யோசிப்பதாகத் தெரிகிறது.

இப்படியே போனா அடுத்தமுறையும் காங்கிரஸ் ஆட்சிதான், மன்மோகன் சிங்தான் மறுபடியும் பிரதமர்.

இதுக்கு ஒரே வழி எதுக்கும் யோசிங்க. யோசிச்சிட்டு like போடுங்க...

( பலர் பொண்ணுங்க பேர்ல id வெச்சிருக்கிறதுக்கு யார் காரணம்னு நல்லா மனசாட்சியோடு யோசிச்சிப்பாருங்க )

சாட்டை திரைப்படம்...

செப் 25, 2012 சாட்டை படம் பார்த்தேன்...

# ஏறக்குறைய எல்லா ஊர்களிலும் சீர்கெட்டு இயங்கும் அரசாங்கப் பள்ளிக்கூடங்களின் பரிதாப நிலையை எண்ணி வருத்தப்படும் நமது கோபம், நாட்டின் கல்வி வளர்ச்சியை தனியாருக்கு தாரை வார்த்து கொடுத்த அரசாங்கத்தின் பக்கம் ஏன

ோ திரும்புவதில்லை? மக்களின் கல்வி அறிவைப் பற்றி அரசே கவலைப்படாதபோது தனியார்காரனுக்கு என்ன தலையெழுத்தா? கல்வியையும் மருத்துவத்தையும் தனியாரிடம் சிக்கவைத்து அயோக்கியத்தனம் செய்வது அரசாங்கம்தானே!... ஆனால் படத்தில் அதைப்பற்றி எதையும் குறிப்பிடவில்லை.

மதிப்பெண் எடுப்பதே அறிவாளித்தனம் என்பதாய் இருக்கும் இப்போதைய கல்வி முறை சரியா? தவறா? என்பதைப்பற்றியும் குறிப்பிடவில்லை.

ஆனால், பள்ளிக்கூட வாத்தியார்கள் மட்டும் சரியாக; அக்கறையாக இருந்தால் அரசாங்கப் பள்ளிகளிலும் தேர்ச்சி வீதம் கூடும் என்பதைப் பற்றி சொல்லியிருக்கிறார்கள்.

சாதிகளின் வெட்டிப்பெருமைகளையும், சாதிவெறி பிடித்த, காட்டுமிராண்டி கால கூட்டத்தையொத்த மக்களின் கேவல வாழ்க்கையை கிராமியப் படங்களாய் சித்தரித்து அடிக்கடுக்காய் வெளிவரும் படங்களுக்கு மத்தியில் மாணவர்களிடம் பெற்றோர்களும், வாத்திகளும் கையாளவேண்டிய அணுகுமுறைகளைப் பற்றி சொல்வதற்காய் இப்படத்திற்கு மரியாதை கொடுக்கலாம். இந்தப் படத்தின் புதுமுக இயக்குனர் அன்பழகனை நிச்சயம் பாராட்டலாம்...

கண்டிப்பாக ஒருமுறை பாருங்கள். செலவு செய்ததற்கு கண்டிப்பாக ஒரு திருப்தி கிடைக்கும்...

மனோ கணேசன் என்கிற உண்மைப் போராளி....

இலங்கையின் தற்போதைய உண்மை நிலை அறிய வியாபார இணையதளங்களை மட்டும் நாடாமல், ஒரு உண்மையான போராட்ட தலைவனின் முகநூல் பக்கத்தை subscribe செய்யுங்கள். கருத்து தெரிவியுங்கள்... இதை பலருக்கும் share செய்யுங்கள்.

அவனுக்கோ இவனு

க்கோ காவடி தூக்கும் நம் வாய்ப்பேச்சு தலைவர்களையும், அங்கே எதற்கும் பயப்படாமல் ராஜபக்சே என்ற சர்வாதிகாரியை எதிர்த்துக் கொண்டிருக்கும் தெளிந்த ஒரு தலைவனின் செயற்பாட்டையும் பாருங்கள். யாவருக்கும் தெரியப்படுத்துங்கள்.

www.facebook.com/mano.ganesan.3

www.manoganesan.com

தகுதி....?

ஒருவருடைய பேரன் மீது குற்றச்சாட்டு எழுகிறதென்றால் அது பொய் என்பதை தைரியமாக நிரூபிக்க அவர் ஒரு மாபெரும் தலைவராகவோ, ஐந்து முறை முதலமைச்சராகவோதான் இருக்கவேண்டிய அவசியமில்லை. முதியவர் என்ற ஒரு தகுதி போதாதா...

ஆண்கள் பெண்களை போகப் பொருளாக நினைப்பதற்கு...

புருஷன் தனக்கு இஷ்டமான பெண்ணை மணந்து கொள்வதற்கும், பெண்சாதி ஒரு புருஷனைத் தவிர வேறு எந்தப் புருஷனையும், எந்தக் காரணம் கொண்டும் மணந்து கொள்ள முடியாததற்கும், இக்குழந்தைகளைப் பெறுவதே பெருத்த தடையாய் இருக்கிறது... இதுவரை கூறி வந்தவைகளாலும், இன்னும் பல காரியங்களாலும், பெண்கள் கர்ப்பத் தடையை அனுசரிக்க வேண்டியது அவசியமாகும்.

ஒரு பெண்ணை தாய், தகப்பன், பி.ஏ. படிக்க வைத்து, ஒருவன் கையில் பிடித்துக் கொடுத்து, அந்தப் பெண் சமையல் செய்யவும், குழந்தை வளர்க்கவும், நகை துணி அலங்காரங்களுடன் மக்களின் கவனத்தை ஈர்க்கவும் செய்தால், பி.ஏ. படிக்க வைத்த பணம் வீண் என்பதோடு, அதற்காக சர்க்கார் செலவழித்த மக்கள் வரிப் பணமும் வீண்தானே? இது தேசிய குற்றமாகாதா?

ஆண்கள் பெண்களை போகப் பொருளாக நினைப்பதற்கு அவர்கள் ஆபாசமாக அலங்கரித்து கொள்வதே காரணமாகும்.

(பெரியார்.... குடியரசு 1931)

சட்டம்...?

பூனைகளை எல்லாம் நாய்கள் எனச் சட்டம் இயற்றிவிடலாம். ஆனால், அவ்வாறு இயற்றப்படும் சட்டத்தால் பூனைகள், நாய்களாக ஆக முடியாது. – அண்ணல் அம்பேத்கர்

பெரியார் தமிழின எதிரியா?..

“என் பிறவி காரணமாக என் இன இழிவுக்குக் காரணமாக இருக்கும் சாதியை ஒழிப்பதும் என் இன மக்களாகிய தமிழர்களுடையவும், என்னுடையவும் தாய் நாடான தமிழ்நாட்டைப் பனியா - பார்ப்பனர்களின் அடிமைத்தளையிலிருந்தும், சுரண்டலிலிருந்தும் மீட்டுச் சுதந்திரமாக வாழ வைக்க வழி செய்வதுமான தனித் தமிழ்நாடு பெறுவதும் என் உயிரினும் இனிய கொள்கைகளாகும். அந்த இலட்சியங்களை அடையத் தகுந்த விலையாக என் உடல், பொருள், ஆவி ஆகிய எதையும் கொடுப்பதற்கு உடன்பட்டே நான் இப்போது சிறை செல்கிறேன், சென்று வருகிறேன். வணக்கம்! வணக்கம்! வணக்கம்!" 

