"யார் உயர்ந்த சாதி? அவனா நீயா அவர்களா?"

உனக்கும் அதிகாரமில்லை. அவனுக்கும் அதிகாரமில்லை. டெல்லிக்காரனுக்கு நீயும் அடிமைதான், அவனும் அடிமைதான். உன் மொழியை எவ்வளவு ஒடுக்க முடியுமோ அவ்வளவும் ஒடுக்கி உன் மொழியல்லாதவனை உனக்கு அதிகாரியாக உன் ஊருக்குள் அனுப்புகிறான் வேறொருவன். உன் சாதிதான் முன்னேற வேண்டுமென நீயும், அவன் சாதிதான் முன்னேற வேண்டுமென அவனும் என்னென்னெல்லாமோ செய்கிறீர்கள். அவன் அவன்சாதி அயோக்கியனை ஆதரிக்கிறான். நீ உன்சாதி அயோக்கியனை ஆதரிக்கிறாய். கோவணமும் இல்லாமல் இருக்கப்போகிற எதிர்காலத்தை எதிர்பார்த்தே உங்கள் அரசியல் ஆதரவு நகர்ந்துகொண்டிருக்கிறது. உங்களுக்காக உன் மண்ணில் இயங்கும் அலுவலகங்களில் உன் மொழியில்லை. உனக்காக வேலைசெய்பவர்கள் உன்னுடன் உன் மொழியை பேசவில்லை. கைபேசி நிறுவனங்களும் விமான நிலையங்களும் தொடர்வண்டி நிலையங்களும் அஞ்சல் அலுவலகங்களும் இதரபிற மைய அரசு அலுவலகங்கமே அவனும் நீயும் அடிமை நாய்கள் என்பதற்கான ஆதாரம்தான். "உன் மொழியை எவ்வளவு ஒடுக்க முடியுமோ அவ்வளவும் ஒடுக்கி உன் மொழியல்லாதவனை உனக்கு அதிகாரியாக உன் ஊருக்குள் அனுப்புகிறான் வேறொருவன்."

அவனும் நீயும் ஒரே மொழிதான் என்பதே உங்கள் அடையாளம். மொழிதான் உங்கள் சந்ததிகளை சிந்திக்கவைக்கும். உன் சந்ததிக்கும் அவன் சந்ததிக்கும் சோறுபோட வக்கற்றதாய் உன் மொழி மாறிவிட்டது. உங்கள் மீதும் உங்கள் சந்ததி மீதும் உண்மையான அக்கறையுள்ள அரசு ஏற்பட அவனை நீயும் உன்னை அவனும் நம்பித்தானாக வேண்டும். 

உங்கள் மண்ணில் நீயும் வளரவில்லை. அவனும் வளரவில்லை. ஆனால் "சௌகார்பேட்டைகள்" மட்டும் வளர்ந்து கொண்டிருக்கிறது. அவர்களுக்கு உபயோகப்படும்படியே மைய அரசு அலுவலகங்கள் உங்கள் மண்ணில் துவங்கப்படுகின்றது. 

யார் உயர்ந்த சாதி? நீயா அவனா அவர்களா?

முதுகுளத்தூர் வகுப்புக் கலவரமும் கீழ்வெண்மணிப் படுகொலையும்

முதுகுளத்தூர் வகுப்புக் கலவரத்திற்கும் கீழ்வெண்மணியில் 44 ஏழைத் தொழிலாளர்கள் கொளுத்தப்பட்டதற்கும் என்ன செய்து கிழித்தது பெரியாரியம்?

முதுகுளத்தூர் கலவரத்திற்கு காரணமான முத்துராமலிங்கத்தை எதிர்த்து நாடே பேச தயங்கியபோது அவரை கைது செய்யச் சொன்னது பெரியார். இதனால் கலவரம் கட்டுப்படுத்தப்பட்டது. பின் கீழ்வெண்மணியில் 44 பேரை உயிரோடு கொளுத்திய அந்த நாயுடுவை சிறையிலிருந்து விடுதலையானதும் திட்டமிட்டு கொன்றதில் 11 பேர் திக-வினர், ஒருவர்தான் கம்யூனிஸ்டு. தேர்தலில் நின்று சீரழிந்தவர்களை பெரியாரியவாதிகளாக எண்ணி பெரியாரை விமர்சிப்பது நியாயமில்லாதது.

சாதியையும் பிறவி அடிமைத்தனத்தையும் ஒழிக்காமல் வர்க்கப் புரட்சியை இந்தியாவில் நடத்த முடியாது என்றார் பெரியார். ஏழை வர்க்கத்திற்குள்ளேயும் பணக்கார வர்க்கத்திற்குள்ளேயும் சாதிப்பிரிவினை ஏற்றத்தாழ்வுகள் இல்லாமலா இருக்கிறது. மேல்சாதி பணக்காரன் கீழ்சாதி பணக்காரனையும், மேல்சாதி ஏழை கீழ்சாதி ஏழையையும் சமமாகப் பார்க்கிறானா? வர்க்க ஏற்றத்தாழ்வுகளை ஒழித்தால் வர்ணாசிரம சாதி ஏற்றத்தாழ்வுகள் தானாகவே ஒழியுமென்ற கம்யூனிஸ்டுகளின் வாதத்தை பெரியார் ஏற்கவில்லை. அதனால்தான் கம்யூனிஸ்டுகளின் தூண்டுதலால் நடத்தப்பட்ட கீழ்வெண்மணி போராட்டத்தை ஒரு கூலி உயர்வுப் போராட்டமாகவே அதை விமர்சித்தார். 

கம்யூனிஸ்டு அறிக்கையை தமிழில் மொழிபெயர்த்து அச்சிட்டவர் பெரியார்தான். அதற்காக 6 மாத சிறைதண்டனையும் பெற்றார்.

"வாடிவாசல்" - சி.சு.செல்லப்பா

இன்று இக்கதையைப் படித்தேன்.

பண்டைய காலத்தில் "ஏறு தழுவுதல்" என்று அழைக்கப்பட்டு தற்போது ஜல்லிக்கட்டு என்று அழைக்கப்படும் தமிழர்களின் மாடு அணைக்கும் வீர விளையாட்டு பற்றிய குறுநாவல் இப்புத்தகம். 

செல்லாயிகட்டு வாடிவாசலுக்கு, பெரியபட்டி ஜமீன்தார் மொக்கையாத்தேவரின் காளையை அடக்க சமயம் பார்த்து காத்துக்கொண்டிருக்கிறான் பச்சி. அவனுடன் அவனது மச்சினன் மருதனும் துணைக்கிருக்கிறான். சுற்றுப்பட்டி ஊரெல்லாம் கட்டுச்சோறு கட்டிவந்து இன்று மாடு அடக்கப்போகும் வீரர்களை எதிர்பார்த்து காத்துக்கிடக்கிறது. பிச்சி எதையோ நோக்கிக் காத்துக்கிடப்பதை ஒரு வயதான கிழவர் குறிப்பால் உணர்கிறார். அந்தக் கிழவருக்கு ஜல்லிக்கட்டு காளைகள் அத்தனை பற்றியும் எல்லா விவரமும் தெரிந்திருப்பதைக் கண்டு இருவரும் அதிசயிக்கிறார்கள். அப்படியே தங்களுக்குத் தேவையான சிலபல தகவல்களையும் அவரிடமிருந்து கேட்டுக்கொள்கிறார்கள். யாராலும் அடக்க முடியாத ஜமீன்தாரின் காளை "காரி" பற்றியும் அதை அவர்கள் வளர்க்கும் விதம் பற்றியும் மூன்று வருடத்திற்கு முன்பு இந்தக்காளையை அடக்க முயன்று குடல் அறுந்து ஆறுமாதம் படுக்கையாய் கிடந்து மாண்டுபோன அம்புலித்தேவன் பற்றியும் பல தகவல்களை சுவாரஸ்யமாய் சொல்கிறார் அந்தக் கிழவர். காளையை அடக்குவதில் "கிளக்கத்தியான் அம்புலி"யை மிஞ்ச ஆளில்லை எனப் புகழ்ந்த அந்தக்கிழவனுக்கு பிற்பாடுதான் இந்தப் பிச்சி அந்த அம்புலியின் மகன் எனத் தெரியவருகிறது. வேறு ஊர்க்காரனாய் இருந்தாலும் பாசம் கொள்கிறார். சீறிவரும் ஒவ்வொரு காளையைப் பற்றியும் அவர் சொல்வதை காதில் வாங்கிக்கொண்டு தானும் சீறிப்பாய்ந்து முதல் இரண்டு காளைகளையும் லாவகமாய் அடக்குகிறான் பிச்சி.

