இனிமையுமில்லை துயரமுமில்லை

குயில் கூவுகிறது...!!
அவ்வளவுதான்.

இனிமையுமில்லை துயரமுமில்லை
அதன் குரலில்.
கேட்பவரைப் பொருத்தது அது.

உலகம் சுற்றிக்கொண்டிருக்கிறது...!!
அவ்வளவுதான்.

இனிமையுமில்லை துயரமுமில்லை
அதன் இயல்பில்.
வாழ்பவரைப் பொருத்தது அது.

பாலியல் பலாத்கார தேசம்

இந்தியாவுக்கு மட்டுமல்ல‬‪, ரேப்புக்கும் தலைநகரம் டில்லிதான்‬..!!

NCRP என்ற அமைப்பின் ஆய்வுப்படி பெண்கள் மீதான வன்கொடுமை இந்தியா அளவில் 4% அதிகரித்திருக்கிறது. அதுவே டெல்லி என்று வரும்போது 2 மடங்காக அதிகரித்துள்ளது. பெண்களின் எண்ணிக்கை விகிதப்படி பார்த்தால் முதலிடம் குவாலியர், அடுத்ததாக ஜபல்பூர்.

டெல்லியில் 2013-ல் 1441 வழக்குகள் பாலியல் பலாத்கார வழக்குகள். அதுவே, 2014-ல் 1813-ஆக உயர்ந்துள்ளது. பாலியல் குற்றங்களில் மட்டுமல்ல கொள்ளை, வழிப்பறி, வண்டித்திருட்டு போன்ற வழக்குகளிலும் டெல்லிதான் முதலிடம்.

பாம்பே டெல்லியைவிட குறைவுதான் என்றாலும் பாம்பேவில் 2013 ஆண்டுடன் ஒப்பிட்டுப் பார்க்கும்போது 2014-ல் குற்றங்கள் 2 மடங்காக உயர்ந்துள்ளது. பாம்பேவில் 2013-ல் 391 வழக்குகள். 2014-ல் 607 வழக்காக கூடியுள்ளது.

போலீஸ் கஸ்டடி ரேப்பில் உத்தரப் பிரதேசம்தான் முதலிடம். மொத்தம் கஸ்டடி ரேப்பு-197. இதில் உத்திரபிரதேசத்தில் மட்டும் 189 லாக்கப் வல்லுறவுகள். பலபேர் சேர்ந்து பாலியல் பலாத்காரத்தில் ஈடுபடுவதில் 1 இடம் உத்தரப்பிரதேசம். 2-ம் இடம் ராஜஸ்தான். 3-ம் இடம் மத்தியப்பிரதேசம். 84% வன்புணர்ச்சி, சீண்டல், வன்கொடுமைகள் எல்லாம் சொந்தக் காரர்கள், அறிமுகமானவர்களாலேயே நடக்கிறது.

சென்ற ஆண்டில் நடந்த மொத்த கொலைகள் 34,000. சிறிதும், பெரிதுமான மோதல்கள், கலவரங்கள் 66,000. பெண்களுக்கெதிரான வன்கொடுமைகளின் எண்ணிக்கை 3,30,000 வழக்குகள். 1,56,000 வழக்குகள் பாலியல் வழக்குகள். 1,74,000 வழக்குகள் பெண்கள் மீதான வன்கொடுமைகள்.

ஒரு நாளைக்கு 905 வழக்குகள். ஒரு நாளைக்கு 37 பேர், 2 மணி நேரத்துக்கு 3 பேர் என பெண்கள் மீதான பாலியல் தாக்குதல், வன்கொடுமைகள் நடந்துகொண்டிருக்கிறது.

அதே போல் குழந்தைகளுக்கெதிரான குற்றத்தில் தமிழகம் 2-வது இடம். 1084 வழக்குகள். தினம் 2 குழந்தைகள் ஏதாவது ஒரு வகையில் துன்புறுத்தப் படுகின்றனர். முதலிடம் வழக்கம்போல் உத்தரப் பிரதேசம், 3637 வழக்குகள்.

மேலும், சிறார் குற்ற வழக்குகளில் (கொலை,கொள்ளை, திருட்டு, போதை) முதலிடம் வகிப்பது மகாராஷ்ட்ரா. 2-வது ஒரிசா, 3-வது குஜராத், 4-வது தங்கத் தமிழ்நாடு. இதுதான் பாரத புண்ணிய பூமியின் லட்சணம்.