- விடுதலை தலையங்கம் 15.12.1957

உடுமலை நாராயணகவியார்...!

புகழ் உச்சியில் இருந்தபோதும் மிக எளிய வாழ்க்கை வாழ்ந்த உடுமலை நாராயணகவியார், தம் 82ஆம் அகவையில் - தி.பி. 2012 (23.05.1981)ல் உயிர்துறந்தார். அவர்தம் இறப்பிற்கு முன்பு எழுதி வைத்த இறுதி ஆவணத்தில், தாம் இறந்தபிறகு என்ன செய்யவேண்டுமென்பதைக் குறித்துள்ளார். அந்த ஆவணத்தில், ‘‘செத்த பிணத்தை வைத்துக் கொண்டு, இனிமேல் சாகும் பிணங்கள் கூத்தடித்துக் கொண்டிருப்பது அறியாமை; இந்த அறியாமையானது பணத்தின் அளவிலே விரிவடைகிறது, குறைகிறது. என்னைப் பொறுத்தமட்டில் இந்த அறியாமை வேண்டாம். உடலைவிட்டு உயிர் பிரியுமானால் அப்போதே காலத்தை வீணாக்காமல் குழியைத் தோண்டிப் புதைப்பதோ அல்லது எரிப்பதோ இந்த இரண்டில் ஒன்றைச் செய்திடுங்கள்! வேறு எந்தவகையான சடங்குகளும் தேவையில்லை. மீறிச் செய்வது அறியாமை. உங்களை மன்றாடிக் கேட்டுக் கொள்கிறேன். எனக்காக ஒன்று செய்யவேண்டுமானால் அதை மட்டும் செய்யுங்கள்! உணவிலே எளிமை, உடையிலே எளிமை, கல்வியிலே மேன்மை இது போதுமானது. இதுதவிர வேறு எதையும் செய்யாதீர்கள். இந்த வீண்பெருமைகளை (டாம்பீகங்களை) எல்லாம் செய்து சீரழிந்து, மனத்துன்பங்களுக்கு ஆளாகி, என் பின்னோர்க்கு (வாரிசுகளுக்கு) இதைப் பழக்கி, அவர்களின் அறிவைக் கெடுத்துத் துன்பங்கட்கு ஆளாக்கி விட்டேன். இப்போது உணர்கிறேன். காலங்கடந்துவிட்டது. இனி ஒரு பயனும் இல்லை. கடைசியாக ஏதோ வைத்திருக்கிறேன். அதைக்கொண்டு உங்கள் மதிப்பைக் காப்பாற்றிக் கொள்ளுங்கள்! இத்தனையும் கல்விக்குள்ளாக அடங்கியுள்ளது. ஆதலால் காலத்தை வீணாக்காமல் கவனத்தைக் கல்வியிலே செலுத்துங்கள்; இதுதான் என் கடைசி ஆசை!’’

நம் நாட்டு அரசாங்க முறை...

"யார் ஒருவன் நல்லவன் ஒழுக்கசீலன் யோக்கியன் என்று போற்றப்படுகிறானோ, அவனை அயோக்கியனாக்க வேண்டுமென்றால் அவனைச் சட்டசபைக்கு அல்லது லோக்சபைக்கு அனுப்பினால் போதும். அவன் எப்பேர்ப்பட்ட அறிவாளியாகவோ புத்திசாலியாகவோ யோக்கியனாகவோ இருந்தாலும் தேர்தலில் பிரவேசித்தவுடனேயே அவன் அயோக்கியத்தனங்களுக்கு ஆளாகாமல் இருக்க முடியாது. தேர்தல் ஆசை வந்து விட்டால் அன்று முதல் அவன் பித்தலாட்டத்தைக் கற்றுக் கொள்கிறான். போக்கிரித்தனம், மகாபித்தலாட்டம் இவைகளைக் கற்க வேண்டியது அவசியமாகிறது. ஏனெனில் நம் நாட்டு அரசாங்க முறை அப்படி அமைந்து விட்டது. " 

                                 -தந்தை பெரியார்  (விடுதலை, 25.12.1955)

புரட்சிக்கவி...!

நிகழ்ச்சியொன்றில் பங்கேற்க ஒருமுறை அவ்வை துரைசாமி அவர்கள் புதுவைக்கு வந்திருந்தார். கூட்டத்தில் புரட்சிக் கவிஞர் அமர்ந்திருந்தார். புரட்சி கவிஞர் அவ்வைக்கு முன் அறிமுகம் ஆனவர் அல்ல. புரட்சிக் கவிஞரின் பாடல்கள் அவருக்குப் பிடிக்கவும் பிடிக்காது. அவர் பேசும்போது,

ஊரான் ஊரான் தோட்டத்திலே

ஒருத்தன் போட்டான் வெள்ளரிக்காய்

காசுக்கு ரெண்டு விற்கச் சொல்லி

காகிதம் போட்டாண்டி வெள்ளைக்காரன்

என்ற பாடலைக் குறிப்பிட்டுவிட்டு, இதைப்போன்ற டப்பாங்கூத்துப் பாடலைத் தானே பாரதிதாசன் எழுதுகிறார் என்று புரட்சிக் கவிஞரைச் சாடினார். உடனே புரட்சிக் கவிஞர் கூட்டத் தலைவருக்கு ஒரு துண்டுச் சீட்டு அனுப்பினார். சிறிது விளக்கம் அளிப்பதற்கு என்னை அனுமதியுங்கள் என்று அதில் எழுதப்பட்டிருந்தது. தலைவர் அனுமதித்தார். புரட்சிக் கவிஞர் பேசத் தொடங்கினார். அவ்வை தன்னைத் தாக்கி பேசியதற்குப் பதில் சொல்லவில்லை கவிஞர். ஆனால் அவர் கூறிய பாடலுக்கு விளக்கம் தந்தார்.

சிறிது நேரத்திற்கு முன் இவர் கூறிய பாடல் சாதாரணப் பாடல் அன்று. பாமரர்கள் நெஞ்சினிலே விடுதலை வேட்கையைக் கிளறச் செய்கின்ற பாடல். இங்கேயுள்ள ஒருவன் வெள்ளரிக்காய் பயிரிடுகிறான். எங்கோ இருக்கும் வெள்ளைக்காரன் அதற்கு விலை கட்டுப்பாடு செய்கின்றான் என்ற மனக் கொதிப்பை வெளியிடும் பாடலென்ன நையாண்டிப் பாடலா? கவிதையைத் திறனாய்வு செய்வதற்குத் தனி மனப் பான்மை வேண்டும். அதை விட்டுவிட்டு ஒன்றும் புரியாத நிலையில் உரிமை உணர்வைப் பாய்ச்சுகின்ற இதைப்போன்ற பாடல்களைக் கொச்சைப்படுத்துவது அடாத செயல்.

ஜனநாயகம்?...

" குச்சுக்காரிக்கு எப்படி ' தேவதாசி '-ன்னு பேர் வெச்சிருக்கானோ , அது போலத்தான் இந்த கொள்ளை நாயகத்தைப் பார்த்து , ஜனநாயகம் என்று சொல்வதாகும் . இது பச்சையான சர்வாதிகாரம் ; அதுவும் கொள்ளை அடிக்கிற சர்வாதிகாரம் ! "

                                                      -தந்தை பெரியார்

விநாயகன் சாமி கதை...

