நிவாரணங்கள் எதற்கு?

விசாகப்பட்டினம் ரசாயன ஆலையில் விஷ வாயு கசிவு. 3 கிமீ தூரத்திற்கு பரவியது. சாலைகளில் வீடுகளில் ஆங்காங்கே 5000 பேர் மயக்கம். இதுவரையில் 8 பேர் மற்றும் கால்நடைகளும் பலி. இந்த விஷவாயு கசிவினால் உயிர் இழந்தவர்களுக்கு ரூபாய் 1 கோடி நிவாரணம் என்றும், மருத்துவமனையில் சிகிச்சை பெறுபவர்களுக்கு ரூபாய் 1 இலட்சம் நிவாரணம் என்றும் அறிவித்துள்ளார் முதல்வர் ஜெகன் மோகன். பாதிக்கப்பட்டு உயிர் பிழைத்தவர்கள் இந்த நிவாரணத் தொகைகள் பற்றி என்ன நினைப்பார்கள்? நிவாரணங்கள் எதற்காக கொடுக்கப்படுகிறது? அரசின் தவறுகளை மூடி மறைக்கவும், மக்கள் அதை மேலும் கிளறாமல் மறக்கவும், அனைத்து மக்களின் கோபத்தை திசை திருப்பவும் இவைகள் ஆளும் தரப்பிற்கு உதவி செய்கிறது. எந்த பாதிப்புக்குப் பின்னரேனும் நடந்த தவறுகள் அல்லது குற்றங்கள் மீது அரசு ஏதேனும் கடுமையான நடவடிக்கைகள் எடுத்த வரலாறு இருக்கிறதா? 

மக்கள் வசிக்கும் பகுதிகளுக்கு அருகாமையில் இப்படியான இரசாயன ஆலைகள் இருக்கக்கூடாது என்று நிவாரணம் பெற்ற பின்னர் உயிரிழந்தவர்களின் குடும்பத்தினர் இனி போராட வாய்ப்புண்டா?

07.05.2020