பெண்களை தெய்வமாக மதிக்கும் இந்துக் கலாச்சாரத்தின் லட்சணம், உலகில் எய்ட்ஸில் 2-வது இடம். ஆபாசப்படம் பார்ப்பதிலும் முதலிடம் அரபு நாடுகள்தான். அதற்கடுத்ததாக முன்னிலிருக்கும் நாடு இந்தியா. 5 பேருக்கு ஒரு மனைவி. அவளையும் காப்பாற்றத் துப்பில்லாமல் சூதாட்டத்தில் அவளை வைத்து தோற்றது, அதில் பொறுக்கி கிருஷ்ணன்தான் முக்கிய கடவுளாம். இது மகா பாரதம்.

தசரதனுக்கு 64,000 மனைவிகள், பெண்ணைக் கடத்து, மூக்கறு, தீயில் இறங்கச் சொல் என்று பெண்களை மத, கலாச்சார ரீதியாக ஒடுக்குவது ராமாயணம். இதுதான் இந்தியாவின் இதிகாசங்களாம்.

இந்துக் கலாச்சாரத்தை பிரலிபலிக்கும் கடவுளின் கதைகளாம். இதை சிறுவயது முதல் பள்ளியில் பாடமாக சொல்லித் தருகிறார்கள். பிறகேன், பெண்கள் மீதான வன்கொடுமை நடக்காது. பாலியல் வன்முறை நடக்காது? குழந்தைத் திருமணம் நடக்காது?

முஸ்லீம் நாடுகளில் பெண்ணடிமைத் தனமும் பெண்கள் மீதான கொடூர வன்முறைக்கும் காரணம் குரான்தான். இந்த இருமதத்தையும் ஒழித்துக் கட்டினாலே உலகில் பாதி பிரச்சனை தீரும். குரான், பைபிள், ராமாயணத்தை, மகாபாரதம் கீதையை தடைசெய்ய வேண்டும்.

பெண்களே!

முழுவிடுதலை சோசலிச சமூக அமைப்பில்தான் கிடைக்கும் ஆனால் பாதி விடுதலையாவது பெற வேண்டுமென்றால் மதத்தை தூக்கியெறியுங்கள் கடவுள் சிலைகளை தூக்கிப்போட்டு மிதியுங்கள். புனித நூல்களை தீயில் எறியுங்கள். பர்தாவை பெட்ரோல் ஊத்திக் கொளுத்துங்கள். மதத்தைச் சொல்லி அடிமைப்படுத்த வரும் ஆண்களின் முகத்தில் ஆசிட்டை வீசுங்கள். மதமாம் மதம் மண்ணாங்கட்டி.

கட்டுரை : புஷ்கின்.

ஒலக மாற்றம்

இந்தக் காலத்துல கம்பர் இப்படித்தான் எழுதியிருப்பார். அதாகப்பட்டது...

"கடன் கொடுத்தார் நெஞ்சம்போல்
கலங்கினான் இலங்கை வேந்தன்"

இதுதான் உலகம்

ஆயுத வணிகம்
பெண்கள் கடத்தல்
போதை கடத்தல்
மனித உறுப்புகள் கடத்தல்
பாதாளக் குழுக்கள்
Bio war (போலி மருந்து)
சூது (பங்குச்சந்தை & கேசினோ)
உணவுப் பொருள் கலப்படம்
தரகு அரசியல்
உழைப்புச் சுரண்டல்
மத வியாபாரம்
லாபம் லாபம் லாபம்

இதுதான் உலகம்

எந்த நாட்டிலும்
மாஃபியாக்களின் மயிரைக்கூட
கடவுளால் அசைக்க முடிவதில்லை

மந்திரங்களாவது மண்ணாங்கட்டியாவது

எண்ணங்களே உலகைத் தகவமைக்கிறது

மக்கள் நம்பிக்கொண்டிருப்பதைப் போல சர்வ பலம் வாய்ந்த கடவுள் இருந்தால் நன்றாகத்தான் இருக்கும். ஆனால்... அப்படி இருப்பதாக எண்ணிக்கொள்வது கற்பனை.

எந்த மதத்துக் கடவுள் சரி? ஏன் இத்தனை மதங்களைப் படைத்தார் கடவுள்? நாத்திகர்களை ஏன் படைத்தார்? எல்லோருக்கும் சோதனை கொடுத்து என்ன சாதிக்கப்போகிறார் கடவுள்?

சர்வ பலம் வாய்ந்த கடவுள் நமக்குத் தெரியாமல் இருக்க வேண்டிய அவசியம் என்ன?