விநாயகர் சதுர்த்தி விழா கொண்டாட தமிழகப் பக்தப் பிரமுகர்கள் ஆயத்தமாகிக் கொண்டு வருகிறார்கள். விநாயகர் வரலாறு எந்த அளவுக்கு அசிங்கமும், ஆபாசமும், உண்மைக்கு மாறான செய்திகளும் கொண்டது என்பதைத் தலைவர் தந்தை பெரியார் அவர்களும், அவர்தம் தொண்டர்களாகிய நாமும் அரை நூற்றாண்டுக்கும் மேற்பட்ட காலமாகவே ஏட்டிலே எழுதியும், மேடையிலே பேசியும் விளக்கி வருகிறோம் என்றாலும் நாட்டு மக்கள் திருந்தியபாடில்லை. அவர்கள் அறிவு விளக்கமும், தெளிந்த சிந்தனையும் பெற வேண்டி அறிஞர்கள் பலர் நிகழ்த்தியுள்ள விநாயகர் பற்றிய ஆய்வுகளை ஈண்டுத் தொகுத்துத் தருகிறோம். கருத்து வழங்குகின்ற இவர்கள் அனைவரும் தந்தை பெரியாரின் பகுத்தறிவுச் சுயமரியாதை இயக்கத்திற்குச் சிறிதும் தொடர்பு இல்லாதவர்கள் என்பது குறிப்பிடத்தக்கது. அவர்களில் ஒருவர் அய்யங்கார் என்பதும், மற்றவர்கள் பழுத்த சைவ சமய அடியார்த் தொண்டர்கள் என்பதும் கவனத்தில் கொள்ளத்தக்கது.

1. முரண்பட்ட வரலாறு

பிள்ளையார் பற்றிய கதையை விளக்க வேண்டியது அவசியம். இந்த உண்மையை உணர்ந்த பின் பிள்ளையார் கடவுள்தானா? பிள்ளையார் பொம்மையை உடைத்ததனால் பெரியார் அவர்கள் என்ன அடாத செயலைச் செய்துவிட்டார் என்பதைத் தெளிவாக உணர முடியும். புராணக் கதைகளில் கணபதியின் பிறப்பே பல்வேறு விதமாகக் கூறப்பட்டுள்ளது. எது உண்மை என்பதை யாரும் கூறமுடியாது. ஆனால், ஒன்று தெளிவு. கற்பனையின் விளைவே கணபதி. கீழ்க்கண்ட பல்வேறு கதைகள் இதைத் தெளிவாக நிரூபிக்கின்றன. கணபதி பெண் இல்லாமல் ஆணுக்குப் பிறந்தவர் என்றும், இதற்கு நேர் மாறாக ஆண் இல்லாமல் பெண்ணுக்குப் பிறந்தவர் என்றும் கூறப்படுகின்றன. புராணக் கதையில் கணபதியின் பிறப்பு அசிங்கமாகச் சித்திரிக்கப்பட்டுள்ளது. பார்வதி தன் உடல் அழுக்கை உருண்டையாக்கி விளையாடிக்கொண்டிருந்தாளாம். அந்த உருண்டையின் மீது அவள் அன்பு சொரிய அதற்கு உயிர் கொடுத்து அதைத் தன் மகன் என்று அழைத்தாளாம்.

மற்றொரு கதை: 

கணபதியின் பிறப்பை வேறுவிதமாகச் சித்திரிக்கிறது. பார்வதி தன் உடல் அழுக்கைக் கழுவி அதைக் கங்காநதியின் முகத்துவாரத்தில் உள்ள யானைத் தலை இராட்சசி மாலினியைக் குடிக்க வைத்தாளாம். இதன் விளைவாக மாலினி கர்ப்பம் தரித்த பிறகு ஒரு குழந்தையைப் பெற்றாளாம். அந்தக் குழந்தையைப் பார்வதி எடுத்துச் சென்று விட்டாளாம்.

மேற்கூறிய கதைகள் அனைத்தும் கணபதிக்கு யானைத் தலை ஏன் வந்தது என்பதைத் தெளிவு படுத்தவில்லை. பிரம்மாவை வார்த்த புராணத்தில் ஒரு கதை கூறப்பட்டுள்ளது. கணபதி பிறந்த நேரத்தில் சனி பார்வை தோஷத்தால் தலை இல்லாமல் பிறந்தாராம். கணபதியின் தாய் தன் குழந்தைக்குத் தலை இல்லையே என்று தேம்பித் தேம்பி அழ விஷ்ணு பகவான் ஒரு யானைத் தலையை ஒட்ட வைத்தாராம். ஆனால், "கந்த புராணம்" இதை மறுக்கிறது. கணபதி தன் தாயின் வயிற்றில் இருந்தபோது சிந்தூரா என்ற இராட்சசி வயிற்றுக்குள் புகுந்து குழந்தையின் தலையைக் கடித்துத் தின்று விட்டாளாம். பிறந்த குழந்தைக்குத் தலை இல்லாமல் போகவே அக்குழந்தை யானைத் தலை கொண்ட கஜாசுரன் என்ற இராட்சன் தலையை வெட்டித் தன் கழுத்தில் ஒட்ட வைத்துக் கொண்டதாம். தலையும் கண்ணும் இல்லாத இக்குழந்தை தனக்குத் தலை இல்லையென்பதை எங்ஙனம் உணர்ந்தது. கஜாசுரனின் தலையை எப்படி வெட்டித் தன் கழுத்தில் ஒட்ட வைத்துக் கொண்டது என்பதை கந்த புராணம் தெளிவுபடுத்தவில்லை.

"சுப்ரபேத ஆகமம்" என்ற நூல் கூறுவதாவது; சிவனும், பார்வதியும் யானைகளைப் போல் சம்போகம் செய்தார்களாம். இதன் விளைவாகப் பிறந்தது யானைத் தலைக் குழந்தையாம்.
(ஏ.எ.கே. அய்யங்கார் எழுதிய, "பகுத்தறிவின் சிகரம் பெரியார் ஈ.வெ.ரா." என்ற நூலின் பக்கம் 36, 40, 41, 42)

2. விநாயகர் இடைக்கால வரவே!

