கற்க கல்வி அறக்கட்டளை - 2019 உதவிகள்

தோழமைகளுக்கு வணக்கம்...!

"கற்க கல்வி அறக்கட்டளை" சார்பாக கடந்த 7 ஆண்டுகளாக அரசு பள்ளிகளில் தமிழ் வழியில் பயிலும் அனைத்து மாணவர்களுக்கும் மற்றும் பெரியாரிய; தமிழ்த் தேசிய மற்றும் முற்போக்கு இயக்கங்களைச் சேர்ந்த தோழர்களின் குழந்தைகளுக்கும், தமிழீழ அகதிகள் முகாமில் பயிலும் மாணவர்களுக்கும் தொடர்ச்சியாக கல்வி உதவி வழங்கி வருகிறோம்.

15-08-219 அன்று "கற்க கல்வி அறக்கட்டளை"யின் சார்பில் வேலூர் மாவட்டம் கனியம்பாடி அருகிலுள்ள குரும்பபாளையம் கிராமத்தில் இயற்கை எழில் சூழ்ந்த பகுதியில் பேராசிரியர் இராமு மணிவண்ணன் அவர்கள் நிறுவி நடத்திவரும் "அமைதி பூங்கா" (Garden of Peace) பள்ளியில் பயிலும் 140 மாணவ மாணவியர்களுக்கும் எமது கற்க கல்வி அறக்கட்டளையின் சார்பாக, செயலாளர் கரு.அண்ணாமலை அவர்களின் தலைமையில்; அறக்கட்டளையின் நிறுவனர் குமணன் அவர்களின் முன்னிலையில் அனைவருக்கும் கல்வி உதவி வழங்கப்பட்டது. இந்நிகழ்வில் அறக்கட்டளையின் துணைத் தலைவர் விநாயகமூர்த்தி, அறக்கட்டளையின் பொருளாளர் விருகை செல்வம் மற்றும் அறக்கட்டளையின் செயற்குழு உறுப்பினர்கள் சு. துரைராசு, ம. மூவேந்தன், தங்கராஜ் மற்றும் திராவிடர் விடுதலைக் கழக தலைமை செயற்குழு உறுப்பினர் விழுப்புரம் அய்யனார், மற்றும் சென்னை பல்கலைக்கழக மாணவர்கள் சத்தியலட்சுமி, கார்த்தி, அன்பழகன், சதீஷ், சந்தோஷ் மற்றும் பலர் கலந்து கொண்டனர். மேலும்,

எதிர்வரும் அக்டோபர் மாதம் இரண்டாம் தேதி 02-10-2019 அன்று சென்னை எம்.ஜி.ஆர் நகரில் 10 லட்சம் ரூபாய் மதிப்புள்ள கல்வி உதவியை எமது "கற்க கல்வி அறக்கட்டளை" சார்பாக வழங்கவிருக்கிறோம்.

சென்ற 2018 ம் ஆண்டு எங்கள் கற்க கல்வி அறக்கட்டளைக்கு நன்கொடை வழங்கிய அனைவருக்கும் எங்களது மனமார்ந்த நன்றியை தெரிவித்துக் கொள்கிறோம்.

கடந்த ஆண்டுகளைப் போலவே இவ்வாண்டிலும் இதுபோன்ற எங்கள் உதவிகள் தொடர்கிறது என்பதை மகிழ்ச்சியுடன் தெரிவித்துக்கொள்கிறோம். அதேவேளையில் இதுவரையில் எங்களுக்கு தோள்கொடுத்த தோழர்கள் அனைவருக்கும் நன்றியை தெரிவித்துக்கொள்கிறோம்.

தமிழ்வழிக் கல்வியை ஊக்குவிக்கும் எண்ணமுள்ளவர்கள், எங்கள் அறக்கட்டளைக்கு உதவ விருப்பமுள்ளவர்கள் எங்களை தொடர்புகொள்ள அன்புடன் வேண்டுகிறோம்.

a/c no : 62418336742

Karka

SBI Bank

Current Account

Ifsc - SBIN0020946

தொடர்புக்கு :

கரு. அண்ணாமலை ,

தொ.எண் - 9444011124,

செயலாளர்,

கற்க கல்வி அறக்கட்டளை,

சென்னை - 78.

குறிப்பு :

• பெரியாரிய, பொதுவுடைமை, தமிழ்த்தேசிய இயக்கங்களைச் சேர்ந்த தோழர்களின் குழந்தைகள் மற்றும் சாதி மத மறுப்பு, சுயமரியாதை திருமணம் செய்த இணையர்களின் குழந்தைகள் தமிழ்வழிக் கல்வியில் பயின்று உதவி வேண்டுவோர் எங்கள் அறக்கட்டளையைத் தொடர்பு கொள்ளவும். அறக்கட்டளையால் இயன்ற உதவியை வழங்க தயாராக இருக்கிறோம். 10 ம் வகுப்பு மற்றும் 12 ம் வகுப்பில் 90% மேலாக மதிப்பெண் எடுத்த பெரியாரிய உணர்வாளர்களின் குழந்தைகளுக்கு நிதி உதவி வழங்கப்படும். அதிக மதிப்பெண் எடுத்தவர்கள் எங்கள் " கற்க கல்வி அறக்கட்டளையை" தொடர்பு கொள்ளுமாறு அன்புடன் கேட்டுக்கொள்கிறோம்.

16.08.2019