சிட்சோர் - உள்ளம் கவர்ந்த கள்வன்

ஒரு மொழியில் வெளியான படம், இன்னொரு மொழியில் எடுக்கப்பட்டு வெற்றி பெற்றுவிட்டால் எந்த விமர்சனமும் எழாது. ஆனால் தோல்வியைத் தழுவினால் பொதுவாக இரண்டுவிதமான விமர்சனம் எழும்.

திரைக்கதையை மாற்றம் செய்யாமல் அப்படியே எடுத்திருந்தால், "நமக்கு ஏற்றபடி மாற்றி எடுத்திருக்க வேண்டும்" என்பது ஒன்று. அப்படி திரைக்கதையை மாற்றம் செய்து எடுத்திருந்தால், "அதை அப்படியே எடுத்திருக்க வேண்டும். மாற்றுகிறேன் என்று கெடுத்திருக்கக்கூடாது" என்பது இன்னொன்று.

வங்க எழுத்தாளரும் ஊடகவியலாளருமான சுபோத் கோஷ் நாவல் (கதை), பாசு சட்டர்ஜியின் திரைக்கதை வசனம் இயக்கத்தில் 1976 ம் ஆண்டு ஹிந்தியில் "சிட்சோர்" என்ற திரைப்படம் வெளியானது. இதன் கதையை மட்டும் தழுவி திரைக்கதையை முற்றிலும் மாற்றம் செய்து தமிழில் பஞ்சு அருணாசலம் திரைக்கதை வசனத்தில் ஒளிப்பதிவாளர் அசோக்குமார் இயக்கத்தில் 1987 ம் ஆண்டு "உள்ளம் கவர்ந்த கள்வன்" என்ற திரைப்படம் வெளியானது.

இரண்டு படங்களையும் அடுத்தடுத்து பார்த்தேன். இரண்டாவது விமர்சனமே தோன்றியது.

07.05.2020