அறிஞர்கள் சிலர் சங்க இலக்கியத்தில் விநாயகரைப் பற்றிய குறிப்பு காணப்படாததால் இடைக்காலத்தில் வந்த வழிபாடு விநாயகர் வணக்கம் என்பர். முதலாம் நரசிம்மவர்மன் தானைத் தலைவராகிய பரஞ்சோதியார் என்னும் சிவத்தொண்டர் இரண்டாம் புலிகேசியை வென்று அவன் தலை நகராகிய வாதாபியிலிருந்து எடுத்து வந்த கணபதியின் திருவுருவச் சிலையைத் திருச்செங்காட்டாங்குடியில் எழுந்தருளச் செய்தார் என்பர். இது உண்மைதான். ஞானசம்பந்தரும், "பொடி நுகரும் சிறுத் தொண்டர்கருள் செய்யும் பொருட்டாக கடி நகராய் வீற்றிருந்தான் கணபதிச் சரத்தானே" என்று பாடுகிறார்.
(டாக்டர் சோ.ந.கந்தசாமி, தமிழ்த்துணைப் பேராசிரியர், அண்ணாமலைப் பல்கலைக் கழகம் "ஞான விநாயகர்" என்னும் கட்டுரையில்+ பக்கம் 20)

3. பண்டை இலக்கியத்தில் விநாயகர் இல்லை

நம் தமிழ்நாட்டில் பண்டைத் தமிழ் நூல்களில் இவ்விநாயகர் வழிபாடு சொல்லப்படவில்லை. திருஞான சம்பந்தர் தன் தேவாரத்தில் விநாயகர் வழிபாட்டைப் பற்றிக் கூறியுள்ளார். உமையம்மை பெண் யானையின் வடிவு கொள்ளச் சிவபிரான் ஆண் யானை வடிவு கொண்டு யானை முகத்தை உடைய கணபதியைத் தோற்றுவித்தான் என்கிறார். சிறுத்தொண்டர் பரஞ்சோதி என்ற பெயரோடு வட பகுதியில் வாதாபி என்ற நகர் மேல் படையெடுத்துச் சென்று அந்நகரை அழித்து வெற்றி கொண்டு வந்தபோது அங்கு சிறப்பாகக் காணப்பட்ட கணபதியின் படிமத்தையும் கொண்டு வந்து தம்மூரில் கணபதீச்சுரம் செய்து வழிபட்டார் என்பதும், வாதாபியிலிருந்து கொணர்ந்தமையால் வாதாபி கணபதி எனப் பெயர் பெற்றார் என்பதும் இங்கு நினைவு கூர்தல் வேண்டும்.

(தமிழாகரர் வித்துவான் செ. வெங்கடராமச் செட்டியார், அண்ணாமலைப் பல்கலைக் கழகம், "தன்னை நினையத் தருகிறான்" என்ற கட்டுரையில் பக்கம் 17)

(மேல் இரு கருத்துகளுக்கும் ஆதார நூல்: சிதம்பரம் முக்குறுணி விநாயகர் திருக்கடமுழுக்கு விழா மலர் 8+9+1978)

4. சிவனுக்குப் புதிய உறவு

பாடல் பெற்ற கோயில்களில் நாயன்மார் காலத்தில் விநாயகரை வைத்து வழிபட்டதாகத் தெரியவில்லை. விநாயகர் தமிழகத்துத் தெய்வம் அல்லர். முருகன் சங்க நூல்களில் இடம் பெற்றிருப்பது போல விநாயகர் இடம் பெறவில்லை. விநாயகர் வழிபாடு பம்பாய் மாகாணத்தில்தான் மிகுதியாகக் காணப்படுகிறது. அம்மாகாணம் பல்லவர் காலத்தில் பண்டைச் சாளுக்கியரால் ஆளப்பட்டு வந்தது. சிறுத் தொண்ட நாயனார் சாளுக்கியர் தலை நகரான வாதாபியைக் கைப்பற்றியபோது இப்புதிய கடவுளை அங்கு கண்டார். தாம் முன்னர் கண்டறியாத அத்திருவுருவத்தைக் கண்டதும் வியப்புற்று அதனை எடுத்து வந்து தம் ஊரில் சீராளதேவன் கோயிலில் வைத்து வழிபடலானார். அது முதல் சீராளன் கோயில் கணபதீச்சுரம் எனப் பெயர் பெற்றது என்பதே தெரிகிறது. இக்கணபதீச்சுவரமே சம்பந்தர் பாடல்களில் இடம் பெற்றது. பின்னர் நாளடைவில் இப்புதிய கடவுளுக்கும், சிவபெருமானுக்கும் உறவுமுறை கற்பிக்கப்பட்டது. அதன் பயனாக விநாயகர் சிவபெருமானுக்கு முதல் திருமகனாராகக் கருதப்பட்டார். இவ்விநாயகர் வாதாபியிலிருந்து குடியேறிய தெய்வம் என்பதை 'வாதாபி கணபதி பஜேம் பஜேம்' என்ற தோத்திரத்தாலும் நன்குணரலாம்.

(சைவப் பெரும்புலவர் டாக்டர் மா. இராசமாணிக்கனார் எழுதிய "சைவ சமயம்" என்ற நூலில் பக்கம் 62)

5-ஆம் நூற்றாண்டில் விநாயகர்

வடமொழியில் புராண நூல்கள் இயற்றினவர், இழிந்த மக்களின் நடையைக் காட்டிலும் அருவருக்கத்தக்கச் செய்திகளைப் பொய்யாகப் பிணைத்துக் கட்டிச் சிவபிரான் மேலும் உமைப் பிராட்டியார் மேலும் அவை தம்மை ஏற்றி யானை முகம் உடைய பிள்ளையார் அவ்விருவர் பால் நின்று தோன்றிய வரலாறுகளைப் பலவாறு ஒன்றோடொன்று மாறுபடப் பகர்ந்திருக்கின்றனர். யானை முகம் உடைய பிள்ளையாராகிய கடவுள் வணக்கம் கி.பி. 5ஆம் நூற்றாண்டின் ஈற்றிலாதல் 6ஆம் நூற்றாண்டின் துவக்கத்திலாதல் தோன்றியதாகல் வேண்டும்.
(மறைமலைஅடிகள் எழுதிய "தமிழர் மதம்" என்ற நூலில்+ பக்கம் 190)

6. விநாயகரின் மனைவியர் பட்டியல்

விநாயகர் தன்னை வணங்கியவர்க்கு விக்கினத்தை நீக்குவோரும், அவ்வகை வணங்காதவர் க்ரு விக்கினத்தைத் தருபவரும் ஆவார். இவர் சித்தி, புத்தி, வல்லபை, விஷ்ணு மூர்த்தியின் குமாரிகளாகிய மோதை, பிரமோதை, சுமகை, சுந்தரி, மனோரமை, மங்கலை, கேசினி, காந்தை, சாருகாசை, சுமத்திமை, நந்தினி, காமதை முதலியவரை மணந்தார். இவரது பிறப்பைப் புராணங்கள் பல பேதபடக் கூறும் (பக்கம் 1440)

7. யானைத் தலையர்

கஜமுகர்: ஒரு காலத்தில் சிவமூர்த்தியும், பிராட்டியும் நந்தவனத்துச் சித்திர மண்டபத்தில் எழுதி இருந்த ஆண், பெண் யானைகளைப் பார்க்க அவற்றினின்றும் கஜமுகர் தோன்றினார். (பக்கம் 315)

(மேற்கூறிய இரு கருத்துகட்கும் ஆதாரம் ஆ.சிங்காரவேலு முதலியார் தொகுத்த "அபிதான சிந்தாமணி")

பத்திரிகைகளை நம்பி...

"ஒரு நாட்டைச் செப்பனிட வேண்டுமென்றால் அது பத்திரிக்கைக்காரனால் முடியும் . ஆனால் இங்கே நாட்டைக் கெடுக்கிற , கேடு பயக்கிற பத்திரிக்கைகள்தானே இருக்கிறது . ஆதித்தனார் பத்திரிகை கூட நான் பேசுறதை முழுசா போடாது . ஏதோ கொஞ்சம் போடும் . மற்றவை  அதுவும் போடாது ; இந்த நாட்டு பத்திரிகை தருமம் , பார்ப்பான் வாழுவது; பணக்காரன் வாழ்வது ; மக்களை முட்டாள் ஆக்குவது , இப்பிடித்தானே இருக்கு . ஆகவே பத்திரிகைகளை நம்பி நாம் , நமது இலட்சியத்தை அடைய முடியாது."