மனிதர்களை யோக்கியனாக படைக்க இயலாத அல்லது விரும்பாத கடவுள் பாவ புண்ணியத்திற்கு பலன் கொடுப்பானேன்? சொர்க்கம் நரகம் உண்டாக்கி வைத்திருப்பானேன்?

மறுபிறப்பு என்பது பொய். நாம் மறுபடியும் தோன்றப்போவதில்லை. நிகழ்காலமே நிஜம். மற்றது யாவும் கற்பனையே.

"அவரவர் நம்பும் கடவுளின் பலம் என்பது, அவரவர் அறிவுக்கேற்ற கற்பனைத் திறனைப் பொருத்ததே"

வாழ்க்கை வாழ்வதற்கே

கடவுள்
பேய்
சொர்கம் நரகம்
மறுபிறவி
கர்மா
தலைவிதி
பாவ புண்ணியத்தால் ஜாதி
கீழ் ஜாதி
மேல் ஜாதி
தீட்டு
வரம்
அருள்
ஜாதகம்
ஜோசியம்

இதுதான் ஒரு மனிதனின் முதல் எதிரி. எம்மதமானாலும் இப்படி குருட்டுத்தனம் உண்டு. இந்த எதிரிகளை ஒழிக்காமல் தெலுகன் எதிரி, மலையாளி எதிரி, கன்னடன் எதிரி என்பதில் எனக்கு ஆர்வமில்லை. உடன்பாடில்லை.

விருப்பப்பட்டால் உலகில் எங்கு வேண்டுமானாலும் சென்று வாழும் உரிமை யாருக்கும் இருக்க வேண்டும். இயற்கை பொதுவானது.

"யாதும் ஊரே யாவரும் கேளிர்"

தாய்மொழிப் பற்று தேவை. ஆனால் பிறமொழி வெறுப்பு தேவையற்றது. ஒரு கன்னடனின் / சிங்களனின் / மலையாளியின் / தெலுகனின் / ஹிந்திக்காரனின் தமிழ் வெறுப்பை எப்படி ஏற்க முடியும்? அவ்வாறே பிற மொழிகள் மீதான நமது வெறுப்பும். ஒவ்வொரு மொழியிலும் நல்ல கருத்துக்களும் இலக்கிய வளமும் உண்டு. எந்த மொழியும் மேலானதும் இல்லை, எம்மொழியும் கீழானதும் இல்லை. தேவையென்றால் கற்கவும் பிழைக்கவும் செய்யலாம். திணிக்கப்படின் எதிர்க்கலாம்.

சமத்துவம் - சகோதரத்துவம் - சுதந்திரம் - ஜனநாயகம்.

ஐரோப்பிய யூனியன் நாடுகளின் வாழ்க்கையே சரியென நினைக்கிறேன்.

வாழ்க்கை வாழ்வதற்கே, அறிவுடனும் மகிழ்வுடனும்.

பெண்கள்

பெண்களைப் பற்றி
ஒரு கவிதை எழுத நினைத்து
யோசிக்கத் தொடங்கினேன்
இன்னமும் யோசித்துக்கொண்டிருக்கிறேன்

பெண்கள்

பெண்களைப் பற்றி
ஒரு கவிதை எழுத நினைத்து
யோசிக்கத் தொடங்கினேன்
இன்னமும் யோசித்துக்கொண்டிருக்கிறேன்

ஆயர் சமூகத்தினருக்கு ஒரு வேண்டுகோள்...!!!

ஆயர் சமூகத்திற்கு ஒரு அன்பான வேண்டுகோள்...!!!

கிருஷ்ண ஜெயந்தி வருகிறது. என்ன செய்யலாம்? அரும்பாடுபட்டு சேர்த்த பணத்தை எப்படி செலவழிக்கலாம்? திருவிழாவிற்கு எவ்வளவு செலவிடலாம்? இப்படி பலவாறான எண்ணங்களில் மூழ்கியிருக்கும் நம் இளைஞர் சமூகம்.

வருடத்திற்கு தமிழ்நாடு முழுதும் கிருஷ்ண ஜெயந்தி கொண்டாட்டத்திற்காக சுமார் 50 கோடி ரூபாய் பணம் செலவழிக்கப்படுகிறது நம்மால். ஒரு 10 ஆண்டுகள் நாம் இப்பணத்தைச் சேமித்தால் நாடார் சமூகத்தைப்போல நாமும் நமக்கென ஒரு வங்கிக்கு அடித்தளம் அமைக்கலாம். நம்மிலிருந்து ஒரு நல்ல ஆளுமையான தலைவன் தோன்றும் வரையிலும் இது சற்று கடினம்தான். இவ்வளவு தொகையை நாம் எப்படி நம் சமூகத்திற்குப் பயனுள்ளதாக மாற்றலாம்? இதோ யோசனைகள்...