தன் காளையை அடக்க சுற்றுப்பட்டியில் ஆளேயில்லை என்று கர்வமாய் இருக்கும் ஜமீனுக்கு பிச்சியின் பின்னணி பற்றி தெரியவருகிறது. அம்புலியின் திறமையைப்பற்றி தெரிந்திருக்கும் அவர் பிச்சி அடக்கிவிடுவானோ என்று அச்சம் கொள்கிறார். இருந்தும் வெளிக்காட்டிக்கொள்ளாமல் வாடிவாசலை வேடிக்கை பார்த்து காத்திருக்கிறார். ஜமீனின் காரி சீறி வருகிறது. பிச்சியும் பாய்ந்து அடக்குகிறான். மூன்று திமிலில் மாடு அடங்க, அதன் தலையில் சுற்றப்பட்டிருந்த தங்கச் சங்கிலியையும் பட்டு உருமாவையும் உருவி எடுத்து கிழவனிடம் தருகிறான். மாடு துள்ளி எக்காளமிட, ஏற்கெனவே இரண்டு காளைகளை அடக்கிய பிச்சியின் கை மெல்ல பிடி தளர, பிச்சியின் தொடையைக் குத்தி கிழிக்கிறது காரி. ரத்தம் பொல பொலவெனக் கொட்ட எல்லோரும் அம்புலியைப் பற்றியும், அவன் மகன் பிச்சியையும் பெருமையாய் தூக்கிக்கொண்டு கொண்டாடியபடியும் அலறியபடியும் மருத்துவமனையை நோக்கி புறப்பட, அருகே வரும் ஜமீன் பிச்சியின் வீரத்தைப் பாராட்டி 100 ரூ பரிசளிக்க அதை வாங்கி அந்தக் கிழவனிடமே தருகிறான் பிச்சி. ஜமீனைப் பார்த்து கையெடுத்துக் கும்பிட்டு, 'தங்களை எதிர்ப்பதற்காக காரியை அடக்கவில்லையென்றும், தன் அப்பன் அம்புலி உயிர்விடும்போது சொன்னதற்காகத்தான் அடக்கியதாகவும்' சொல்ல அவர் தன் ஜமீன் வண்டியிலேயே அவனை மருத்துவமனைக்கு எடுத்துச்செல்ல சொல்கிறார். 

தன் காளையை யாரும் அடக்கமுடியாது என நினைத்துக்கொண்டிருந்த ஜமீன் இதை பெரும் அவமானமாய் கருதுகிறார். மேலும் 2 பேரைக் குத்திக் கொன்று 20 பேரை முட்டித்தள்ளி ஆவேசம் அடங்காமல் துள்ளிக்கொண்டிருக்கும் காரியை தன் ரிவால்வரை எடுத்து இரண்டு முறை சுடுகிறார். காளை அடங்கிச் சாய்கிறது. 

தன் ஊரையும் தன் மகளையும் தன் ஆநிரைகளையும் எதிரிகளிடமிருந்து பாதுகாத்து காப்பாற்றும் திறன் தன் நிலத்து ஆயர் இளைஞனுக்கு இருக்கிறதா என சோதித்தறிய முல்லைத் திணையில் ஆரம்பித்த "ஏறு தழுவுதல்", மிருகங்களுக்கும் மனிதனுக்குமான மோதல் என்பதைத் தாண்டி மனிதனுக்கும் மனிதனுக்குமான கௌரவப் பிரச்னையாக தற்போது வளர்ந்துள்ளது. மேலும் சில குறிப்பிட்ட சாதிக்கானதாகவும் குறுகியிருக்கிறது என்பதும் மறுக்கமுடியாததுதான். ஆதிக்க அடக்குமுறைகளுக்கெதிரான கருத்தியலாகவும் ஏறு தழுவுதலை எடுத்துக்கொள்ளலாம்தான். ஆனால் மனிதர்களைப் பொறுத்தவரையில்தான் அது வீர விளையாட்டு. காளைகளைப் பொறுத்தவரையில் அதெல்லாம் கிடையாது. 

மேலோட்டமாகப் பார்த்தால் மிருகவதையாகத் தோன்றும். பழங்காலந்தொட்டு நெடுங்காலமாகத் தொடரும் முல்லைத் திணையின்; தமிழர்களின் பண்பாட்டு வேர் அறுபடுவதை ஏற்றுக்கொள்ளவே முடியாதுதான். 

"படிப்பும் விடுதலைக்கான அறிவும்" - தோழர் மருதையன்

இன்று அருமையான இந்த சிறு புத்தகத்தைப் படித்தேன். நமது அரசாங்கமும் சமூகமும் நம் இளைஞர்களை எவ்வளவு அடிமைப்புத்தியோடு தயாரிக்கிறது என்பதைப் பற்றி அருமையாகச் சொல்லியிருக்கிறார் தோழர் மருதையன் அவர்கள். 

மக்களைச் சுரண்டும் வெளிநாட்டு உள்நாட்டு முதலாளிகளுக்கு ஏவலாளிகளாகவும், அவர்கள் ஊழலுக்கு ஒத்தாசை புரிபவர்களாகவும், அவர்களை வழக்கிலிருந்து விடுவிக்க பெரும் தொகைக்காக வாதாடுபவர்களும்தான் நம் கல்விக்கூட அறிவுத் தயாரிப்புகளில் பெரும்பான்மை. 

எது உண்மையான படிப்பு? எவ்வாறானது உண்மையான போராட்டம்? எதிரிகளை நாம் எப்படி சமாளிக்கப்போகிறோம்? அறிவு என நாம் கருதிக்கொண்டிருப்பது உண்மையில் அவ்வளவு பலமுடையதா? இப்படியான ஏராளமான கேள்விகளுக்கான விடையை திறக்கிறது இச்சிறு புத்தகம். 

தன் பிள்ளைகளை அடிமைப்புத்தியற்ற அறிவாளிகளாய் வளர்க்க முனையும் பெற்றோர்கள் கண்டிப்பாக படிக்கவும்.

விலை: 20 ரூபாய்.

கிடைக்குமிடம்: கீழைக்காற்று பதிப்பகம், 044-28412367.

"மரண வீடு" - சத்யஜித் ரே

தொடர் மின்வெட்டு காரணமாக கோடையை கல்கத்தாவில் கழிக்க முடியாமல் ஒரிஸ்ஸாவின் பூரிக்கு வருகிறார்கள் ஃபெலூடாவும் அவரது ஒன்றுவிட்ட சகோதரர் தபேஷ் மற்றும் மர்ம நாவல் எழுத்தாளரான லால்மோகன் பாபுவும். பூரி கடற்கரையின் ஓரமாக இருக்கும் நீலாச்சல் என்ற நட்சத்திர விடுதியில் தங்கும் அவர்கள், ஒரு சமயம் கடற்கரைக்கு ஓய்வெடுக்க நடந்து செல்லும்போது தூரத்தில் ஒரு புதர் மறைவில் குண்டடிபட்ட ஒரு பிணம் இருப்பதைப் பார்க்கிறார்கள். காவல்துறை விசாரணையில் அவர் பெயர் ரூப்சந்த் எனவும், நேபாளத்தைச் சேர்ந்த ஓட்டுனர் எனவும் அறியும் அவர்கள் அவரது சட்டைப் பையில் "சர்க்கார், கல்கத்தா" என்ற முகவரி அட்டை ஒன்று இருந்ததையும் காவல்துறையிடமிருந்து தெரிந்துகொள்கிறார்கள். அந்த கடற்கரையில் ஒரு ஊன்றுகோலுடன் கூடிய காலடித்தடத்தையும் காண்கிறார்கள். அந்த சர்க்காரைப் பற்றி விசாரிக்க அவர் கடந்தசில நாட்களாக ஊரில் இல்லை என தகவல் தெரிகிறது.

நெற்றியில் சுண்டுவிரல் வைத்து ஒருவரின் முக்காலத்தையும் துல்லியமாகக் கணிக்கும் "லக்ஷ்மண் பட்டாச்சார்யா" என்ற ஒருவர் அக்கடற்கரைக்கு அருகில் இருக்கும் ஒரு பழைய மாதிரியான மூன்றடுக்கு வீட்டின் நடுத்தளத்தில் இருப்பதாகக் கேள்விப்படும் லால்மோகன்பாபு ஃபெலூடாவிடம் அடிக்கடி அவரைப் பற்றிச் சொல்கிறார். "சாகரிகா" என்று பெயரிடப்பட்ட பழமைவாய்ந்த அந்த வீட்டின் முதலாளி டிஜி சென். இவர் பழைய ஓலைச்சுவடிகளை சேகரித்து பாதுகாத்து வருபவர். மேலும் மலையேறுவதிலும் பனியில் வாழும் விலங்குகளைப் பற்றி அறிவதிலும் ஆர்வலர். 

ஒருசமயம் 'மஜூம்தார்' என்பவர் ஃபெலூடாவிடம் அறிமுகமாகி தான் டிஜி சென்னின் நண்பர் என்றும், டிஜி சென்-ஐப் போன்ற ஆர்வலர்தானென்றும் கூறி, முன்பு நேபாளத்தில் டிஜி சென்னின் அறைக்குள் தெரியாமல் நுழைந்த ஒரு சமயம் ஓலைச்சுவடிகள் பற்றிய ஏதோ ரகசிய நடவடிக்கைகளை தான் கண்டதாகவும் அதனால் தன்னை ஒரு மலையிலிருந்து தள்ளிவிட்டு விபத்து ஏற்படுத்தியதாகவும் அதில் ஞாபக மறதியும் கை கால் முறிவும் தனக்கு ஏற்பட்டதாகவும் சொல்லி தற்போது அவரைக் காண பூரி வந்துள்ளதாகவும் சொல்கிறார். 

அந்தக் கடற்கரையின் காலடித்தடங்கள் மஜூம்தாரினுடையதாக இருக்கலாம் என சந்தேகிக்கிறார் ஃபெலூடா.

