இஸ்லாமுக்கு எதிரான சல்மான் ருஷ்டியின் புத்தகங்கள் ஹிந்தியாவில் தடை செய்யப்பட்டதுபோல, ஹிந்து மதத்திற்கு எதிரான பெரியாரின் கருத்துக்களடங்கிய புத்தகங்களையும் தடை செய்யக்கோரி வழக்கு தொடரப்போவதாக தன் முகநூல் பக்கத்தில் பதிவிட்டிருந்த ஒரு "அப்பாவி தமிழ்க்காரனுக்கு" தெரிவித்திருந்த எனது பதில்...
முதலில் மாற்றுக்கருத்தாளர்களை வரவேற்று நிதானமான அறிவுடன் அலசுங்கள். அறிவுத்தேடலுடன் பெரியாரை அணுகிப்பாருங்கள். அவரது சிந்தனைக்குமுன் நீங்கள் பெரிதாய் நினைத்துக்கொண்டிருக்கிற எந்தவொருவரின் பிம்பமும் மிகவும் சிறியதாகிவிடும். நீங்கள் பெரியாரிஸ்டுகளைக் கொண்டு பெரியாரை அளந்துகொண்டிருக்கிறீர்கள். எல்லா புராணங்களையும் தெரிந்துகொண்டுதான் பிற்பாடு பெரியார் எதிர்த்தார். முதலில் பெரியாரை பாதியளவாவது தெரிந்துகொண்டு விமர்சியுங்கள்.
ஆபாசமான கதைகளையெல்லாம் புனிதம் என பொய்சொல்லி, பெரியாரின் ஒளி படாது மிச்சம் இருக்கிற சொச்சம் முட்டாள்களையும் அப்படியே இருக்கவைத்து, கடவுளையும் மதத்தையும் வாழ்நாள் மூலதனமாக்கி ஏமாற்றிப் பிழைக்கும் அதே கூட்டம் அரசியலுக்கும் அதை அப்படியே பயன்படுத்தி, மதத்தின் பெருமையென்று கண்டதையெல்லாம் சொல்லி ஏமாற்றும்போது அதே மதத்தின் கேவலமான கருமங்களையெல்லாம் சொல்லி கேள்வி எழுப்புவது எப்படி தவறானதாகும்?
சல்மான் ருஷ்டி என்ன சமூகப் போராளியா? சீர்திருத்தவாதியா? பெரியாருக்கிருந்த நோக்கம்தான் அவரது நோக்கமுமா? அடிப்படை புரிதலில்லாமல் மேலோட்டமாக ஒப்பிட்டு எழுதப்பட்ட பதிவு இது. ஒரு உண்மையான மதவாதி பெரியாரின் கேள்விகளுக்கு நியாயமான பதிலையே வழங்க முயலவேண்டும். அவரை மூடி மறைக்க முயலும் நோக்கம் ஒன்றே அவர் கருத்துக்களின் மீதான மதவாதிகளின் பயத்தைக் காட்டுகிறது.
கடவுளையும் இந்து மதத்தையும் ஏன் எதிர்க்கிறேன்? என்ற அவரது விளக்கத்தை படித்து சிந்தியுங்கள். முகமது நபிகளையும் பயங்கரமாக விமர்சித்துள்ளார். தேடிப்படியுங்கள். இந்து மதத்தைத் தவிர உலகில் வேறெந்த மதத்தில் மனிதனை இழிவானவனென்றும், தீண்டத்தகுதியில்லாதவன் என்றும் ஒதுக்கிவைக்கிறார்கள்? ஆயிரக்கணக்கான ஆண்டுகள் கழிந்தும், அறிவியல் வளர்ந்தும், இன்னும் கட்டுக்கதைகளையே நம்பிக்கொண்டிருப்பதால் யாருக்கு லாபம்? யாருக்கு நஷ்டம்? இன்று இந்து மதத்தின் பேரால் வழங்கப்படும் பல விஷயங்கள் ஆதிகால தமிழர் சமய பண்பாடுகள் என்பது எத்தனை பேருக்குத் தெரியும்?
எல்லாவித கேள்விகளுக்கும் பெரியார் பதில் பேசியிருக்கிறார். கிணற்றுத்தவளைகளைப் போன்ற அறிவோடே இன்னும் அவரை கொஞ்சமும் தெரிந்துகொள்ள முயற்சிக்காமலே விமர்சித்துக்கொண்டிருப்பது என்ன நியாயம்?
நான் ஒரு இந்து. "பகவான் கிருஷ்ணர்" என் சாதியில் பிறந்ததாகச் சொல்கிறார்கள். நாங்கள் யாரும் பூணூல் அணிவதில்லை. அவருக்கு யார் போட்டது? எப்படி வந்தது? இந்துவாகிய நான் ஏன் நான் வணங்கும் கோயில் கருவறைக்குள் வரக்கூடாது?
வாழ்ந்து மறைந்த முன்னோர்கள் / மக்கள் மத்தியில் நல்லபடி வாழ்ந்து மறைந்தவர்கள் / இவர்களே தமிழர் பண்பாட்டில் தெய்வமாக வணங்கப்பட்டார்கள். வன்முறை / பாலியல் வன்முறை / துரோகம் / அகால மரணம் / குறை ஆயுள் / என பலதரப்பட்ட மரணங்களால் மாண்ட மக்களால் மதிக்கப்பட்ட நல்லோர்களே பிற்காலங்களில் கிராம காவல் தெய்வங்களாக்கப்பட்டார்கள். இதுவே தமிழர்களின் வழிபாட்டுமுறை. வரலாற்றை தெளிவாய் புரட்டுங்கள். தமிழர்களுக்கும் இந்து மதத்திற்கும் யாதொரு தொடர்புமேயில்லை.