01. அந்தந்த பகுதிகளில் வறுமையில் வாழும் திறமையான இடையர் சமூக மாணவர்களை  கண்டறிந்து படிப்புக்கு  உதவலாம்.

02. பிள்ளைகளால் கைவிடப்பட்ட பெற்றோர்களுக்கும் முதியோர்களுக்கும் தேவையான சிறு உதவி செய்யலாம்.

03. இடையர் சமூக ஊனமுற்ற மாற்றுத்திறனாளிகளுக்கு முடிந்த உதவி செய்யலாம்.

04. இடையர் சமூகத்தில் திருநங்கைகளாக மாறியோர்களைக் கண்டறிந்து அரசு உதவி கிடைக்க துணை நிற்கலாம். வேலைவாய்ப்பை ஏற்படுத்திக் கொடுக்கலாம்.

05. படித்து முடித்த இளைஞர்களுக்கு சுயதொழிற்புரிய உதவ முயற்சிக்கலாம்.

06. அடுத்தடுத்த தலைமுறையினருக்கு நம் பொருளாதாரம் நமக்கே பயனுறும் வழியில் உதாரணமாக நடந்து காட்டலாம்.

07. அந்தந்த பகுதிகளில் பேச்சுப்போட்டி, கட்டுரைப்போட்டி, பட்டி மன்றம் நடத்தி நம் சமூகத்தின் சுய அறிவுத் திறனை மேம்படுத்தலாம்.

பிறர் கவுரமாகப் பார்க்க வேண்டும் என யாரும் திருவிழாக்களை நடத்தாதீர்கள். இதனால் ஒரு பயனும் இல்லை. எவ்வளவுக்கெவ்வளவு சிக்கனமாய் திருவிழா நடத்த இயலுமே அப்படி நடத்தி மீதிப் பணத்தில் நற்பணி செய்யுங்கள்.

பெருமைகளைப் பேசிப் பேசி வீழ்ந்துகிடப்பது போதும்.

ஏழை எளியோருக்கு உதவும் மனப்பான்மையை வளர்ப்பதே நம் கண்ணணுக்கு நாம் செலுத்தும் உயர்ந்த மரியாதை.

எல்லா சமூகமும் விழித்துக்கொண்டது. நாம் எப்போது?

கவிஞர்கள் கவனத்திற்கு...!!!

தங்கள் முகநூல் பக்கத்தில் கவிதைக்கு மட்டுமே முக்கியத்துவம் தருபவர்கள் தயவுசெய்து ஒரு நாளைக்கு ஒரு கவிதை மட்டும் எழுதுங்கள்.

கிட்டத்தட்ட 50 கவிதை எழுத்தாளர்கள் நிறைந்த முகநூல் தொடர்பில் ஒரு நாளைக்கு 100 கவிதைகள் வாசிப்பது என்பது கவிதையை வாசிப்பதின் மேலேயே அயர்ச்சி வந்து கடந்துபோய்விடத் தோன்றுகிறது.

கவிதை என்பது ஒரு அனுபவம்.

ஒரு நல்ல கவிதை எழுதுபவன் கவிஞன் என அறியப்படுகிறான். அவன் கவிஞனாக அறியப்பட்ட காரணத்தால் பிற்பாடு அவன் எழுதுவதெல்லாம் கவிதை என்று எழுதுபவர்களால் நினைத்துக் கொள்ளப்படுவது மிக ஆபத்து. அது பல நல்ல வாசிப்பாளர்களைக் கொலை செய்துவிடவும் கூடும்.

மொழி வற்றிவிடப் போவதில்லை, அவ்வாறே உங்கள் அனுபவ நினைவுப் பதிவுகளும். ஆக, ஒரு வாரமானாலும் ஒரே ஒரு நல்ல கவிதை மட்டும் எழுதவாவது முயற்சியுங்கள்.

நல்ல ஒரு ஆத்மார்த்தமான கவிதைக்காக சற்று காத்திருங்கள். தவமிருங்கள். அவகாசம் எடுத்துக்கொள்ளுங்கள்.

கவிதை ஆர்வலர்களை காப்பாற்றுங்கள். கவிஞர்களே, தயவுசெய்து கருணை காட்டுங்கள்.

கவனத்தில் கொள்ளுங்கள், கவிதைகளிலும் இப்படி வகை உண்டு.