டிஜி சென்-ஐ சந்திக்கும் ஃபெலூடா ஓலைச்சுவடி பற்றிய விவரங்களை அறிகிறார். அவரது மகனைப் பற்றி மறைக்கும் சென்-ஐ சந்தேகம் கொள்கிறார். பிறிதொரு சமயம் மஹூம் சென் என்ற அவரது மகனை சந்தித்து டிஜி சென்னுக்கு நடந்த விபத்து பற்றி அறிகிறார். 

ஜோதிடர் லக்ஷ்மண் பட்டாச்சார்யாவை மஜூம்தார் சந்திக்க அவரது கடந்த காலத்தை ஆச்சர்யப்படும்படி சொல்ல ஃபெலூடா உட்பட அனைவரும் வியக்கின்றனர். 

இந்நிலையில் டிஜி சென்னிடமிருந்து ஒரு ஓலைச்சுவடியொன்று காணாமல் போகிறது. அதே நாளிலிருந்து அவரது உதவியாளர் போஸும் தலைமறைவாகி விடுகிறார். போஸ்தான் திருடியிருக்க வேண்டும் என அனைவரும் கருத, கடற்கரைக் அருகிலுள்ள ஒரு பாழடைந்த பங்களா ஒன்றில் கொல்லப்பட்ட நிலையில் போஸ்-ஐ காண்கிறார் ஃபெலூடா. 

இரண்டு கொலைகளுக்கும் தொடர்பிருப்பதாக கருதும் ஃபெலூடா, குற்றவாளிகளை நெருங்கிவிட்டதாகவும் இன்றிரவு பிடித்துவிடுவதாகவும் சொல்லி மற்ற இருவர்களையும் தன்னுடன் தயார்படுத்தி அந்த பாழடைந்த பங்களாவிற்கு மிகவும் எச்சரிக்கையாக இரவில் அழைத்து செல்கிறார். டிஜி சென்னின் மகனும் இதற்கு உதவுகிறார். 

இரவில் அந்த பங்களாவிற்குள் குற்றவாளிகளை ஃபெலூடா பிடித்துவிட, அவரது அழைப்பின்பேரில் ஏற்கெனவே வந்திருந்த போலிசார் அவர்களைக் கைது செய்கிறார்கள். குற்றவாளிகளைக்கண்டு அதிர்ச்சி அடைகிறார்கள் தபேஷும் லால்மோகன் பாபுவும். மஜூம்தாரும், லக்ஷ்மண் பட்டாச்சார்யாவும்தான் அந்தக் குற்றவாளிகள். 

முதலில் கொலையுண்ட ரூப்சந்த் என்ற ஓட்டுனரின் மூலமாக டிஜி சென்னைக் கடத்திகொண்டுபோய் கொன்றுவிட்டு அவரது ஓலைச்சுவடிகளை திருட திட்டமிடுகிறார் சர்க்கார் என்பவர். அதில் தப்பித்துவிடும் டிஜி சென் பூரிக்கு வந்து அமைதியாக ஓலைச்சுவடிகளை சேகரித்து வாழ்கிறார். இதை அறியும் சர்க்கார் இங்கேயும் தொடர்ந்து வந்து விலைமதிப்பில்லாத அந்த ஓலைச்சுவடிகளினால் பெரும் செல்வத்தை ஈட்டி செல்வந்தாராகலாமென்று லக்ஷ்மண் பட்டாச்சார்யாவையும் துணைக்கிழுக்கிறார். பழைய ஓட்டுனர் திரும்பி வந்து மேலும் பணம் கேட்டு மிரட்ட அவரைக் கொன்றுவிடுகிறார் சர்க்கார். பின் தங்களின் திட்டத்துக்கு உதவியாளர் போஸ் உடன்படாமல்போக அவரையும் கொன்றுவிடுகிறார்கள். கடைசியாகக் கைப்பற்றிய ஓலைச்சுவடியை வைத்துக்கொள்ள முடியாமல் கடலில் வீசிவிட்டு தப்பிக்க முனையும்போதே அகப்பட்டுக்கொள்கிறார்கள் இருவரும். 

மஜூம்தார் என்ற டிஜி சென்னின் நண்பர் உண்மையிலேயே விபத்து ஏற்பட்டு மருத்துவ சிகிச்சைக்கு பின்பு இறந்துவிட்டதையும், மஜூம்தார் என அறிமுகமானவர் சர்க்கார்தான் என்ற உண்மையையும் ஃபெலூடா கண்டுபிடிக்கிறார். காணாமல்போன அந்த ஓலைச்சுவடியையும் ஒரு மீனவ சிறுவனிடமிருந்து பெற்று டிஜி சென்னிடமே ஒப்படைக்கிறார். 

மேலும் டிஜி சென்னுக்கு செயற்கைக்கால் பொருத்தப்பட்டிருப்பதையும், அவர் யாருக்கும் தெரியாமல் நடைபயிற்சி செல்வதையும், அந்தக் கோலூன்றிய கடற்கரை காலடித்தடங்கள் மஜூம்தாராக நடித்த சர்க்காருடையது அல்லவென்றும் அது டிஜி சென்னுடையதுதானென்றும் சொல்ல அவர் ஆச்சர்யப்படுகிறார். 

இப்ப என்னாகப்போகுது?

ராஜபக்சே வர்றத எதிர்த்தா இப்ப என்ன ஆகப்போகுது? 

"அந்த நாயை ஏன் எல்லாரும் எதிர்க்கிறாங்கன்னு உலகத்து தெரியனும்."

அதிக பாசம்

"தன் குழந்தைகளில் எதை முட்டாளாக நினைக்கிறார்களோ அக்குழந்தையின் மீதே பெற்றவர்கள் அதிக பாசம் காட்டுகிறார்கள்."

மனசாட்சி என ஒன்று இருந்தால்

இவ்ளோ பேரு எதிர்க்கும்போது ஒரு மானமுள்ளவன் என்ன பண்ணனும்? ஆனா அந்த மானங்கெட்டவன் இதைமீறியும் ஏன் வரான்னா; இவ்ளோ தமிழர்கள் எதிர்க்குறாங்கன்னா சிங்களனுக்கு நான் மட்டும்தான் தலைவனா இருக்க தகுதியுள்ளவன்னு காட்டிக்கத்தான். தன் ஊருக்குள்ள தன் செல்வாக்கை கூட்டிக்கத்தான்.

அவனையெல்லாம் விருந்தாளியா அடிக்கடி கூப்புடுற இவனுங்க என்னதான் ஜென்மங்களோ? இந்த "பாரத் மாதா"வை ரொம்பநாளா தன் கள்ளக்காதலியா வெச்சிட்டிருக்கிற சிங்கள ராஜதந்திரத்தை நாம ரொம்பவே யோசிக்கனும்.

நாளுவந்தா கொடியேத்தி மிட்டாய் கொடுத்து கோசம் போட்டுக்கிட்டு; வடக்குக்காரன் என்ன பண்ணாலும் குனிஞ்சிக்கிட்டே நிக்கிற நம்ம அறிவாளி புள்ளைகள் மனசு மாறனும். 

போராடனும்; இல்லாட்டி போராடுறவனை ஆதரிக்கனும். 

இப்படி ரெண்டும் இல்லாதவங்க மனசாட்சியோட ஒருக்கா "சேனல் 4" போர்க்காட்சிகளை பாருங்க, மனசாட்சின்னு ஒன்னு இருந்தா.

மோடி பதவியேற்பில் ரஜினி

ராஜபக்சே வந்தால் ஒட்டுமொத்த தமிழ்நாட்டுக்காரர்களும் மோடி பதவியேற்பை புறக்கணிக்க வேண்டும். ஈழப்போர் பற்றியே தெரியாத வடநாட்டான்களுக்கு ஏன் தமிழர்கள் புறக்கணித்தார்கள் எனத் தெரியவேண்டும். இது ரஜினியின் தனிப்பட்ட நட்பு என்று விட்டுவிட முடியாது. நீதி கிடைக்காமல் கேட்பாரற்று அனாதையாய் மாண்டவர்கள் நம் உறவுகள். தனிப்பட்ட விருப்பு வெறுப்புகளைப் பார்த்தால் இது நாம் அவர்களுக்கு செய்யும் துரோகம்.

"கேங்டாக்கில் வந்த கஷ்டம்" - சத்யஜித் ரே

இன்று காலை இந்த புத்தகத்தை படித்தேன்.

சிக்கிம் மாநிலத்தின் கேங்டாக் என்ற இடத்திற்கு சுற்றுலா செல்கிறார்கள் ஃபெலூடா என்கிற மித்தரும் தோப்ஷேவும். ஃபெலூடா என்பவர் சத்யஜித் ரேவின் பிரபல துப்பறியும் கதாபாத்திரம். இருவரும் ஒன்றுவிட்ட சகோதரர்கள். சிக்கிமின் விமானநிலையத்திலிருந்து ஒரு டாக்ஸி துணையோடு செல்லத் துவங்குபவர்களுக்கு வழியில் ஆங்காங்கே மலைச்சரிவால் பாதை மோசமாக இருப்பதாகவும், ஓரிரு நாட்களுக்கு முன்புகூட பாறை உருண்டு வந்து விழுந்ததில் ஒரு டாக்சி பயணி (ஷெல்வான்கர்) அகோர விபத்தில் இறந்துபோனதாகவும், பயண வழியில் சந்திக்கும் போஸ் என்பவரால் தகவல் அறிகிறார்கள். அந்த போஸ் என்பவர் தான் பூக்களிலிருந்து வாசனை திரவியம் தயாரிக்கும் ஒரு மும்பாய் கம்பெனியின் பணியாள் என்றும் பின் இறந்துபோனது ஷெல்வான்கர் எனத் தெரியவரும்போது அவர் தன்னுடன்தான் பணிபுரிவதாகவும் சொல்ல, சுற்றுலாவுக்குப் போன இடத்தில் ஷெல்வான்கரின் விபத்தைப் பற்றி துப்பறிய ஆரம்பிக்கிறார் மிஸ்டர் ஃபெலூடா. 