                  

                                                       - தந்தை பெரியார் .

இந்தியராய் நீடிப்பது...

"எங்கள் போற்றுதலுக்குரிய பெரியார், ‘தமிழ்நாடு தமிழருக்கே’ என்று குரல் கொடுத்தார். நாங்கள் செவிசாய்க்கவில்லை. அன்பிற்கினிய அண்ணா, ‘திண்ணையில் அமர்ந்தாவது திராவிட நாடு கேட்பேன்’ என்று மேடைதோறும் முழங்கினார். அவரை நாங்கள் ஆட்சியில் அமர்த்தி அழகு பார்த்தோம். ஆனால், அவருடைய பிரிவினைக் கோரிக்கையை நிரா கரித்தோம். சிலம்புச் செல்வர் ம.பொ.சிவஞானம், ‘சுய நிர்ணய உரிமையுடன் கூடிய தமிழரசு காண்போம்’ என்று எங்கள் கைகளைப் பிடித்து வேண்டினார். தேசிய மயக்கத்தில் இருக்கும் நாங்கள் அவரைத் திரும்பிப் பார்க்கவும் மறுத்தோம். இன்றும், ‘தமிழ்த் தேசியம்’ பேசுபவர்களை நாங்கள் பெரிதாக ஆதரித்து விடுவது இல்லை. இன்றுவரை இந்தியராய் இருப்பதற்கு நாங்கள் கொடுத்திருக்கும் விலை மிக அதிகம். ஆனால், இறுதிவரை நாங்கள் இந்தியராய் நீடிப்பது இனி உங்கள் கைகளில்தான் இருக்கிறது ! "

                           

                                                   -தமிழருவி மணியன்

வந்தேமாதரம் பாடிவிட்டால்...

"பூசை அறைக்குள்ளே இருப்பதாலேயே புலி சாதுவாகவா மாறிவிடும்? கதராடை அணிந்து கொண்டதாலேயே காதகர்கள் இரட்சகர்களாகவா மாறிவிடுகிறார்கள்? தங்கப் பூண் போட்டத் தடியால் தலையில் அடித்தால் வலி எடுக்காமல் மகிழ்ச்சியா பிறக்கும்? வாழ்வை அழிப்பதைத் தொழிலாகக் கொண்டவர்கள் வந்தேமாதரம் பாடிவிட்டால் கொடுமைகளை மறந்துவிடவா முடியும்? 

- அறிஞர் அண்ணா 
(குன்றின் மேலிட்ட விளக்கு - 06.08.1961)

  .

மெட்ராஸ் ஸ்டேட்...

இந்தி மொழி சம்பந்தமான தீர்மானத்தின்போது அண்ணாவுக்கு பேசும் வாய்ப்பு கிடைத்த்து.அப்போது அண்ணா மெட்ராஸ் ஸ்டேட் என்பதை தமிழ்நாடு என்று பெயர் வைக்கவேண்டும் என்று லியுறுத்தினார்.அவையில் இருந்த ஷேக் கோவிந்த்தாஸ்,மெட்ராஸ் ஸ்டேட் என்பது நல்ல ஆங்கில வார்த்தை, உலகம் முழுவதும் உள்ள மக்கள் புரிந்து கொள்ளக்கூடிய வார்த்தை, அதை அகற்றிவிட்டு பிராந்திய உணர்வோடு தமிழ்நாடு என்று பெயர் சூட்டக்கோருவது பிரிவினைவாதம் என்று குறிப்பிட்டார்.

இதற்கு பதிலளித்த அண்ணா பார்லிமெண்ட் என்பது நல்ல ஆங்கில வார்த்தை, அதுவும் உலகம் முழுதும் உள்ளம் மக்கள் புரிந்து கொள்ளக்கூடிய வார்த்தை, அதை மாற்றி உங்கள் தாய்மொழியில் (இந்தி) பார்லிமெண்டை லோக்சபா என்றும், கவுன்சில் ஆப் ஸ்டேட்ஸை ராஜ்யசபா என்றும் அழைத்தால் எவ்வளவு மகிழ்ச்சியடைகிறீர்களோ,அதைவிட மெட்ராஸ் ஸ்டேட் என்பதை மாற்றி தமிழ்நாடு என்று அழைத்தால் நான் பெரிதும் மகிழ்வேன் என்றார்.

இந்தியா என்பது....

“இந்தியா என்பது போலி, சூது, சூழ்ச்சி, ஒரு சுரண்டல் யந்திரம். இதுவே என் கருத்து. தமிழர், தனி இனம் – தாழ்ந்த நிலையினில் இன்றுளர் – அதற்குக் காரணம் வடவர். வடவர் வாழ்ந்திட வழிவகுத்ததுதான் இந்திய அரசியல் சட்டமென்னும் பொறி. இதில் சிக்கி இருக்கு மட்டும் தலை நிமிர்ந்து வாழ்ந் திடான் தமிழன் எனும் இனத் தான். அவன் மானம் அழிக்கின்றார்; மொழியைப் பழிக்கின்றார்; வாழ்க்கை வழியை அடைக் கின்றார்! வளமெல்லாம் வடக்கேதான்; வாட்டம்தான் தமிழர்க்கு; இந்தியா என்பதிலே இதுவும் ஓர் இடம் என்று இயம்பு மட்டும் தன்மானமும் இல்லை, தழைத்திடப் போவதுமில்லை.”

(தம்பிக்கு அண்ணாவின் கடிதங்கள், எண்.140, 21.5.61)

இப்படியொரு காலம் வராமலா போய்விடும்?...

தமிழன் என்ற ஒரே காரணத்தால் மரத்தில் கட்டிவைத்து கத்தியாலும் கட்டையாலும் சிறுக சிறுக கொல்லப்பட்ட ஒரு சகோதரன்.

''காங்கிரஸ்காரன் என்ற ஒரே காரணத்தால் மரத்தில் கட்டிவைத்து கத்தியாலும் கட்டையாலும் சிறுக சிறுக கொல்லப்பட்ட ஒரு தமிழின துரோகி'' - எனும் செய்தி வராமலா போய்விடும் எதிர்காலத்தில்...

புது மதம்...

கேள்வி : நீங்களாவது ஒரு புது மதம் சொல்லுவதுதானே?

ஈ.வெ.ரா.: நான் ஒரு புது மதத்தை போதிக்க வரவில்லை. ஒழுக்கத்திற்கு விரோதமான கொள்கைகளை மதம் என்றும் சாமி என்றும் புராணம் என்றும் பின்பற்றாதீர்கள். ஒழுக்கமாகவும் சத்தியமாகவும் மற்ற ஜீவன்களிடத்தில் அன்பாகவும் பரோபகார எண்ணத்துடன் இருந்தால் போதும் என்றுதான் சொல்லுகிறேன். அதற்குத் தகுந்த கொள்கைகள் எந்த மதமானாலும் சரி, அது மதம் அல்லாவிட்டாலும் சரி என்றுதான் சொல்லுகிறேன்.

கேள்வி: இருக்கிறதை மறைப்பதால் புதிதாக ஒன்றை காட்டவேண்டாமா?

