சினிமாக்காரர்கள் கவனத்திற்கு...

இப்போதெல்லாம் சென்னைத் திரையரங்குகளில் எந்த காட்சிக்கு எந்தப் படம் ஓடுகிறது என்பதை சுவரொட்டிகளிலோ அல்லது திரையரங்குகளிலோ குறிப்பிடுவதில்லை.

பொத்தாம்பொதுவாக படத்தின் விளம்பரமும் திரையரங்கின் பெயருமே விளம்பரப்படுத்தப்படுகிறது.

காரணம் என்ன?

நினைத்த நேரத்தில் / காட்சிக்கு, நினைத்த படத்தை முன்னறிவிப்பில்லாமல் திரையரங்கு உரிமையாளர்களே மாற்றிப் போட வசதிக்காகத்தான்.

"தமிழ்த் திரைப்பட தயாரிப்பாளர் சங்கம்" இனி அதிரடியான பல செயல்களில் இறங்கவில்லை என்றால், இனி தமிழ் சினிமா தொழிலை சீர்படுத்துவது மிகக் கடினம்.

நடிப்பே வராத, நடிக்கவே தெரியாத, அல்லது நடிப்புத் தொழிலின் மீது அக்கறையே இல்லாமல் வெறும் பணத்திற்காக மட்டும் துறைக்குள் நுழைந்து பல இயக்குநர்களையும் தயாரிப்பாளர்களையும் "பலி" வாங்கும் அநியாய சம்பள நடிகர்களின் காட்டில்தான் இப்போதைக்கு தொடர் மழை பொழிந்துகொண்டிருக்கிறது.