பிளாஸ்டிக்
இரும்பு
ஈயம்
பித்தளை
வெண்கலம்
முத்து
மாணிக்கம்
பவளம்
வெள்ளி
தங்கம்
பிளாட்டினம்
வைரம்

உங்கள் கவிதை இதில் எந்த வகை?

ஒரு தென்னை மரத்தின் கொலை

எங்கள் ஊர் பள்ளிக்கூடத்துக்கு எதிரில் வாங்கிய வீட்டுமனையின் தென்புறமாய் மேற்கு கிழக்கு மூளைகளில் இரண்டு தென்னங்கன்று நட்டார் என் அப்பா. அதில் மேற்கு மூளை தென்னங்கன்று வளராமல் பட்டுப்போனது. இந்தக்கன்று மட்டும் வளர்ந்து வந்தது.

2000-ம் ஆண்டு இந்த மனையில் வீடுகட்ட ஆரம்பித்தார் அப்பா. அதே வருடம் பூசுவேலை நடக்கும்போது நவம்பர் மாதம் இறந்துவிட்டார். அவரால் சுமார் 20 வருடங்களுக்கு முன்பு வைக்கப்பட்டு வளர்ந்த தென்னைமரம்தான் இது. பக்கத்து வீட்டுக்காரருக்கு தொந்தரவாக இருக்கிறது என்ற காரணத்தால் இன்று 18-08-2015 காலை சுமார் 7 மணியளவில் என் அண்ணன் இந்த மரத்தை ஆள் வைத்து வெட்டிவிட்டார்.

வெட்டப்பட்ட மரம் சாயும்போதும், சாய்ந்து கிடந்ததை பார்த்த போதும் என் அப்பாவின் ஞாபகம் வந்தது. இந்த மரத்தை வைக்கும்போது நான் என் அப்பாவுடன் இருந்தேன். இன்று அதை வெட்டும்போது என் அப்பா இல்லை. ஒருநாள் அதற்கு தண்ணீர் ஊற்ற மறந்தாலும் என்னையும் என் அம்மாவையும் கடுமையாகத் திட்டுவார் என் அப்பா. அம்மாவும் இன்று இல்லை.

கடைசி நேரத்தில் அதில் கூடு கட்டியிருந்த காக்கைகள் அங்குமிங்கும் அலைபாய்ந்தபடி கரைந்துகொண்டிருந்தது. நானும் அதன் அலைவரிசையில் ஒத்திருந்தேன்.

எங்களுக்குப் புதிய வீடு கட்டுமுன்னர், பறவைகளுக்கான வீடொன்றை கட்டியுள்ளார் என் அப்பா. இன்று அந்த பறவைகளின் வீடொன்று இடிக்கப்பட்டது. ஒரு தென்னை மரம் கொலை செய்யப்பட்டது.

(பழைய வீட்டுக்குப் பின்புறத்திலும் என் அப்பா கட்டிய பறவைகளின் வீடொன்று மிச்சம் இருக்கிறது)

இரு உலகங்கள்

இன்று "உலக புகைப்பட தினம்"

இன்று எனது கிராமத்தில் எடுத்த நிழற்படங்கள்.

01. நிலவுடைமைச் சமூகம்.
02. நிலமற்ற பழங்குடி சமூகம்.

காணாமல் போன கடவுள்

"மார்க்சும் பெரியாரும்
உள்ளே வந்தார்கள்
கடவுள்
வெளியே போய்விட்டார்"

(இல்லாத கடவுள் எப்படி வெளியே போக முடியும்? 'கடவுள் காணாமல் போய்விட்டார்' என்பதுதானே சரி..?)

ஹிந்து மதத்தில் ஜனநாயகம்...?

ஹிந்து மதம் என்ற ஒன்று கிடையாது. எல்லா மொழியினரின் வழிபாட்டு முறையையும் ஹிந்து மதமாக்கிவிட்டார்கள். அடிப்படையில் ஒன்றை மையப்படுத்தி இயங்கமுடியவில்லை என்பதால் மதக் கட்டுப்பாட்டை விதிக்க முடியாமல் போனது. கூடவே ஒவ்வொரு பிராந்தியத்திலும் ஒவ்வொருவர் தோன்றி இந்த பார்ப்பன பெருச்சாளிகளின் ஆணிவேரை அசைத்துவிட்டார்கள். அதை மீட்கத்தான் பிஜேபி, ஆர் எஸ் எஸ் என செயல்பட்டுக்கொள்டிருக்கிறான் அவன். பிராமண ஆதிக்கத்தை காப்பாற்றிக்கொள்வதே அதன் நிஜமான நோக்கம்.

