சகோதரி தாணு

இராஜீவ்காந்தி என்பவர் மற்ற சாதாரண அரசியல்வாதிகளைப் போன்ற ஒருவர்தான். ஆஹா ஓஹோ என உருவகம் கொடுத்து தன் பொய் எழுத்துகளால் அவருக்கு யாரெல்லாம் இன்றைக்கு கோட்டை கட்டியிருக்கிறார்கள் என்பதை நன்றாகக் கவனியுங்கள். இவர்களால் தமிழருக்கும் தமிழுக்கும் புல் அளவிற்கும் பயனிருக்கப்போவதில்லை. இவர்கள் தமிழ் மண்ணிற்கு பாரம்தான். போபர்ஸ் ஊழல், போபால் விஷ வாயு கசிவு குற்றவாளியை தனி விமானத்தில் தப்பிக்க வைத்தது என்ற மாபெரும் மக்கள் பணிக்கு உரிய மாமனிதரும் இதே இராஜீவ்தான் என்பது இந்தப் பொய்யர்களுக்கு தெரியாமலா இருக்கும்?

இராஜீவ் காந்தி கொலையைக் காரணம் காட்டி தமிழர் மீதான வெறுப்பில் யோக்கியக் கூச்சலிடும் சிலர் மறந்தும்கூட இதே இராஜீவை தன் துப்பாக்கி மட்டையால் தாக்கிய சிங்கள இராணுவ நபரைப் பற்றி கிஞ்சித்தும் கவலைப்படுவதோ சாடுவதோ இல்லை. இவர்களுக்கு தமிழர்கள் மேல் தன் வெறுப்பை சொறிந்துகொள்ள தேவைப்படும் காரணங்களில் இராஜீவ் மரணமும் ஒன்று, அவ்வளவுதான்.

கரு.நாகராஜன் என்ற ஒரு சங்கி ஜோதிமணியை தவறாகப் பேசிவிட்டார் என்று சகலரும் கொந்தளிக்கிறார்கள். இந்த கோபம் நியாயமானது. ஜோதிமணி என்ற பெண்மணிக்காக பொங்கும் இவர்களது அறம், உரிமை மறுக்கப்பட்டும் வன்புணர்வு செய்யப்பட்டும் கேட்பாரின்றி அழிக்கப்பட்ட ஆயிரக்கணக்கான பெண்களின்; மக்களின் விடுதலை கோரும் நியாயத்தை புரியாத மாதிரி ஏன் நடிக்கிறது? 27 ஆண்டுகளாக சிறையில் இருக்கும் அப்பாவி நளினியின் உணர்வு ஜோதிமணிக்காவது புரிந்திருக்கிறதா?

ஜோதிமணி போன்றவர்களுக்கு இராஜீவ் கொலை விசாரணையில் நடந்த மோசடிகள் தெரியாதா? சுப்பிரமணிய சாமிக்கு இருந்த தொடர்பு தெரியாதா? நீதியைவிட எல்லாம் தெரிந்தும் கட்சிக்காக மவுனம் காப்பதுதான் அறிவுடைமையா?

இசைப்பிரியாவை; எண்ணற்ற தமிழ்ப் பெண்களை சகலவிதத்திலும் தாக்கிய சிங்கள இராணுவக் கொடூரத்தை கண்டித்து காங்கிரஸ் கட்சியின் போக்கை மாற்றத் துணிய போதிய அறவுணர்வு எழவில்லையா?

கட்சிக்காக என ஒரு மக்களின் விடுதலைப் போராட்டத்தை புரிந்துகொள்ள முடியாமல்; ஆதரிக்காமல் தொடர்ந்து செக்குமாடாய் தமிழர் விடுதலையை எதிர்க்கும் கட்சியில் இருக்கும் ஜோதிமணிகளுக்கும் கரு.நாகராஜன்களுக்கும் என்ன பெரிய வேறுபாடு இருக்கிறது இதைப்பொருத்தவரையில்?

அறம் உள்ளோர் சகோதரி தாணுவின் தியாகத்தை மதிப்போம்.

21.05.2020