9 தலைகளுடனும் 34 கைகளுடனும் மூன்று அங்குல உயரத்திலுள்ள "யமன்தக்" என்ற திபெத்திய சிலை ஒன்றை அதன் மதிப்பு தெரியாமல் வெறும் 1000 ரூபாய்க்கு ஷெல்வான்கருக்கு விற்றுவிடுகிறார் நிஷிகாந்த் சர்க்கார். விற்றபின்புதான் அதன் விலை அதிகமென அவருக்குத் தெரியவர ஷெல்வான்கரை கண்டுபிடித்து சிலையை திரும்ப வாங்க முயல்கிறார். இந்நிலையில் ஷெல்வான்கர் இறந்துவிட, ஃபெலூடாவுக்கு தன் நோக்கத்தைப்பற்றி சொல்லாமல் திபெத் பௌத்த மடங்கள், லாமா நடனம், சிக்கிம் இடங்கள் என்பன பற்றிய பல தகவல்களுக்காக உதவுகிறார். இருப்பினும் ஷெல்வான்கருக்கு நேர்ந்தது விபத்தல்ல; அதுவொரு கொலைதான் என்றும் அது நடந்த சில நேரங்களில் சம்பவம் நடந்த 'சிக்கிம் வடக்கு நெடுஞ்சாலை' என்ற இடத்திற்கு சர்க்கார் சென்றிருக்கிறார் என்பதையும் மிஸ்டர் ஃபெலூடா அறிந்து கொள்கிறார். சுற்றுலா போனதை மறந்துவிட்டு கொலையை துப்பறிய ஆரம்பிக்கும் ஃபெலூடாவிற்கு, திபெத்தைப் பற்றி சில புத்தக எழுதும் ஆய்வுக்காக வந்ததாக அறிமுகமாகும் புகைப்பட கலைஞரான 'ஹெல்மட் உங்கர்' என்ற ஒரு ஜெர்மானிய ஹிப்பியின் மீதும், ஷெல்வான்கரின் நண்பர் டாக்டர் வைத்யா (ஆவி மீடியம்) என்பவர் மீதும், சர்க்கார் மீதும் சந்தேகம் வலுக்கிறது. இறுதியில் ஷெல்வான்கரை திட்டமிட்டு கொலை செய்தது யார்? என்பதும், எதற்கு? என்பதும் சுவாரஸ்யமாய் துப்பறிகிறார் மிஸ்டர் ஃபெலூடா.

இந்தக்கதையை படித்ததும் ஒருமுறை சிக்கிம் மாநிலத்தையும், அங்கிருக்கும் திபெத்திய பௌத்த மடங்களுக்கும் ஒருமுறை சென்றுவர வேண்டும் என தோன்றியது.

ஒரு துப்பறியும் கதையில் அந்தந்த இடங்களைப் பற்றிய பூகோள தகவல்களையும் சுவாரஸ்யமாய் தெரிந்துகொள்வது என்பது மகிழ்ச்சிதானே. 

மாற்றுக்கருத்துள்ள சகோதரர்களே..!

நான் ஒரு பெரியார் தொண்டன். எது நல்லது எது நல்லதல்ல என்ற ஒரு பார்வைதான் என் அரசியல். தீவிர தமிழ் இன உணர்வு. பெரியார் பேரை சொல்லிக்கொண்டு தமிழனை ஏமாற்றினாலும் எதிர்ப்பேன். இந்த இனம் விழிப்படைவதே எமது ஒரே நோக்கம். தனிப்பட்ட முறையில் எந்த சாதியோ கட்சியோ தலைவர்கள் மீதோ எனக்கு உண்மையில் வெறுப்பில்லை. மாற்று கருத்து கொண்டோருடன் கருத்துக்களாலேயே தான் விமர்சிப்பேனேதவிர யாவரும் நம் சொந்த இனம் என்ற உணர்விருப்பதால் பகை கொள்ளாமல் தோழமை உணர்வையே வளர்ப்பேன். அதனால் என் கருத்துக்களை பகை உணர்வோடு உணர்ந்துகொள்ளாதீர். தவறிருப்பின் சுட்டுங்கள், ஏற்புடையாயின் மாற்றிக்கொள்கிறேன். 

முகநூல் மொட்டைகடுதாசிகள்

பிறரை விமர்சிக்கும் உங்களது சொந்தக் கருத்துக்களை உங்கள் பெயர் மற்றும் சுயவிவரத்தோடு வெளிப்படுத்த தைரியம் இல்லாவிடில் முகநூலை மூடிவிட்டு வேறு வேலையைப் பாருங்கள். 

உங்களது சொந்தக் கருத்துக்களை உங்கள் சாதியின் பெயரிலோ, உங்கள் கட்சி மற்றும் அமைப்புகளின் பெயரிலோ வெளிப்படுத்தாதீர்கள். 

"மொட்டை கடுதாசி"க்கும் உங்களுக்கும் வேறுபாடில்லை. 

பாமக-வின் அரசியல் சாணக்கியம்

அன்று போர் நடந்தபோது கடைசுவரையில் காங்கிரசை விட்டு பிரியாமல் கள்ள மௌனம் சாதித்தது கருணாநிதி மட்டுமல்ல, பாமக-வும்தான்.

இன்று மோடி பட்டாபிஷேகத்திற்கு வருகை தரும் ராஜபக்சேவின் வருகையை எதிர்த்து வெளிப்படையாக அறிக்கை விடும் வைகோ போலன்றி இதிலும் கள்ள மௌனம் சாதிக்கிறார் ராமதாசு.

வைகோ ஒரு தெலுங்கராம். ராமதாசு தமிழ்க்குடிதாங்கியாம்.

இனி வேண்டுமானால் பிஜேபி-காரர்களைவிடவும் ராஜபக்சே வருகையை நியாயம் கற்பித்து பாமக-வினர் இப்படி அறிக்கைவிடுவார்கள் பாருங்கள், "இலங்கையுடன் நட்பு பேணினாலே மாற்றம் சாத்தியம்"

ஐநா சபைக்குச் சென்று தமிழர்களுக்கு ஆதரவாய் அன்புமணி பேசுவதைக் காட்டிலும், பேசவேண்டிய தக்க சமயங்களில் உள்நாட்டிலும் வலுவாய் கருத்துக்களை வெளிப்படுத்தி பேசுவதும்தானே அவசியமானது.

தமிழர்களை அவமதிக்கும் செயலே

இது நமது நாடு. அவர்கள் நம் பிரதிநிதிகள். தமிழர்களுக்காய் மத்திய அரசிடம் மன்றாடவோ பிச்சை கேட்கவேண்டிய அவசியமோ நமக்கில்லை. இந்தியா என்பது வட இந்தியர்களின் சொத்தா? நம் உணர்வுகளை மதிக்கச் சொல்லி கட்டளையிட வேண்டியது நமது உரிமை. 

மோடி பட்டாபிசேகத்திற்கு ராஜபக்சேவை அழைப்பதும் அவனுடன் நட்பு பாராட்டுவதும் தமிழர்களை அவமதிக்கும் செயலே.

இலங்கையுடன் நட்பு வேண்டுமா?

//இலங்கையுடன் நட்பு பாராட்டினால்தான் ஈழத்தமிழர்களுக்கு ஏதாவது நன்மை செய்ய முடியும். இல்லாவிடில் எதுவும் செய்ய முடியாது.//

இத்தனை நாளாய் காங்கிரசுக்காரன் சொன்னதை கொஞ்சம் நமோ தேசபக்தி ஊறுகாயை சேர்த்து இப்போது பிஜேபி-காரர்கள் சொல்லத் தொடங்கியிருக்கிறார்கள். எப்படி தமிழ்நாடு காங்கிரசு எல்லா தமிழ் விரோத நடவடிக்கைகளுக்கும் முந்திக்கொண்டு அறிக்கைவிட்டு வக்காலத்து வாங்கி டெல்லி தலைமையை காப்பாற்றுமோ அப்படியே இப்போது தமிழ்நாட்டு பிஜேபி-காரர்கள் முந்திக்கொள்கிறார்கள். 

"இந்தியாவும் இலங்கையும் எப்போது எதிரி நாடுகளாக இருந்தது? நட்பாய் இருந்துகொண்டு தமிழர்களுக்காய் என்ன கிழித்தது இந்தியா?" 

நட்பு நாடு என்று சொல்லிக்கொண்டுதானே 900 மீனவர்களை சுட்டுக்கொன்றார்கள். நேர் எதிரியான பாகிஸ்தானுக்கு எந்த விதத்தில் இலங்கை குறைந்தது? இலங்கை சிங்களர்களில் எவன் இந்தியாவை நட்பாகப் பார்க்கிறான். அப்போதிலிருந்து இப்போதுவரைக்கும் நட்பு என்று வெளிப்படையாக சொல்லிக்கொண்டு சீனாவுக்கும் பகிஸ்தானுக்கும் சாமரம் வீசி இந்தியாவை தன் அடியாளாய் வைத்துக்கொண்டு காரியம் சாதிப்பதுதானே சிங்களர்களின் ராஜதந்திரம். கார்கில் போரில்கூட பாகிஸ்தான் விமானங்கள் கொழும்பில்தானே எரிபொருள் நிரப்பின. தேசபக்தியைச் சொல்லி ஏமாற்றுவதில் காங்கிரசுக்கு பிஜேபிக்கும் பெரிய வித்யாசமில்லை. 