ஏன் இஸ்லாத்தில் பத்வா விதிப்பதைப்போல ஹிந்து மதத்தில் இயலவில்லை என்றால், பல கேள்விகளுக்கு இந்த மதத்தில் பதில் கிடையாது. அம்பேத்கரின் புத்த தம்மத்தை படித்துப்பாருங்கள் ஒருமுறை. குறைந்தபட்சம் இவ்வளவு அறிவுக்கு ஒவ்வாத கதைகளும் பொய்யும் ஏற்றத்தாழ்வும் இந்தளவிற்கு எந்த மதத்திலும் இல்லை. எனவே இந்த பலவீனம் பல முற்போக்காளர்களை உற்பத்தி செய்கிறது.

மசூதியிலும் தேவாலயத்திலும் அனைவரும் சமமான வழிபாடு செய்யலாம். சிறப்பு தரிசனம் இல்லை.

இது கோயிலில் மட்டும் வந்தது ஏன்? கருவறைக்குள் வரக்கூடாது என்பது ஏன்?

சுதந்திரம் குடியரசு

சுதந்திர தினத்திலும்
குடியரசு தினத்திலும்
மிட்டாய் கொடுக்காமல் விட்டிருந்தால்
ஒருவேளை
சிறுவயதிலிருந்தே யோசித்திருக்கலாம்
"சுதந்திரம் - குடியரசு" என்றால் என்னவென்பதை?

தனித்தமிழ்நாடு வேண்டும்தான். ஆனால்...,

சுதந்திர நாள் எனப்படும் இந்த (15-08-2015) நாளில் என்னை மிகவும் சிந்திக்க வைத்த ஒரு கட்டுரை இது. ஆனால்...,

=======================================
ஆகத்து - 15 - 1947 - தமிழ்நாடு
இந்தியாவிடம் அடிமைப்பட்ட நாள்!
=======================================
இன உணர்வுள்ள தமிழர்களே சிந்திப்பீர்!
=======================================
இந்தியா நமக்கான நாடா??
=======================================

-> இந்திய அரசமைப்புச் சட்டத்தின் மூலம், “தமிழர்” என்ற இன அடையாளத்தையே மறுத்தும், தொடர்ச்சியாக, தமிழர்களின் தேசிய மொழியான தமிழைப் புறக்கணித்தும், இந்தி - சமற்கிருதத்தைத் திணித்தும் வருவது இந்திய அரசு!

-> தமிழர்கள் அதிகமாக வசித்த தேவிகுளம் - பீர்மேடு பகுதிகளை கேரளாவுக்கும், சித்தூர் மாவட்டத்தை ஆந்திராவுக்கும்,கொள்ளேகாலம் - கோலார் பகுதிகளை கர்நாடகத்திற்கும் பிரித்துக் கொடுத்து, தமிழினத்தை வஞ்சித்தது இந்திய அரசு!

-> 1965இல் இந்தித் திணிப்பை எதிர்த்த தமிழர்களை, 300 பேருக்கும் மேலானோரை தமிழக மண்ணிலேயே சுட்டுக் கொன்றது இந்திய அரசு!

-> காவிரி, பாலாறு, முல்லைப் பெரியாறு ஆற்றுநீர் உரிமைகளை இழந்து வறட்சியில் நாம் தவிப்பதற்கு, முதற்காரணம் இந்திய அரசு!

-> வடநாட்டில் ஓர் அங்குலம் நிலம் அண்டை நாடுகளால் ஆக்கிரமிக்கப்பட்டாலும் கூக்குரலிட்டுக் கத்திவிட்டு, ஒட்டுமொத்த தமிழ்நாடே எதிர்த்த போதும், தன் சொந்த நிலப்பகுதியான கச்சத்தீவை இன்னொரு நாட்டிற்கு(இலங்கைக்கு) பரிசாக வழங்கியது, இந்திய அரசு!

-> ஓர் அண்டை நாட்டின் இராணுவத்தால், தமிழக மீனவர்கள் சொந்த மண்ணிலேயே படுகொலை செய்யப்பட்டதையும், நாள் தோறும் தாக்கப்படுவதையும் வேடிக்கைப் பார்க்கும் வெட்கம்கட்ட கடற்படையைக் கொண்ட ஒரே அரசு, இந்திய அரசு!

-> 1989இல் இந்திய அமைதிப்படை என்ற பெயரில் படையனுப்பி, தமிழீழ மக்களை நேரடியாகக் கொன்றொழித்தது, இந்திய அரசு!