ஈ.வெ.ரா.: வீட்டிற்குள் அசிங்கமிருக்கின்றது, நாற்றமடிக்கின்றது, எடுத்து எறியுங்கள் என்றால், அதற்குப் பதில் என்ன அந்த இடத்தில் வைக்கின்றது என்று ஏன் கேட்க வேண்டும். இந்து மதம் துர்நாற்றம் போய்விட்டால் அதுவே போதும்.

(சிதம்பரத்தில் நடந்த சுயமரியாதைக் கூட்டத்தில் தந்தை பெரியார் அவர்கள் ஆற்றிய உரையின் ஒரு பகுதி. குடிஅரசு 4.2.1928.)

ஈழம் உருவாகுமா?

ஈழம் உருவாகுமா? ஒரு யதார்த்தமான கருத்து...

1. நெடுநாட்களாக விசாரணை செய்யப்படாமல் சிறப்பு முகாமில் அடைந்துகிடக்கும் ஈழத்தமிழர்களை க்யூ பிராஞ்ச் காவல் கொடுமையிலிருந்து விடுவிக்க அரசியல் கட்சிகள் மற்றும் தமிழ் இயக்கங்களிடம் யாதொரு தெளிவான செயல்திட்டமுமில்லை.

2. ஒரு அகதி முகாமிலுள்ள தமிழ் பெண்களை க்யூ பிராஞ்ச் காவலர்களே வலுக்கட்டாயமாக விபச்சாரத்தில் தள்ளியிருப்பது பற்றி எந்தக் கட்சிகளிடமும் எதிர்வினைகளில்லை.

3. தமிழ்நாட்டிற்கு வந்து தங்கியுள்ள பல ஈழ தமிழர்களுக்கு அருகாமையிலுள்ள காவல் நிலையங்களிலிருந்து நேரடியாகவும் மறைமுகமானதுமான நெருக்கடிகள் இருக்கிறது. எல்லா காவல் நிலையத்திலிருந்தும் இப்படியானவர்களின் தகவலை பணத்தால் திரட்டிக்கொள்ளும் வலிமை இங்குள்ள இலங்கைத் தூதரகத்திற்கு இருக்கிறது.

4. இங்குள்ள தமிழ் அகதிகளுக்கு வாடகை வீடு தரவோ, வங்கிக் கணக்கு துவங்கவோ, வேறு ஏதேனுமொரு அவசியமான உதவிக்கு நேர்மையாக உதவவும், தைரியமாக அணுகி உதவி கேட்கவும் எந்த இயக்கமும் ஏற்பாடு செய்திருப்பதாய் தெரியவில்லை. சின்ன சின்ன விஷயங்களுக்கும் அவர்கள் பயந்து வாழவேண்டும்படியான நிலைதான் உள்ளது.

5. திபெத் அகதிகளுக்கு கிடைக்கும் உரிமையும், சலுகையும் தமிழ் அகதிகளுக்கு இங்கே கிடைக்கவில்லை. இந்த ஆதங்கம் எல்லா இயக்கத் தோழர்களுக்கும் இருந்தாலும் அதை செயலளவில் பெற்றுத்தரும் செயற்திட்டங்கள் யாருக்கேனும் இருப்பதாய்த் தெரியவில்லை.

6. மத்திய அரசோ, மாநில அரசோ ஈழத் தமிழர் பிரச்சனைகளை பெரிதாய் எடுத்துக்கொள்ளவில்லை. அல்லது தமிழ்நாட்டில் நடத்தப்படும் போராட்டங்களைக் கண்டு அச்சப்படவில்லை.

7. செய்தித்தாளில் வரும்படியான அளவுக்கோ அல்லது நாலு பேருக்குத் தெரியும்படியான அடையாளப் போராட்டங்கள்தான் இங்கே எல்லா இயக்கங்களாலும் நடத்தப்படுகிறது.

8. முன்னர் நடத்திய போராட்டத்தினால் எந்த விளைவும், மாற்றமும் ஏற்படாதபோது மீண்டும் மீண்டும் ஒரே மாதிரியான போராட்டங்கள் அறிவிக்கப்படுகிறது, நடத்தப்படுகிறது. எல்லா கட்சிகளும் இப்படியே இருப்பதால் இதனால் யாதொரு இயக்கத்தின் மீதும் மக்களுக்கு நம்பிக்கை வருவதில்லை என்றே தோன்றுகிறது.

9. தம்மை நாடி வந்த ஈழ மக்களுக்கு இங்கே ஒரு விடிவைத்தர முடியாத நமது இயக்கங்கள் இலங்கையில் எப்படி மாற்றத்தை ஏற்படுத்த முடியும்?

10. நம் தலைவர்களால் மேடையில் பேசப்படும் வீராவேசப் பேச்சுகளுக்கு நமது உளவுத்துறையோ அல்லது இங்கிருக்கும் ஆளுங்கட்சிகளோகூட அஞ்சாதபோது மகிந்த-கோத்தபயக்கள் எப்படி அஞ்சுவார்கள்?

11. முன்னெப்போதும் இல்லாதவகையில் ஈழம் தற்போது எல்லாவகையிலும் சூறையாடப்படுகிறது. இன்னும் இங்கே கற்பனாவாதமே கொடிகட்டிப் பறக்கிறது. சிங்கள இனவாதிகள் நம்மை ஏளனத்தோடு பார்க்கும் நிலையில்தான் நாம் இருக்கிறோம் என்பதே உண்மை.

12. தமிழ்நாட்டு நீதிமன்றங்களில் தமிழ் இல்லை.

13. தமிழ்நாட்டில் இயங்கும் மத்திய அலுவலகங்களிலும் தமிழ் இல்லை.

14. தமிழ்நாட்டில் இயங்கும் தனியார் பள்ளிகளுக்கு தமிழ் ஒரு பொருட்டே இல்லை.

15. தமிழ் மீனவர்கள் சாவதைப் பற்றி இந்தியாவுக்கு கவலையில்லை. ஆனால் இந்திய ராணுவ மையங்கள் ஏராளமாக தமிழ்நாட்டில் இருப்பது என்ன நோக்கத்திற்காக?

16. இந்தியாவையோ, தமிழ்நாட்டு அரசையோ மயிரளவுக்குக்கூட மதிக்காமல் காஞ்சி மக்கள் மன்றம் வரை சென்று உளவு பார்த்து திரும்புகிறது இலங்கை தூதரக / புலனாய்வுத்துறை வாகனம்.

இன்னும் எழுதுவதற்கு ஓராயிரம் கொடுமைகள் இருக்கிறது. ஆனால் தட்டிக்கேட்கத்தான் தமிழனுக்கு வலிமையில்லை.

தானே அதிகாரத்தில் இருக்கவேண்டும் என்று போராடுகிறார் ஜெயலலிதா....

இழந்துபோன அரியணையை மீண்டும் கைப்பற்ற போராடுகிறார் கருணாநிதி....

சினிமா விளம்பரத்தையே மூலதனமாகக்கொண்டு முதல்வர் அரியணையைப் பெற்றுவிட போராடுகிறார் விஜயகாந்த்....

தன் கட்சியை வலுவாக்கிக்கொள்ள போராடிக்கொண்டேயிருக்கிறார் வைகோ....

அரசியலில் தன் இருப்பை தக்கவைத்துக்கொள்ள போராடுகிறார் திருமா....