உள்நாட்டு மக்களின் உணர்வுகளைப் புரிந்துகொள்ளாமல் என்ன ------க்கு வெளிநாட்டுடன் நட்பு பாராட்ட வேண்டும்?

"ஹிந்தியா இலங்கையுடன் எதிரியானால் மட்டுமே தமிழர்களுக்கு நல்லது. பழைய பஞ்சாங்க லாவணியை மூடிவைத்துவிட்டு இதற்கெதிராய் தீவிரமாய் தமிழ் இளைஞர்கள் இயங்கவேண்டும்."

இலங்கைக்கு நண்பனாய் இருக்கிறேன் என உலக நாடுகளின் முன் காட்டிக்கொள்ளாமல் பொத்திக்கொண்டு இருந்தாலே இந்தியாவால் தமிழர்களுக்கு நன்மைதான். அல்லது "விடுதலைப் புலிகளின் மீதான தடை விலக்கம்" என்றாலே போதும் மீதியை தமிழர்களே பார்த்துக்கொள்வார்கள். 

பிஜேபி யாரை மதிக்கும்?

1.5 கோடி சிங்களனுக்கு ஒரு நாடு. முப்படை ராணுவம்.

8 கோடி தமிழனுக்கு ஒரு மாநிலம். காவல்துறையிலும் முக்கால் பங்கு மேலதிகாரிகள் மாற்று மொழிக்காரர்கள்.

பட்டாபிஷேகத்தில் பிசாசு

பக்கத்து நாடு, நட்பு நாடு என்பதால் பதவியேற்பு விழாவிற்கு ராஜபக்சேவை அழைப்பதாக பிஜேபி சமாளிக்கலாம். 

1.5 கோடி சிங்களர்களின் நட்பைவிட 10 கோடி உலகத்தமிழர்களின் நட்பு முக்கியமானது என்பதை பிஜேபி உணர்ந்து முடிவெடுக்க வேண்டும்.

இல்லாவிடில் இனி தமிழ் இளைஞர்கள் உணர்த்த செயல்பட வேண்டும்.

அதிமுக அரசை பாராட்டுவோம்

"பழைய மாமல்லபுரம் சாலை" என்ற பெயரை "ராஜீவ்காந்தி சாலை" என்று பெயர் மாற்றம் செய்தார் தமிழினத்தலைவர் (?) கருணாநிதி.

"சென்னை அரசு பொது மருத்துவமனை" என இருந்ததை "ராஜீவ்காந்தி அரசு பொது மருத்துவமனை" என்று பெயர் மாற்றம் செய்தார் முத்தமிழ் அறிஞர் (?) கருணாநிதி.

அந்த மாபெரும் ஊழல்வாதி ராஜீவ்காந்தி செத்த நாளை "பயங்கரவாத எதிர்ப்பு தினம்" என்பதிலிருந்து விலக்கு அளித்த தமிழக அதிமுக அரசின் இந்தப்போக்கு தமிழர் நலன் சார்ந்த எதிர்கால செயல்பாடுகளுக்கு ஒரு நல்ல தொடக்கமாக அமையவேண்டுமென பாராட்டுவோம். 

முதல் தோல்வி

மோடி தன் தாய்மொழியில் பதவியேற்காமல் "சமஸ்கிருத" மொழியில் பதவியேற்றால் அவரது முதல் தோல்வி அதிலிருந்தே ஆரம்பிக்கிறது.

காப்பியங்களின் இடைச்செருகல்கள்

சிலப்பதிகாரத்தை தொகுத்தவர்கள் எவ்வளவு இடைச்செருகலாக இந்து மதம் சார்ந்த தெய்வங்களைப் பற்றிய செய்யுள்களை நுழைத்தார்கள் என்பதை பலர் ஆராய்ந்து வெளியிட்டுள்ளார்கள். "சிலப்பதிகாரம் பொய்யும் புரட்டும்" என்று புத்தகமாக வெளியிட்டுள்ளார்கள். மேலும் 1526 ல் வந்த பாபர் 1530 ல் இறந்தார். அதற்குப் பிறகு பிறந்த துளசிதாசர்தான் சமஸ்கிருதத்திலிருந்து ராமாயணத்தை ஹிந்தியில் மொழிபெயர்த்தார். அதுவரையில் ராமனொன்றும் இன்றைக்கு மாதிரியான பரபரப்பு வியாபார தெய்வமில்லை. அவர் இந்தளவுக்கு தேசிய நாயகனாய் பிரபலமானதே ஜனசங்கத்தின் அரசியலுக்கு அகப்பட்ட பின்புதான். வால்மீகியினுடையதையும் கம்பர் அப்படியே எழுதவில்லை. நமக்கேற்ப மாற்றம் செய்துள்ளார். சீதையினுக்கும் ராமனுக்குமான முதல் சந்திப்பை விவரிக்கும் கம்பனின் கவியைப் படியுங்கள். விலைமகளுக்கு ஒப்பாய் எழுதியிருப்பார். சீதை 38 வரை திருமணமாகதவள் என்று ஒரு ராமாயணம் சொல்கிறது. அவள் ஒரு அந்தக்கால குப்பைத்தொட்டி குழந்தை. காலம் முழுதும் அவளையொன்றும் கண்ணியமாய் கட்டிக்காக்கவில்லை ராமன். கடைசிக்காலத்திலும் கானகம் அனுப்பினான். அங்குதான் தன் மகன்கள் லவன் குசனைப் பெற்றாள் சீதை. ராமன் ஏகப்பத்தினி விரதனில்லை. ஏகப்பட்ட பத்தினி விரதனாகவே இருந்திருக்கிறான். ஒட்டக்கூத்தருக்கும் கம்பனுக்குமே சில வேறுபாடு. இவை தவிர நிறையபேர் அவரவர் வசதிக்கேற்ப கதை கட்டியிருக்கிறார்கள்.

சிலபல சுவையான கற்பனையுடன் எழுதப்பட்ட கதையைப் பிடித்து தொங்கிக்கொண்டிருப்பது உங்களுக்கு பக்தியாக இருக்கலாம். எனக்கு அது என்றுமே கதைதான்.

காரணம் என்ன?

உலகம் முழுதும் சுமார் 13 கோடிப்பேருக்கும் அதிகமாக இருக்கும் தமிழ் இனம், 2 கோடி மக்கள்கூட இல்லாத சிங்களர்களிடம் தோற்றுக்கொண்டிருப்பதன் காரணம் என்னவாயிருக்கும்?

கடவுள் காப்பாற்றப்படுகிறார்

தற்போதைய 10 வகுப்பு இயல் 1 வாழ்த்துப் பகுதியில் வரும் கேள்வி பதில்

கேள்வி: 

இறைவனை வாழ்த்தும்போது மாணிக்க வாசகர் எந்நிலையில் இருந்தார்?

பதில்:

"இறைவனை வாழ்த்தும்போது மாணிக்க வாசகர் பக்திப் பரவசத்தில் இருந்தார். அவர் உடலில் வியர்வை அரும்பியது; உடல் நடுங்கியது; கைகள் தலைமேல் குவிந்தன. கண்களில் ஆனந்தக் கண்ணீர் வழிந்தது; உள்ளம் வெதும்பியது; போற்றி, சயசய போற்றி என்று வாய், இறைவனின் பெருமையினைக் கூறியது. மாணிக்க வாசகர் இவ்வாறு தம்மை மறந்த நிலையில் இருந்தார்."

# அறிவியல் உணர்வையும் அரசியல் உணர்வையும் வளர்க்க வேண்டிய தமிழ், ஆத்திகத்தை மட்டுமே ஊட்டுவது யாருக்கு லாபம்? "ஆத்திகப் பாடம்" என்ற ஒன்று இருக்கும்போது "நாத்திகப் பாடம்" என்ற ஒன்றும் இருப்பதுதானே நியாயம்? 

"கடவுள் காப்பாற்றப்படுகிறார்"

திருவாளர் திருமுருகன் காந்தி அவர்களுக்கு பெரும் நன்றி

இனப்படுகொலையில் கொல்லப்பட்டவர்களுக்காக விளக்கேற்றி அஞ்சலி செலுத்திய கடற்கரை மக்கள் கூட்டத்தில் சுமார் ஒரு மணிநேரத்திற்கும் மேலாக ஒரு அருமையான சொற்பொழிவை நிகழ்த்தினார் திருமுருகன் காந்தி அவர்கள். அதில் இம்மியளவும் மக்களை வெறுமனே உசுப்பேற்றும் பேச்சில்லை. தனிநபர் நாயகத்தன்மையுமில்லை. தமிழர்களுக்கெதிரான அமெரிக்க அரசியலையும் ஹிந்திய அரசியலையும் தெளிவாக விளக்கினார். இவ்வாறான அமைப்புகளும் போராளிகளும் தமிழ் மண்ணில் பெருக வேண்டும். சாதி மயக்கத்தால் சுரண்டப்படும் தமிழ் இளைஞர் கூட்டம் தமிழின போராட்டத்திற்கு திரள வேண்டும். சாதி மயக்கத்தை ஊட்டி மக்களை தன் சாதிக்காரனின் சுரண்டலுக்கு தயார் செய்யும் அறிவுஜீவிகள் மனம் மாறவேண்டும். அனைத்து தமிழ் அமைப்புகளும் தோழமையுடன் போராட்டங்களை முன்னெடுக்க வேண்டும். 'ஹிந்தியாவின் துணையின்றி ஈழம் சாத்தியமா?' என்று எதற்கெடுத்தாலும் ஹிந்திய மயக்கத்திலிருக்கும் முதுகெலும்பில்லாத குதர்க்கவாதிகள் சொந்த மக்களைப் பற்றி இப்படி அக்கறைப்பட வேண்டும். 