-> 2009ஆம் ஆண்டு, தமிழீழ இனப்படுகொலையை மேற்கொள்ள சிங்கள அரசுக்கு நிதி - ஆயுத - அரசியல் உதவிகள் வழங்கி, பல்லாயிரக்கணக்கான தமிழீழ மக்கள் படுகொலை செய்ததும், இன்றுவரை உலக அரங்கில் இலங்கைக் கொலையாளிகளுக்குப் பாதுகாப்புத் தருவதும் - இந்திய அரசு!

-> ஒருபுறம், தமிழ்நாட்டு உரிமைகளுக்கு தொடர்ச்சியாக தடை போட்டுக் கொண்டு, எந்த வெட்கமும் இல்லாமல் நெய்வேலி - நிலக்கரி, சேலம் - இரும்பு, காவிரிப்படுகை - பெட்ரோல், குத்தாலம் - எரிவளி என தமிழ்நாட்டுக் கனிம வளங்கள் தாராளமாகக் கொள்ளையிடுவது, இந்திய அரசு! 

-> தமிழ்நாடு அரசே கடனில் உள்ளபோது, தமிழ்நாட்டு மக்களிடமிருந்து ஒரு இலட்சம் கோடி ரூபாய்க்கு மேல் வசூலிக்கப்படும் சுங்க, நிறுவன, வருமான வரிகள் அனைத்தையும் முழுவதுமாகக் கொள்ளையிட்டுச் செல்வது, இந்திய அரசு!

-> சாதி இழிவு ஒடுக்குமுறையின் வேராய் நிற்கும் ஆரியப் பார்ப்பனியத்தின் அரச வடிவமாய் இன்றும் ஆணவத்துடன் நிற்பது இந்திய அரசு!

-> வடநாட்டு நீதிமன்றங்ளில் அம்மக்களின் மொழியான இந்திக்கு அனுமதிதந்துவிட்டு, தமிழை நடுவண் ஆட்சி மொழியாக்க, கல்வி மொழியாக்க, வழக்கு மொழியாக்க முடியதென்று இறுமாப்போடு அறிவிக்கிறது, இந்திய அரசு!

-> மூவாயிரம் ஆண்டுத் தமிழர் அடையாளத்தை, சட்டப்படி அங்கீகரிக்க மறுத்து, இல்லாத இந்திய அடையாளத்தை நம் மேல் திணிக்கும் இந்திய அரசு!

-> முள்ளிவாய்க்காலில் தமிழீழ மக்களைத் துடிக்கத் துடிக்க கொன்றொழித்த கொலைகாரர்களுக்கு ஆயுதம் அளித்து, நட்பாய் நிற்பது இந்திய அரசு!

-> ஆயிரம் நாட்களுக்கு மேல் அறவழியில் போராடியும், தமிழ்நாட்டு மக்கள் மீது ஆபத்தானக் கதிரியக்க அணுஉலைகளைத் தொடர்ச்சியாகத் திணிக்கிறது, இந்திய அரசு!

-> ஆயிரமாயிரம் ஆண்டுகளாய் அடக்கி ஒடுக்கப்பட்ட மக்களை கைதூக்கிவிட, தமிழ்நாட்டில் செயலிலுள்ள சமூக நீதி காக்கும் 69 விழுக்காடு இடஒதுக்கீட்டுத் தடை விதிக்க முனைகிறது, இந்திய அரசு!

-> பேரறிவாளன், சாந்தன், முருகன் - அப்பாவி மூன்றுத் தமிழரை தூக்கிலிட்டுக் கொல்லத்துடிக்கும் 'அகிம்சாமூர்த்தி” தான் இந்திய அரசு!

-> காசுமீரிகள், சீக்கியர்கள், மணிப்பூரிகள், நாகர்கள் என இந்தியத் துணைக்கண்டமெங்கும் உள்ள பல்வேறு தேசிய இனங்களையும், அதன் தாயகங்களையும் ஆயுத வழியிலும், அரசமைப்புச் சட்ட வழியிலும் ஒடுக்கி வருகிறது, இந்திய அரசு! 

-> தமிழ்நாட்டுத் தாயகத்தை சிதைத்து அழிக்கும் வகையில், அதிகளவிலான வடவர் உள்ளிட்ட அயலாரை தமிழ்நாட்டில் குவிப்பது, இந்திய அரசு!

-> இலட்சக்கணக்கானத் தமிழர்கள் தமிழ்நாட்டில் வேலையின்றித் தவிக்கும் போது, தமிழ்நாட்டு இந்திய அரசு நிறுவனங்களில், வடவர் உள்ளிட்ட அயலாரையே அதிகளவில் பணியமர்த்துவது இந்திய அரசு!

