இது மதவாதமில்லையா?

// மோடியை ஆதரிக்கும் இந்துக்களைப்போல,

மோடியை எதிர்க்கும் முசுலீம்களும் மதவாதிகளே..! //

அதாவது இதன் கோணம் என்னவெனில், கொல்லப்பட்டது முஸ்லீம்கள் என்பதுதான் சிலருக்கு பிரச்னையே தவிர பொதுமக்கள் என்பதல்ல. இதே தரப்பினர் நாடெங்கும் பல பொதுமக்களைக் கொன்ற காங்கிரசையோ, அதன் தலைமையையோ இப்படியாக எதிர்க்கவில்லை. உதாரணம் சீக்கியர்கள் படுகொலை, ஒரிஸ்ஸாவில் கிறித்தவர்கள் படுகொலை, வடகிழக்கில் பழங்குடி மக்கள் படுகொலை etc..., முசுலீம்கள் மோடியை எதிர்ப்பது தவறென்று நான் சொல்லவில்லை. அந்த எதிர்ப்பின் பின்னணி மதமாய் இருப்பதால் இவர்களும் மதவாதிகள்தான் என்கிறேன். 

அதாவது மோடியை எதிர்க்கும் இந்துக்களுக்கும், மோடியை எதிர்க்கிற முசுலீம்களுக்கும் வேறுபாடு இருக்கிறது என்பதைத்தான் சொல்கிறேன். இதுவும் மதவாதம்தான் என்கிறேன். 

இந்த மனிதாபிமானிகள் காசுமீரில் 70,000-க்கும் மேற்பட்ட அப்பாவி முசுலீம்களைக் கொன்ற, கற்பழித்த காங்கிரசு ஆட்சித் தலைமைகளின் எதிர்ப்பை மோடியை எதிர்ப்பதுபோல் ஏன் முன்னெடுக்கவில்லை? பாஜக-வை விடவும் அதிக முசுலீம்களைக் கொன்றது காங்கிரசுதான். இதனால்தான் முசுலீம்களின் மோடி எதிர்ப்பும் மதவாதம் என்கிறேன். அதற்காக மோடிக்கு நான் சாமரம் வீசுவதாகக் கருதினால் எனது பழைய பதிவுகளை சென்று பாருங்கள், பிறகு பின்னூட்டமிடுங்கள் நண்பர்களே...!

மத எதிர்ப்பு சகிப்புத்தன்மை என்பது விகிதாச்சார அளவிலும் கூட இந்துக்களை விடவும் முசுலீம்களில் வெகு குறைவு. முசுலீம் மனிதாபிமானிகள் யாவருமேகூட மத அடிப்படைவாதிகளாகவே இருப்பது கண்கூடு. விதிவிலக்கு மிகவும் சொற்பம். எல்லா சனநாயக / மனித உரிமை  நடவடிக்கைகளும் மதம் எனும் பின்னணி வட்டத்தை விட்டு வெளியே இருக்கவேண்டும். எனவேதான் இவ்வாறானதும் மதவாதம் என்கிறேன். தஸ்லிமாவும், சல்மான் ருஷ்டியும் அதிகம் உருவாகும்போதுதான் இந்தப்பார்வை மாறமுடியும்.