காலம் கனியுமென்றே எண்ணுகிறேன். 

பிரபாகரா, 

நீ மூட்டிய தீ இனி மெல்ல மெல்ல கனன்றெழும் வீரியமாய்..!

உண்மையிலேயே புலிகளை ஆதரிக்கிறீர்களா?

என் மொழிக்கென ஒரு நாடு அமைய வேண்டுமென போராடி உயிர் நீத்த சகோதர சகோதரி போராளிகளுக்கு நான் செய்யும் முதல் மரியாதை என்னவென்றால்...

"எது எப்படியானாலும் என் சாதிக்காரன்தான் ஆளவேண்டும்" என்ற கேவலமான கீழ்த்தரமான எண்ணமின்றி, "எச்சாதியாயினும் சுயசாதிப்பற்றின்றி தீவிர தமிழ் இனப்பற்றுடனும் பல்நோக்கு திறமையுடனும் வீரிய ஆளுமையுடனும் எம் தமிழர்களில் எவர் உளரயினும் அவர் இத்தமிழ் மண்ணை ஆள முழு ஆதரவு தெரிவிப்பேன்" என்பதே. 

சகோதரர்களே..! 

தமிழ்த்தேசியத்திற்கான; ஈழத்திற்கான; விடுதலைப் போராளிகளுக்கான உங்கள் ஆதரவு இப்புள்ளியில் தொடங்கட்டும்.

காலத்தை வீணடிக்கும் இந்து மதம்

நல்ல செயல் செய்யக் கூடாத நாட்கள்....

இராகுகாலம் 1 மாதத்திற்கு 1.30 X 30=45
ஒரு ஆண்டிற்கு 540 மணி

எமகண்டம் 1 மாதத்திற்கு 1.30x30=45
ஒரு ஆண்டிற்கு 540 மணி

அஷ்டமி (மாதத்திற்கு 2 நாள்)
ஒரு ஆண்டிற்கு 48x12=576 மணி

நவமி (மாதத்திற்கு 2 நாள்)
ஒரு ஆண்டிற்கு 48x12=576 மணி

மரணயோகம் 1 மாதத்திற்கு 1.30x30=45
ஒரு ஆண்டிற்கு 540 மணி

கரிநாள் (மாதத்தில் 3 நாட்கள்)
ஒரு ஆண்டிற்கு 864 மணி

பிரதமை (பாட்டிமை மாதம் 2 நாட்கள்)
ஒரு ஆண்டிற்கு 48x12=576 மணி

சூரிய கிரகணம் ஒரு ஆண்டிற்கு
ஒரு நாள் 24 மணி

சந்திரகிரகணம் ஒரு ஆண்டிற்கு
ஒரு நாள் 24 மணி

மதம் சார்ந்த பண்டிகை ஆண்டிற்கு
33 நாட்கள் ஒரு ஆண்டிற்கு 33x24=792 மணி

ஆக, மொத்தம் 5052 மணி
(5052/24 மணி = 210 நாட்கள்)

ஆக ஆண்டிற்கு 365 நாட்களில் 210 நாட்கள் வீண்.

இந்து மத நம்பிக்கை என்ற பேரால் விலை மதிக்கமுடியாத நம் நேரம் வீணடிக்கப்படுகிறது. நம் மூளையில் இடப்பட்ட இந்த விலங்கை உடை. சாதனை படை. 

(இணையத்திலிருந்து)

வரலாறு

கி.பி. 1677

விஜய நகர பேரரசின் கடைசி வாரிசான ஸ்ரீரங்கனுடன் நாயக்கர் ஆட்சி முடிந்தது.

கி.பி. 1682-1689

அரங்க கிருட்டிண முத்துவீரப்பன் பதவிக்கு வந்தார். இவருடைய காலத்தில் கிருத்துவ துறவி ஜான்-டி-பிருட்டோ மதுரை பகுதியில் சமயத் தொண்டாற்றினார்.

கி.பி. 1688-1706

இராணி மங்கம்மாவின் காலம். உய்யக்கொண்டான் வாய்க்காலை செப்பனிடச் செய்தார். குளம் வெட்டி வளம் பெருக்கிட சாலைகளும் சோலைகளும், அன்னச்சாவடிகள், சத்திரங்கள், தண்ணீர்ப்பந்தல்கள் அமைத்தார். சமய சார்பற்ற குடிநலம் பேணினார். மதுரை பொற்றாமரைக் குளத்தின் அருகில் கல்யாண மண்டபத்தில் நினைவுச் சின்னமாக அவருடைய உருவம் ஓவியமாக உள்ளது. 'மங்கம்மாள் மலைமேற் சோலை' எனப் பாராட்டப் பட்டுள்ளது.

கி.பி. 1700

உலக மக்கட்தொகை 610 மில்லியன். தற்போதைய இந்திய மக்கட் தொகை 165 மில்லியன்.

கி.பி. 1705-1742

தமிழ் சைவ சித்தாந்தியும் கவியுமான தாயுமானவர் திருச்சிராப்பள்ளியில் வாழ்ந்த காலம். தாயுமானவர் பாடல்கள் பக்தி மார்க்கம் வழியானவை.

கி.பி. 1706

மங்கம்மாவின் பேரன் விஜயரங்க சொக்கநாதன் காலம். தொடர்ந்து விஜயரங்கனின் மனைவி மீனாட்சி ஆட்சி செய்தார். சந்தாசாகிப் மீனாட்சியை சிறைப்படுத்தினர். கி.பி 1786-ல் திருச்சியைக் கைப்பற்றினார். நாயக்கர் ஆட்சிக்கு முடிவு.

கி.பி. 1712

மருத பாண்டியன் சாதாரண நிலையிலும் தோன்றி திறமையாலும் தொண்டாலும் சிவகங்கையின் நிகரற்ற தலைவனாகத் தோன்றினார் மருது பாண்டியன். அரசியல் முன்னோக்குப் பார்வையும், செயல்வன்மையும், பெற்று சிவகங்கையின் ஒப்பற்ற தலைவன் ஆனார். 1712 ல் ஆங்கிலேயருக்கு எதிராக மக்களின் இயக்கம் ஒன்றை உருவாக்கிப் புரட்சி செய்து ஆங்கிலேயர் பிடிக்கவிருந்த சிவகங்கையை மீட்டார். அதைப் பழைய அரச குடும்பத்திடம் ஒப்படைத்தார்.

இராமநாதபுரத்து மேலப்பனும், சிங்கம் செட்டியும், முத்துக் கருப்பனும், தஞ்சை ஞானமுத்துவும் மருது பாண்டியனின் தலைமையை ஏற்றனர், திருநெல்வேலியில் உள்ள பாளையக்காரர்களின் பக்க வலிமையையும் சேர்த்துக்கொண்டு புரட்சிக்காரர்களின் கூட்டிணைப்பு ஒன்றினை உருவாக்கினார், வரிகொடா இயக்கம் இராமநாதபுரத்தில் துவங்கியது. மேலப்பன் தீவிரவாதியாக மாறினார். சிறைக்கு சென்று பின்னர் தப்பித்தார். இராமநாதபுரத்தில் வரிகொடா இயக்கத்தை துவங்கினார்.

கி.பி.1751

ஆங்கிலேய 26 வயது தளபதி இராபர்ட் கிளைவ் ஆற்காடு நகரை பிரெஞ்ச் அரசிடமிருந்து கைப்பற்றினாரர்.

கி.பி.1760 ஏப்பிரல் 4

பாண்டிசேரியும், காஞ்சிபுரம், நீங்கலாக எல்லாக் கோட்டைகளையும் ஆங்கிலேயர்கள் கைப்பற்றிக் கொண்டனர்

கி.பி.1761

புதுச்சேரியையும், செஞ்சியையும், மேற்கு கரையிலுள்ள மாகியையும் ஆங்கிலேயருக்குக் கொடுத்து விட்டு பிரெஞ்சுக்காரர்கள் சரணடைந்தனர். 18-ஆம் நூற்றாண்டின் பிற்பகுதியில் பாளையக்காரர்களைப் பணிய வைக்கும் தீவிர நடவடிக்கைகள் எடுக்கப்பட்டன.

கி.பி.1761

திருநெல்வேலியின் மேற்பகுதியில் நேர்க்காட்டும் சேவல் பாளையத்தை ஆண்ட புலித்தேவன் ஆங்கிலேயர்களுக்கு கடுமையான எதிர்ப்பைக் கொடுத்தான். பாளையக்காரர்களின் புரட்சிப்புயலை எழுப்பினான். 1761-ல் தோற்கடிக்கப்பட்டான்.