சாதிக் கட்டுமானம் தன்னிடமிருந்து வழுவிவிடக் கூடாதென்று போராடிக்கொண்டிருக்கிறார் ராமதாஸ்....

புலிகளின் மீதான தமிழ் இளைஞர்களின் மரியாதையை மட்டுமே நம்பி களமிறங்கியிருக்கிறார் சீமான்....

குழப்பத்தையே கொள்கையாகக்கொண்டு, தேசிய இனங்களை மதிக்காமல் இல்லவே இல்லாத; போகவே முடியாத ஊருக்கு வழி ஏற்படுத்த போராடுகிறார்கள் பொதுவுடைமைவாதிகள்....

கொள்ளையடிப்பதற்கான இசை நாற்காலிப் போட்டியில் இடம்பிடிக்க போராடுகிறார்கள் காங்கிரஸ்காரர்கள்....

இந்தக்கட்சியும் இங்கே இருக்கிறது என்பதற்காகப் போராடுகிறார்கள் பா.ஜ.க வினர்....

ஆக, இங்கே தமிழுக்காகவும் தமிழீழத்திற்காகவும் இதுவரையில் நடத்தப்பட்ட போராட்டங்களினால் விளைந்த பயன் என்னவென்று தெரியவில்லை.

இந்த எல்லா இயக்கங்களும் ஒன்று சேர்ந்தால்கூட இந்திய மத்திய அரசோ, இலங்கை அரசோ தமிழர்களைக் கண்டு அஞ்சப்போவதில்லை. தமிழ், இந்திய ஆட்சி மொழியாகவும் போவதில்லை. உண்மை இப்படியிருக்க, ஆளாளுக்கு வெவ்வேறு திசையில், வெவ்வேறு வழியில் போராடிக்கொண்டிருப்பது நியாயமா? இதனால் கட்சி நடத்தும் இவர்களைத் தவிர தமிழ் மக்களுக்கு ஏதேனும் பயனிருக்கிறதா? உலகத்தமிழ் மக்களின் நிலைமையின்மீது இவர்களுக்கு உண்மையான கரிசனமும் அக்கறையும் இருந்தால் இப்படி தனித்தனியாய் செயற்பட முடியுமா? ஒரு பிரச்சனைகளின் அடிப்படையில்கூட இவர்கள் இணைந்து செயலாற்றாமல் இருப்பது எப்படி?

யார் பெரியவர்கள்? எந்த இயக்கம் பெரியது? என் தலைமையில்தான் மற்றவர்கள் இருக்கவேண்டும் – இம்மதிரியான உணர்விலிருந்து வெளியேறி மாற்றத்தையும், தமிழர்களுக்கெதிரான கொடுமைகளையும் மனதில் கொண்டு எப்போது செயல்படுவார்கள் நம் தலைவர்கள்?. இவர்கள் கோமாளித் தலைவர்கள் இல்லை என்பதை நாம் எப்படி நிரூபிப்பது? இல்லாவிடில் இவர்களை நம்பி பொருளையும், நேரத்தையும் இழக்கும் இளஞர்களுக்கு சமூகத்தில் என்ன மரியாதை? அதனால் தமிழ் சமூகத்திற்கு என்ன பயன்?

ஆதலால் தமிழர்களே...

எதிர்காலத்தில் என்றாவது ஒருநாள் ஈழம் அமையும். ஆனால் தற்போது அதற்கான நம்பிக்கை ஓளி புலம்பெயர் தமிழர்களிடமிருந்துதான் தெரிகிறது. ஈழம் உருவானதென்றால் அது இலங்கையில் பிறந்த தமிழர்களாலேதான் நடக்கும். இங்கிருப்பவர்களால் ஒன்றும் நடக்கப்போவதில்லை. இங்கே யாராவது ஈழம் அமைத்துக் காட்டுகிறேனென்றால் அவர்கள் நம்மை ஏமாற்றிப் பிழைக்க நினைக்கிறார்கள் அல்லது நாம் அவர்களிடம் ஏமாந்துகொண்டிருக்கிறோம். ஒருவேளை ஒப்புக்கான அடையாளப் போராட்டங்களைத் தவிர்த்து, உண்மையான வலுவான செயற்திட்டம் நம்மவர்களால் செயற்படுத்தப்பட்டாலொழிய....


(நண்பர்களே... எந்தவொரு இயக்கத்தையும் குறைசொல்லும் நோக்கில் இதை எழுதவில்லை. எனக்குத் தோன்றிய கருத்தை பதிவு செய்கிறேன். – விநாயகமூர்த்தி மாசிலாமணி)

கறபழிக்கப்படும் காஷ்மீர் தேசப்பெண்கள்

கற்பழிக்கப்படும் கஷ்மீர் தேச பெண்கள் .தட்டிகேட்க ஆள் இல்லாத அவலம் !!!!

கஷ்மீர் அங்கே இந்திய ஆக்கிரமிப்பு இராணுவம் யாரை வேண்டுமானாலும் வீடு புகுந்து கொலை செய்யலாம் , பெண்களை கூட்டு கற்பழிப்பு செய்யலாம் பாடசாலை செல்லும் மாணவியை வீதியில் வைத்துச் சுடலாம், தாயின் முன் மகளையும், மகனின் முன் தாயையும் பாலியல் வதைகள் செய்யலாம், தந்தையின் முன் மகனையும் , மகளையும் அடித்து கொலை செய்யலாம் பஸ்சுக்காக காத்திருப்பவரை கைது செய்து என்ன குற்றச்சாட்டை வேண்டுமானாலும் சுமத்தலாம், யாரை வேண்டுமானாலும் வீடு புகுந்து கைது செய்யலாம், மைதானங்களில் விளையாடிக் கொண்டிருக்கும் சிறுவர்களை அடித்து உதைத்து இழுத்து செல்லலாம் தேவையான போது கொன்று புதைக்கலாம்

பெண்களைப் கைது செய்து தொடர் வன்புணர்வுக்கு உட்படுத்தலாம், புதிய ஆயுதங்களை பரிசித்து பார்க்க இந்த மக்களை கொல்லலாம். இன்னும், இன்னும்.எது வேண்டுமானாலும் செய்யலாம் யாரும் கேட்க மாட்டார்கள் இந்தியாவை எந்த மேற்குலக அரசும் அது பற்றி கேட்காது எவர் தமக்காக பேசாவிட்டாலும் வீரச் செருக்குடன் வீதியில் இரங்கி போராடும் மக்கள் மனம் உடைந்து விடவில்லை, ஐக்கிய நாடுகள் சபையின் சர்ச்சைக்குரிய பகுதி என்ற பட்டியலில் இருந்து கஷ்மீரை நீக்கினாலும் கஷ்மீர் மக்களின் விடுதலைப் போராட்ட உணர்வை எதுவும் செய்து விடாது

ஆசியாவின் சுவிட்சர்லாந்து என வர்ணிக்கப்பட்ட காஷ்மீர், இயற்கை எழில் சூழ்ந்த உலகின் மிக அழகான நிலப்பரப்புகளின் பட்டியலில் முதன்மையாகத் திகழ்ந்தது. ஆனால் இன்று, காஷ்மீர் பள்ளத்தாக்கு, காணும் இடமெல்லாம் மரண ஓலங்கள் காணும் இடமெல்லாம் இந்திய ஆக்கிரமிப்பு இராணுவத்தின் படுகொலைகள்

உலகின் மிகக் கொடூரமான இராணுவ அடக்குமுறையின் மூலம், காஷ்மீரில் பாரிய இனப்படுகொலையை இந்திய இராணுவம் சத்தமின்றி நிகழ்த்தி வருகிறது.

