சொம்புகள் என்றால் இப்படித்தான்

மிரட்டப்பட்டதால் இறந்திருக்கிறார் சினிமா தயாரிப்பாளர் ஒருவர். இறக்கும் முன்னர் அதை விவரமாக எழுதி வைத்திருக்கிறார். அது பொய்யாம். வட்டிக்கு கொடுத்தவரின் சொம்புகள் சொல்வதெல்லாம் உண்மையாம்.

அதாவது, என்னைக் கற்பழித்தான் என்று ஒருவன் மீது குற்றம்சாட்டி ஆதாரத்துடன் எழுதி வைத்துவிட்டு ஒரு பெண் இறந்துவிடுகிறாள். ஊரிலுள்ள பெண்கள் எல்லாம் வந்து அவன் அப்படியில்லை, உத்தமன், என்னை கற்பழிக்கவில்லை, அவன் கற்பழித்திருக்க மாட்டான் என்று தானாய் வந்து சொல்வதெல்லாம் எந்த வகை டிசைன்கள்?

சிறையிலிருக்கும் ஒவ்வொருவனுக்கும் நற்சான்றிதழ் வழங்க எவ்வளவோ பேர்கள் இருப்பார்கள் ஊரில். அப்படியெனில் சட்டமும் நீதியும் முழு முட்டாளா? பாதிக்கப்பட்டவன் தனக்கு நேர்ந்ததை சொல்கிறான். இவர்களுக்கு என்ன அதில் பிரச்சினை?

சொம்பே, உனக்குப் பிரச்சினை என்றால் நீயும் சென்று புகார் கொடு. இல்லையென்றால் மூடிக்கொண்டிரு.

வான்டடாக வந்து ஓவராக கூவுவது ஏன்? வெட்கமாக இல்லையா? கேட்டதும் பணம் கொடுப்பவனுக்கு வட்டியும் கொடுத்துவிட்டு விளக்கும் பிடிப்பீர்களா?

25.11.2017