கி.பி.1761

சகவீர பாண்டியன் மகன் வீரப்பாண்டிய கட்டபொம்மன் முப்பதாவது வயதில் ஆட்சிப் பொறுப்பில் அமர்ந்தார். மருது பாண்டியர்களுடன் நல்லுறவில் இருந்தார்.

கி.பி.1795-1799

பல பாளையங்களை ஆங்கிலேயர்கள் நசுக்கினர்.

கி.பி.1799

திப்பு சுல்தான் ஆங்கிலேயர்களால் தோற்கடிக்கப்பட்டார். திப்பு சுல்தானின் தலைநகரம் ஸ்ரீரங்கப்பட்டிணம் முற்றிலுமாக அழிக்கப்பட்டது.

கி.பி.1799

செப்டம்பர் 5ம் தேதி கட்டபொம்மன் மேஜர் பார்னனுக்கு சரணடைய மறுத்தமையால் ஆங்கிலேயருடன் போர் நடந்தது. முதல் முயற்சியில் ஆங்கிலப்படை தோற்றது. மீண்டும் கோலார்பட்டி என்னுமிடத்தில் நடைப்பெற்ற போரில் வீரபாண்டிய கட்டபொம்மன் தோற்கடிக்கப்பட்டான். புதுக்கோட்டை காட்டில் மறைந்திருந்தான். காலப்பூர் என்ற காட்டிலிருந்த கட்டபொம்மனைப் புதுகோட்டை அரசன் விஜயரகுநாதத் தொண்டைமான் கைது செய்து ஒப்படைத்தான்.

கி.பி.1799

அக்டோபர் 16 - ஆம் தேதி கயத்தாற்றில் வீரபாண்டியன் தூக்கிலிடப்பட்டான். கடைசி நிமிடத்திலும் வீரத்தைக் காட்டி, இன உயர்வை நிலைநாட்டி விடுதலை உணர்ச்சியை வெளிப்படுத்தினான். பானர்மன் எழுதிய அறிக்கையில் "வீரபாண்டியக் கட்டபொம்மன் பகைவரும் போற்றும் பண்பிலும் வீரத்திலும் சிறந்திருந்தார். என எழுதப்பட்டிருக்கிறது.

கி.பி.1799

புரட்சிக்காரர்கள் காவல் நிலையங்களைத் தாக்கி ஆயுதங்களைப் பெற்றனர். பண்டாரகங்களைச் சூறையாடிப் பட்டினியால் தவித்த மக்களுக்கு உணவு அளித்தனர். பாலமனோரியில் நடைப்பெற்ற போரில் சிங்கம் செட்டி கொல்லப்பட்டான்.

கோபாலநாயக்கர்:
திப்பு சுல்தான் படைத் துணையுடன் கோபாலநாயக்கர் கண்காணிப்பில் புரட்சிக்காரர்கள் ஆங்கில முகாம்களில் பாய்ந்து ஆயுதங்களையும் சேமிப்பு பண்டங்களையும் பறித்தனர். விருப்பாட்சி பாளையக்காரராக விளங்கியவர் கோபால நாயக்கர். மருதபாண்டியருடனும் அண்டை தேசத்து துண்டாசியுடனும் தொடர்பு கொண்டு ஒரு விரிவான கூட்டமைப்புடன் தென்னக கூட்டினை உருவாக்கினார். மருதபாண்டியன் தலைமையில் இராமநாதபுரம் சீமையானது. கோபால நாயக்கர் தலைமையில் திண்டுக்கல்லும் கூட்டிணைவுகளுடன் சேர்ந்து வலுப்பெற்றன. கன்னட தேசத்தில் தூண்டாசியும் கிருட்டிணப்ப நாயக்கரும், மலபாரில் கேரளவர்மனும் புரட்சித்தலைவர்களாக உருவாகி கூட்டிணைப்பு மூலம் ஆங்கிலேயரை எதிர்த்தனர். கோயம்புத்தூரிலும் சேலத்திலும் தேபக்தர்கள் இயங்கினர். ஈரோட்டு மூதார் சின்னனும், கானி சாகனும் தலைவர்களாகத் திகழ்ந்தார்கள்.

கி.பி.1800

இந்திய மக்கட் தொகை 200 மில்லியன்

கி.பி.1800 - 1801

தென்னிந்திய விடுதலைப்புரட்சி (முதல் விடுதலை போராட்டம்) உருவானது. மன்னர்கள் செயலிழந்தனர். பாளையக்காரர்கள் மக்களின் நலன்களைப் பேணி உரிமைகளைக் காத்து நின்றனர். கோட்டைகளையும் படைபலத்தையும் கொண்டு மக்கள் தொடர்பையும் நன்மதிப்பையும் பெற்றிருந்தனர். அயலார் ஆதிக்கத்தை ஏற்கவில்லை. திராவிட பண்பாட்டு நிறுவனங்களும், ஆங்கிலேய பண்பாட்டு நிறுவனங்களும் மோதின.

கி.பி.1800 - 1801

தமிழகத்தில் நடைப்பெற்ற முதல் விடுதலை போராட்டம், மருதபாண்டியனின் ஸ்ரீரங்கம் அறிக்கை, இந்திய விடுதலை இயக்கவரலாற்றின் துவக்க விழாவாகவும் எல்லைக் கல்லாகவும் அமைந்தது.

கி.பி.1801

மே22, பாஞ்சாலங்குறிச்சியில் போர், மழை, இடி, புயல், ஏற்பட்டது. பாஞ்சாலங்குறிச்சி வீழ்ந்தது. ஊமைத்துரை காயங்களுடன் கமுதியை அடைந்தபோது மருத பாண்டியன் வரவேற்பு அளித்தான்.

கி.பி.1801

அக்டோபர் 24 ஆம் நாள் வெள்ளை மருது, சின்ன மருது, செவத்தம்பி, முத்துக்கருப்பன் என பலரும் திருப்பத்தூரில் ஆங்கிலேயர்களால் தூக்கிலிடப்பட்டனர்.

கி.பி. 1801

நவம்பர் மாதம் 16ஆம் நாள் ஊமைத்துரை பாஞ்சாலங்குறிச்சியில் கொல்லப்பட்டார் .

கி.பி. 1802-1857

சென்னை (தற்போதைய தென் இந்தியா) மாநிலத்தை ஆங்கில கிழக்கிந்தியக் கம்பெனி ஆட்சி செய்தது.

கி.பி. 1804

இராமசாமி என்ற தாசன் தலைமையில் கோயம்புத்தூரில் ஒரு விடுதலை இயக்கம் தொடங்கப்பட்டது.

கி.பி. 1806

சூலை 10 ஆம் நாள் வேலூரில் சிப்பாய்க்கலகம்.

கி.பி. 1812

நெப்பொலியன் உருசிய போரில் மிகுந்த சேதத்துடன் திரும்பினான். 500,000 போராளிகளில் 20,000 போராளிகளே உயிருடன் திரும்பினர்.

கி.பி. 1814

முதல் புகை வண்டி விடப்பட்டது.

கி.பி. 1820

அமெரிக்காவை முதல் புலம் பெயர்ந்த இந்தியர் அடைந்தார்.

கி.பி. 1822-1892

யாழ்ப்பாணத் தமிழறிஞர் ஆறுமுக நாவலர் காலம். வேதங்களுடனும், ஆகமங்களுடனும் ஒத்து நோக்க தமிழில் பைபிளை மொழி பெயர்த்தார்.

கி.பி. 1823-1874

இராமலிங்க வள்ளலார் காலம். வடலூர் சத்திய சன்மார்க்க சபை அமைத்தவர். போலிக் கடவுட் தன்மையினை சாடியவர். மனித நேயத்தின் அவசியத்தை வலியுறுத்தியவர்.

கி.பி. 1825

அதிக அளவு தமிழர்கள் ரியூனின், மொரிசியஸ் தீவுகளுக்கு வெள்ளையர்களால் அனுப்பப்பட்டனர்.

கி.பி. 1835

19,000 தமிழர்களும் மற்றவர்களும் மொரிசியஸ் தீவுகளுக்கு வெள்ளையர்களால் அனுப்பப்பட்டனர்.

கி.பி. 1841

தென்னாற்காடு மாவட்டத்தில் ஆங்கிலேயர்களுக்கு எதிராக விவசாயிகள் கொதித்தெழுந்தனர்.

கி.பி. 1852

சென்னை தன்னுரிமை நலக்கழகம் தொடங்கப்பட்டது.
மெக்ஸிக்கோவைச் சேர்ந்த அத்ஸேக் இந்தியன்.
(மங்கோலிய வகைப் பெரிய இனத்தின் அமெரிக்க கிளை).

கி.பி. 1856

கத்தோலிக்க பாதிரியர் கால்டுவெல்டு "திராவிடர்" என்ற சொல் தென்னிந்தியரைக் குறிப்பதாகும் எனக் குறிப்பிட்டார்.

கி.பி. 1857

இந்தியச் சிப்பாய் கலகம்.

கி.பி. 1860

தமிழ் மக்களும், வங்காள மக்களும் இந்திய, ஆப்பிரிக்க ஆங்கிலேயரிடையே ஏற்பட்ட 51 வருட உடன்படிக்கையால் தோட்டத் தொழில் செய்ய ஆப்பிரிக்கா அனுப்பப்பட்டனர்.