“தாயின் கண்முன்பு மகளை வன்புணர்வுக்கு உட்படுத்த வேண்டும். இதுதான் அந்த இராணுவம் சிப்பாயின் ஆசை. ‘வேண்டாம் எங்கள் இருவரையும் விட்டுவிடுங்கள்’ என அந்தத் தாய் இராணுவ சிப்பாயின் மிதியடிகளைப் பிடித்து மன்றாடுகிறார், கதறுகிறார். ‘என்னால் இதை நிச்சயம் காண இயலாது; என்னை கொன்று விடுங்கள்’ என்கிறார் அவர். அந்த இராணுவ சிப்பாயின் வன்புணர்வுக்கு ஆயத்தம் ஆகும் வகையில் தன் உடைகளைக் களைந்து கொண்டே, ‘உன் ஆசைப்படியே நடக்கட்டும்’ என அவருடைய நெற்றியில் தானியங்கித் துப்பாக்கியை வைத்துச் சில சுற்றுகள் தோட்டாக்களை செலுத்துகிறான். தன் காரியத்தைத் தொடர்கிறான்”.

இதுபோன்ற ஓராயிரம் கதைகளை, காஷ்மீர் சென்று வந்துள்ள மனித உரிமைக் குழுக்கள் பதிவு செய்துள்ளன. இந்தச் சம்பவம் இந்திய ஆக்கிரமிப்பு இராணுவமும் அதன் துணைப் படைகளும் நாள்தோறும் காஷ்மீரில் வாடிக்கையாக நடத்தும் அட்டூழியங்களில் ஒன்றுதான் மேலே பதிவுசெய்யப்பட்ட சம்பவம்.

1989-2009 வரையிலான காலப்பகுதியில் மட்டும் காஷ்மீரில் 8,000 பேரை காணவில்லை. 70,000 பேர் போலி மோதல் சாவுகளிலும் அரசின் பாதுகாவலிலும் கொல்லப்பட்டுள்ளனர். இவர்களைப் பற்றிய தகவல்களை அறிய 1990 முதல் மட்டும் 15,000 மனுக்களை வழக்குரைஞர்கள் நீதிமன்றங்களில் பதிவு செய்துள்ளனர். இந்த மரண எண்ணிக்கைகூட, மிகக் குறைந்த அளவில்தான் கணக்கிடப்பட்டுள்ளது என்று தகவகல்கள் தெரிவிக்கின்றது.

நவீனமயமாகும் பிச்சை

எலவசமா வாங்கும்போதுகூட, தேவைப்படறது மூணு தோசையா? நாலு தோசையா?-ன்னு யோசிக்காம இப்படி அலையிறவனுங்க, விபச்சார வழக்குல மாட்ற பொண்ணுங்கள என்ன பண்ணுவானுங்க?

(இத அப்படியே படியெடுத்து யாராவது தோசையை ஆட்டைய போட நெனச்சீங்க, பிச்சுபுடுவேன் பிச்சி....)

சுதந்திரம் என்பது...

மேல்நாடுகளில் “சுதந்திர நாள்” சுதந்திர ஆண்டுவிழாவாக கொண்டாடுவதுபோல், நம் நாட்டில் சுதந்திர நாள், ஆண்டுவிழாவாக கொண்டாடப்படுவது – புலியை பார்த்து பூனை சூடுபோட்டுக் கொண்டதைப் போலாகும்.

மேல் நாட்டார்கள் சுதந்திரம் பெற்றபின் பெற்ற நாளைக் குறிவைத்து கொண்டாடுகிறார்கள். நாம் அது போல கொண்டாட நமக்குச் சுதந்திரம் வந்துவிட்டதா? நாம் ஏதாவது சுதந்திரத்தை அனுபவிக்கிறோமா? என்பதைப் பற்றி நமக்குக் கடுகளவு யோசனையும் இல்லாமல் – நம்மை அடிமைபடுத்தி வைத்திருப்பவர்களின் சூழ்ச்சிக்கும் வஞ்சகத்திற்கும் ஆளாகி அடிமைத் தளையை இறுக்கிக் கொள்ள நாம் “ சுதந்திர விழா” கொண்டாடுகிறோம்.

இந்த நாட்டின் சுதந்திரம் பணக்காரர் மீது, ஏழை மூடமக்களை ஏவி விடுவதாக இருக்கிறதே ஒழிய – மனிதனை (நம்மை) நாயிலும், பன்றியிலும் கேடாக இழிவுபடுத்தி, கீழ்ஜாதி ஆக்கிய “கடவுள்”, “சாஸ்திரங்களையோ”, சட்டங்களையோ, மக்களையோ – ஏனென்று கேட்க நாதியில்லை.

சுதந்திர நாட்டில் பிராமணன், சூத்திரன், பறையன், சக்கிலி இருக்கலாமா? அப்படி இருக்கும் நாடு சுதந்திர நாடா? ‘நரக’ நாடா?

இதை ஒழிக்க பாடுபட இந்த நாட்டில் ஏதாவது உரிமை இருக்கிறதா? சுதந்திர நாட்டில் மனித சமுதாயத்தையே அடிமைபடுத்தி மடையர்களாக ஆக்கி வைத்திருக்கும் இனத்தினர் (பார்ப்பனர்) மந்திரியாய், தலைவராய், இருக்கின்றார்கள் என்றால் இது சுதந்திர நாடாகுமா?

- தந்தை பெரியார் (விடுதலை 15.08.1957)

திருட்டு வாகனமா? சில விநாடிகளில் கண்டுபிடிக்கலாம்!

திருட்டு வாகனமா? சில விநாடிகளில் கண்டுபிடிக்கலாம்!

ஒரு வாகனத்தின் பதிவு எண்ணைக் கொண்டு, அதன் உரிமையாளர் பெயரை உடனே தெரிந்துகொள்ளலாம். மத்திய அரசால் சமீபத்தில் கொண்டு வரப்பட்ட இந்தத் திட்டம், சட்ட விரோதமாகப் பயன்படுத்தப்படும் வாகனங்களை உடனேஅடையாளம் கண்டுகொள்ள உதவும்.

092123 57123 என்ற எண்ணுக்கு vahan>space<பதிவு எண்- வாகனத்தின் பதிவு எண்ணை இடைவெளியின்றி டைப் செய்து அனுப்பினால், அடுத்த விநாடியே வாகன உரிமையாளரின் பெயர், வாகனத்தின் வகை, வரி செலுத்திய விபரம், தகுதிச் சான்று முடிவடையும் தேதி ஆகிய விபரங்கள் தாங்கிய எஸ்எம்எஸ் வந்துவிடும்.

இந்த வசதி 2003-ம் ஆண்டுக்குப் பிறகு பதிவு செய்யப்பட்ட வாகனங்களுக்கு மட்டுமே பொருந்தும். அல்லது 2003-ம் ஆண்டுக்குப் பிறகு ஏதாவது ஒரு காரணத்துக்காக வட்டாரப் போக்குவரத்து அலுவலகத்துக்கு வாகனம் சென்றிருக்க வேண்டும்.