-> தமிழ்நாட்டு இயற்கை வளங்களையும், மனித உழைப்பையும் சட்ட திட்டங்களை மீறி, வரம்பற்று சுரண்ட பன்னாட்டு - வடநாட்டு நிறுவனங்களுக்கு  சூறையாடல் அனுமதி வழங்குகிறது, இந்திய அரசு!

-> மான்சாண்டோ - பேயர் போன்ற நிறுவனங்களின் இலாப வெறிக்காக, பி.ட்டி கத்தரி உள்ளிட்ட மரபணு விதைகளை அனுமதித்து, மண்ணின் மரபான வேளாண்மையை அழித்தொழிக்கத் துடிப்பது இந்திய அரசு!

-> தமிழ்நாட்டு நீர் உரிமைகள் சட்டவிரோதமாக மறுக்கப்படுவதாலும், ஏற்றுமதி சார்ந்த பொருளியல் கொள்கை - வேளாண் கடன்களுக்கு கெடுபிடி என தமிழ்நாட்டு உழவர்களைத் தற்கொலைக்கு தள்ளுகிறது, இந்திய அரசு!

-> மீத்தேன் திட்டம், கெயில் திட்டம், நியூட்ரினோ ஆலை என தொடர்ச்சியாக தமிழ்நாட்டு வாழ்வாதாரங்களை அழிக்கும் திட்டங்களைத் திணித்து, தமிழகத்தை சுடுகாடாக்க முயல்கிறது, இந்திய அரசு!

-> பூம்புகார் உள்ளிட்ட தமிழர் வரலாற்று பகுதிகளில் அகழ்வராய்ச்சிக்குத் தடை விதிப்பது, ஏறுதழுவல்(ஜல்லிக்கட்டு) தடை விதிப்பது, தம் கையிலுள்ள தணிக்கைத்துறையின் மூலம் தமிழினத்தின் வரலாற்றையும் பண்பாட்டையும் வெளிப்படுத்தும் படைப்புகளுக்கு தடை விதிப்பது, என கலை இலக்கியப் பண்பாட்டுத் துறையிலும் ஒடுக்குமுறை புரிகிறது இந்திய அரசு! 

இத்தனையும் ”பரிசளித்த”, இந்தியாவை நாம் சுமக்க வேண்டுமா?

“கப்பலோட்டியத் தமிழர்” வ.உ.சி. சிதம்பரனார் கப்பல் விட்டது, நம் தமிழ் மீனவன் நமது கடலிலேயே செத்துக் கிடப்பதைப் பார்க்கத்தானா?

இந்திய விடுதலைக்கு கொடி பிடித்து மடிந்த தமிழ்நாட்டு ஈகியர்கள், இந்தக் கொடுமைகளெல்லாம் நடந்தேறத்தான் போராடினார்களா?

பல்லாயிரம் ஆண்டுகள் பழமை வாய்ந்த தமிழ் மொழியை - தமிழ்த் தேசிய இனத்தை, எல்லா வகையிலும் ஒடுக்கும் இந்தியா நமக்குத் தேவையா? முடிவெடுக்க வேண்டிய தருணமிது!

தமிழர்களுக்கு ஒரு நாடல்ல, இரண்டு நாடுகள் வேண்டும்!

இந்திய விடுதலையை மறுதலிப்போம்! தமிழ்நாடு விடுதலைக்கு அணிவகுப்போம்!

தோழமையுடன்,
க. அருணபாரதி,
தலைமைச் செயற்குழு உறுப்பினர்,
தமிழ்த் தேசியப் பேரியக்கம்.

*** இந்த கட்டுரை நிதர்சனமானது. தமிழர்கள் எவ்வளவு அடிமையாய் நடத்தப்படுகிறார்கள் என்பதை நெற்றியில் அடித்தாற்போல் உறைக்க வைக்கிறது.

ஆனால், ஜாதியும் அதன்பேரில் மட்டுமே ஜீவிக்கும் ஆதிக்க மனோபாவ பிராணிகளும் ஒழியாமல் தனித்தமிழ்நாடு கிடைத்தால் என்னாகும் என்பதை யோசித்தால் பேரச்சம் எழவே செய்கிறது.

இதற்கான தெளிவான செயல்வடிவம் இல்லாதுபோனால் தமிழர் என்போர் தமிழ்நாட்டில் வாழ்ந்தார்கள் என்ற அடையாளம்கூட நாளை இல்லாமல் போகக்கூடும் என்பதும் நிதர்சனம்.