கி.பி. 1869-1948

நாட்டின் தந்தை எனப்படும் மகாத்துமா காந்தியின் காலம். கத்தியின்றி இரத்தம் இன்றி சாத்வீக வழியில் இந்திய ஆளுரிமையைப் பெற்றுத் தந்தவர்.

கி.பி. 1875

சீமாட்டி பிளாவிட்சுகி சென்னை அடையாற்றில் கடவுணர்வு சங்கம் அமைத்தார். அன்னிபெசன்ட் அம்மையார் இந்த அமைப்பில் 1907-1933ல் தலைமைப் பொறுப்பை ஏற்றிருந்தார்.

கி.பி. 1876

கிரகம் பெல் தொலைபேசி கண்டுபிடித்தார்.

கி.பி. 1877

ஈழ நாட்டின் ஆனந்த குமாரசாமி காலம். தமிழக ஓவியக் கலைகளை மேற்கத்திய நாடுகளுக்கு அறிமுகப்படுத்தியவர்.

கி.பி. 1879

தாமசு ஆல்வா எடிசன் (1847-1931) மின் விளக்கு கண்டுபிடித்தார்.

கி.பி. 1879-1950

இரமண மகரிசி காலம். திருவண்ணாமலை முனி எனப்பட்டவர்.

கி.பி. 1885

இந்திய காங்கிரஸ் அமைக்கப்பட்டது.

கி.பி. 1885

விசையுந்து வண்டி கார்ல் பென்ஸ் என்ற ஜெர்மனியரால் செய்யப்பட்டது.

கி.பி. 1887-1920

இராமானுஜம்; உலகப் புகழ் கணித மேதை. ஈரோடு தமிழ் நாட்டில் பிறந்தவர்.

கி.பி. 1888-1952

சி.பி. இராதாகிருட்டிணன் காலம். இந்திய இரண்டாம் குடியரசுத் தலைவர்.

கி.பி. 1888-1970

சி.வி. இராமன்; ஆராய்ச்சியாளர். முதலாவதாக நோபல் பரிசு பெற்ற தமிழர்.

கி.பி. 1894

இந்தியர்களை வெளிநாடுகளுக்குக் கட்டாய வேலைக்காக அனுப்புவது நிறுத்த மகாத்மா செய்த மனு வெற்றியானது

கி.பி. 1893-1974

அறிவியல் அறிஞர் ஜி.டி நாயுடு காலம். தமிழ் நாட்டின் தொழில் நிறுவனர் ஆராய்ச்சியாளர்.

கி.பி. 1894-1977

தமிழீழத் தந்தை செல்வா காலம். வாழும் தமிழர் எங்கும் தன்னுரிமையுடன் இருக்க வேண்டும் என்று தன்னலமற்ற உழைப்பை நல்கியவர்.

கி.பி. 1897

சுவாமி விவேகானந்தா இராமகிருட்டிண மடத்தை நிறுவினார்.

கி.பி. 1898-1907

காலராவில் 370,000 மக்கள் உயிரிழ்ந்தனர். இருபதால் நூற்றாண்டில் தமிழ்நாடு. சென்னை மாநிலம் குமரிமுனை முதல் ஒரிசாவரையிலும், மலபார்கன்னடப்பகுதிகள், ஆந்திரதேசமும் இணைந்து விளங்கியது. இருபதாம் நூற்றாண்டு பிரச்சினைகளுடன் அடியேடுத்து வைத்தது. இருபதாம் நூற்றாண்டின் தொடக்கத்தில் மக்களிடையே பண்பாட்டுணர்வும், பண்பாட்டு முனைப்பும் மேலோங்கி இருந்தன. பாரதியாரின் புரட்சிக்குரலும், வ.உ.சிதம்பரனார் இயக்கங்களும் மக்களை இழுத்தன. உரிமைக்குரல் கொடுக்க இனவாரி அமைப்புகள் தோன்றின.

கி.பி. 1900

செப்டெம்பர் 10 ஆம் நாள் தஞ்சை, மன்னார்குடி, மயிலாடுதுறை இணைத்து தஞ்சை மாவட்டம் ஆக்கப்பட்டது.

1902-1981

மொழிஞாயிறு ஞா.தேவநேயப்பாவாணர் காலம். அவர் எழுதிய தமிழ் ஆராய்ச்சி நூல்கள் பல.

1905-1912

தமிழகத்தில் வ.உ.சிதம்பரனார் தலைமையிலும் 1913 முதல் 1919 வரை பல தலைவர்கள் தலைமையிலும் விடுதலை இயக்கம் புரட்சிப்பாதையில் முன்னேறியது.

1905

பாரதியார் பொது மேடைகள் வழியாகவும் மையூற்றி முனை மூலமாகவும் தேசிய உணர்ச்சியைத் தூண்டினார்.

1908

தூத்துக்குடியில் அயலார் கப்பல் ஆதிக்கத்தை வ.உ.சிதம்பரனார் தலைமையில் எதிர்த்தனர்.

1908-1957

என்.எஸ்.கிருட்டிணன் காலம். வெள்ளித்திரை மூலமும் பாமரமக்களுக்கு பகுத்தறிவு படைக்கமுடியும் என்ற அப்பட்டமான உண்மையைப் புலப்படுத்தியவர். தற்கால நகைச்சுவைக்கு இலக்கணம் படைத்தவர்.

1910

வ.வே.சு.ஐயர் நாடு விடுதலை வேண்டி. தியாகப்பலிக்கு தயாராகுங்கள். 'பாரத மாதா அழைக்கின்றாள்' '1857 திரும்புகிறது' ஆகிய புத்தகங்கள் வெளியிட்டார். உருசியாவுக்குச் சென்று வெடிகுண்டு தயாரிப்பதை கற்றுவந்தார். சிறந்த தமிழறிஞர். கம்பனுக்கும் வள்ளுவருக்கும் உரை கண்டவர்.

1910-1998

சந்திர சேகர்; ஆரயிச்சியாளர். நோபல் பரிசு பெற்ற இரண்டாம் தமிழர்.

1911

சூன் 17 ஆம் நாள் மணியாச்சி புகைவண்டி நிலையத்தில் வாஞ்சிநாதன் ஆசுதுரையை துப்பாக்கியால் சுட்டுக் கொன்று விட்டு தன்னுயிரையும் போக்கிக் கொண்டார்.

1912

திராவிடர் அமைப்பு தோன்றியது. 1916 டிசம்பரில் தென்னிந்தியர் நல உரிமைக்கழகம் தோன்றியது. பின் நீதிக் கட்சி என்ற பெயருடன் இயங்கியது. வைதீகர் ஆதிக்கத்தாலும், சாதிக்கொடுமையாலும் புண்பட்டிருந்த மக்களிடத்தில் தனித்தமிழ்ப் பற்று ஏற்பட்டது.

1912-1974

மு.வரதராசனார் தமிழக வரலாற்றிலும், தமிழ் இலக்கிய வரலாற்றிலும் இவருக்குத் தனியிடம் உண்டு. சென்னைப் பல்கலைக்கழகத்தில் தமிழில் முதன் முதலாக பேரறிஞர் (டாக்டர்) பட்டம் பெற்றவர். 85 நூல்கள் எழுதியுள்ளார்.

1916

அன்னிபெசன்ட் அம்மையார் தன்னாட்சி இயக்கத்தைத் தொடங்கினார்.

1917

உருசியாவில் லெனின் தலைமையில் செஞ்சட்டையினர் ஆட்சி அமைத்தனர்.

1918

திரு.வி.கலியாணசுந்தரனார், கேசவபிள்ளை, வாடியா முதலியோர் சென்னையில் முதல் தொழிலாளர் சங்கத்தைத் தொடங்கினர்.

டாக்டர் டி.எம்.நாயர், தியாகராக செட்டியார், கேசவப்பிள்ளை, நடே முதலியார் போன்றோர் சாமானியர் உரிமைகளுக்காகவும், வைதீகர்களின் ஆதிக்கத்துக்கு எதிராகவும் இயக்கங்களில் ஈடுபட்டனர்.

1918

முதல் உலகப் போர் முற்றுப் பெற்றது.

1920

தன்னாட்சி கட்சி (Home Rule League) தோற்றுவிக்கப்பட்டது. சுப்புராயுலு தலைமையில் அமைச்சரவை பதவி ஏற்றது. வில்லிங்டன் சென்னை ஆளுநர்.

1921

தேவதாசியர் என்ற பெண்ணடிமை சட்ட பூர்வமாக நீக்கப்பட்டது. பெண்கள் ஓட்டுரிமை பெற்றனர்.

1922-1988

அகிலன் பிறந்தது பெங்களூர், புதுக்கோட்டை மாவட்டம். 1938லிருந்து 40 ஆண்டுகளாக தொடர்ந்து சிறு கதைகள், நாவல்கள், கட்டுரைகள் எழுதியவர். அவருடைய 'பெண்' என்ற நாவல் கலைமகள் நடத்திய நாவல் போட்டியில் அதன் முதல் ஆண்டிலேயே முதற் பரிசை பெற்றது. அதைத் தொடர்ந்து அவருடைய நாவல் படைப்புகள் ஞானப்பீடப் பரிசு, சாகித்திய அகதமிப் பரிசு, நேரு பரிசு, போன்ற ஏராளமான பரிசுகளைப் பெற்றன. அவருடைய படைப்புகள் வார்த்தைகளால் கட்டப்பட்ட கலை வடிவங்கள்.