பெரியார் மீதான எல்லா அரைகுறை பார்வைகளுக்கும் பதில் எப்போதோ பலராலும் வழங்கப்பட்டுவிட்டது. தேடிப்பாருங்கள்...
வேதங்களை படித்த இந்துக்கள் எத்தனைப்பேர்? உங்களுக்குப் பிடித்த அல்லது மனிதன் வாழ்க்கைக்கு மிகவும் உகந்த ஒரு சுலோகத்தை அதிலிருந்து சொல்லுங்களேன் பார்ப்போம். ஒரு இசுலாமியன் குர்ஆன் படிக்க நிர்பந்திக்கப்படுகிறான். ஒரு கிறித்தவன் பைபிளைப் படிக்க நிர்பந்திக்கப்படுகிறான். ஏன் ஒரு இந்து வேதங்களை படிக்க அனுமதிக்கப்படுவதில்லை? குப்பைகள் வெளியே தெரிந்துவிடும் என்பதாலா?
எனக்கு சோதிடக் கணக்குகள் ஓரளவுக்குத் தெரியும். வானவியலுடன் ஒத்துப்போகும் அதன் சில உண்மையும், அதில் இந்து மதம் கலந்த பொய்யையும் தெளிவாய் விளக்குவேன். 10 வருடங்களுக்கு முன்பு தீவிர ஆன்மீகவாதியாக இருந்தவன். பெரும்பாலான வட ஹிந்திய புண்ணியஸ்தலங்களுக்குப் போயிருக்கிறேன், ஜம்முவின் வைஷ்ணவிதேவி மாதா கோயில் உட்பட. எங்கள் கிராமத்தில் ஆர் எஸ் எஸ் ஷாகா வகுப்பை துவங்கினேன். ஹிந்து மதத்தில் எல்லா புராணக்குப்பைகளையும் படித்திருக்கிறேன். ஒருமுறை பெரியாரை ஆழ்ந்து வாசித்தேன். கண்ணை மூடிக்கொண்டு ஆதரித்ததெல்லாம் எவ்வளவு முட்டாள்தனமாய் ஏமாற்றப்படுகிறது என்று பலவற்றிலும் கேள்வி எழுப்பிக்கொண்டேன். ஹிந்து மதம் இருக்கிறவரையில் பெரியாரும் இருப்பார் என்பது எந்தக்கொம்பனாலும் மறுக்க முடியாத உண்மை.
இந்த மதவாதிகளில் பெரும்பான்மையோர் ஹிந்திக்கு பல்லக்கு பிடிக்கிறவர்களாகவே இருக்கிறார்கள். உங்கள் தாய் ஏதேனும் பலவீனமாக இருந்தால் முதலில் அதை பலப்படுத்த முயலுங்கள். உங்களுக்கு தேவையென்றால் எந்த மொழியையும் கற்றுக்கொள்ளுங்கள். இதனால் மற்றவன் உங்களை அடிமைப்படுத்த முயலும்போது எதிர்த்து நில்லுங்கள். உங்கள் பார்வையை மாற்றுங்கள். தமிழைவிட எந்தவிதத்திலும் ஹிந்தியும் சமஸ்கிருதமும் மேலானதல்ல. எனக்குத் தேவைப்பட்டபோது ஹிந்தி எழுதப்படிக்க கற்றுக்கொண்டேன். அது வெகு சுலபமானது. இவ்வாறே தேவை ஏற்படின் தெலுகு, மலையாளமும் கற்பேன். ஆனால் இந்த மண்ணில் ஒருபோதும் வேற்று மொழி திணிப்பை ஏற்க மாட்டேன். உலகில் 5 நாடுகளில் தமிழ் ஆட்சி மொழி என்பதை நினைவில் கொள்ளுங்கள். ஹிந்தி படித்தால் வேலை கிடைக்குமென்றால் பானிபூரி, பஞ்சு மிட்டாய், பேல்பூரி விற்க இங்கே வருபவர்கள் யார்? உங்கள் தாய்மொழியை பலப்படுத்துங்கள். ஒருபோதும் முட்டாள்களின் மொழி வாதத்திற்கு துணை நில்லாதீர்...
"நாத்திகம்" என்பது இந்தியர்களை, இந்துக்களை இழிவுப்படுத்த, ஆங்கிலேய கைக்கூலிகள் இந்தியாவுக்கு கொண்டுவந்த நடைமுறை - என எச்ச. ராஜா (பிஜேபி) சொல்கிறார். உண்மை என்னவெனில் "ஆத்திகம்" என்பது தமிழர்களை, அவர்கள்தம் வாழ்ந்து மறைந்த முன்னோர் (கிராம தெய்வங்கள்) வழிபாட்டு முறையை இழிவுபடுத்த, வந்தேறி (எச்ச.ராஜா முன்னோர்) கைக்கூலிகளால் தமிழ்மண்ணில் திணிக்கப்பட்ட நடைமுறை....
No comments:
Post a Comment